dibebaonline
عزيزي العضو مرحبا بكم ... المنتدى ما زال بالف خير جدد نشاطك بمشاركاتك ®§§][][ dibebaonline][][§§®~
لا تنسى عند دخولك الصـلاة عـلى الرسـول عليه الصلاة والسلام

dibebaonline

من هنا يكون التواصل الحقيقي
 
الرئيسيةالبوابةاليوميةس .و .جبحـثالتسجيلالمجموعاتدخول
شريط التهانئ والاعلانات العاجلة والهـامـة
- كوني كشجرة الرمان في خضرتها ، طيبة في ثمرها ، جميلة في زهرها .2 ـ كوني قوية الإرادة .3 ـ خذي قراراتك الإيجابية بنفسك .4 ـ انهلي من العلم ما استطعت .5 ـ حافظي على سمعتك فإنها كالزجاجة يستحيل إصلاحها إذا ما انكسرت.6 ـ لا تغرك الكلمات المعسولة فقد تكون فخا لك .7 ـ كوني حذرة من العلاقات عبر الشبكة الإلكترونية ( الانترنت ) .8 ـ لا تركضي وراء الزواج بل اجعلي مميزاتك هي التي تهيأ لك فرص ذلك .9 ـ غذي أنوثتك بالطرق السليمة .10 ـ ابتعدي عما يشين لك ولعائلتك .11 ـ لتكن ثقتك بنفسك عالية .13 ـ لا تكثري من الشكاوى .14 ـ اهتمي بغذاء الروح والعقل .15 ـ كوني متعاونة محبة للخير .16 ـ دافعي عن وطنك .17 ـ حافظي على علاقتك بأفراد عائلتك ـ .
*لا إله إلا الله الحليم الكريم**لا اله إلا الله العلى العظيم**لا اله إلا الله رب السماوات السبع و رب العرش العظيم**اللهم إنا نسألك زيادة في الدين**وبركة في العمر**وصحة في الجسد**وسعة في الرزق**وتوبة قبل الموت**وشهادة عند الموت**ومغفرة بعد الموت**وعفوا عند الحساب**وأمانا من العذاب**ونصيبا من الجنة**وارزقنا النظر إلى وجهك الكريم**اللهم ارحم موتانا وموتى المسلمين واشفي مرضانا ومرضى المسلمين**اللهم اغفر للمسلمين والمسلمات والمؤمنين والمؤمنات الأحياء منهم والأموات*****اللهم ارزقني حسن الخاتمة**اللهم ارزقني الموت وأنا ساجد لك يا ارحم الراحمين**اللهم ثبتني عند سؤال الملكين**اللهم اجعل قبري روضة من رياض الجنة ولا تجعله حفرة من حفر النار**اللهم إني أعوذ بك من فتن الدنيا**اللهم أني أعوذ بك من فتن الدنيا**اللهم أني أعوذ بك من فتن الدنيا**اللهم قوي إيماننا ووحد كلمتنا وانصرنا على أعدائك أعداء الدين**اللهم شتت شملهم واجعل الدائرة عليهم**اللهم انصر إخواننا المسلمين في كل مكان**اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك***وبارك اللهم على سيدنا محمد صلى الله عليه وسلم*
احبتي واخواني في الدبيبة داخلها وخارجها وكل غيور على الدبيبـة ، نامل منكم أن و معاودة نشاطكم هنا في هذا المنتدى لتستمر المسيرة والتعاون بنفس الحماس من اجل الدبيبـة هيا همتكم معانا

شاطر | 
 

 روائع التجاني حاج موسى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: روائع التجاني حاج موسى   الإثنين يوليو 27, 2009 9:20 pm


بسم الله ..

سلام احباب الشعر السوداني جابيب ليكم مختارات من اشعار

التجاني حاج موسى ارجو ان تنال اعجابكم

وارجو ان تساهموا معي في تدعيم هذا البوست

واحشنى

واحشنى يا الخليت ملامحك ..

فى حياتى ،

واحشنى يا الرسيت مراسيك ..

جوة ذاتى ،

الا باكر لما ترجع ،

أنا بحكى ليك عن الحصل ،

وعن بعد المسافة وقربها

ولمن يفارق زول عيون

غاليات عليهو كتير خلاص وبحبها

والله أحكام يا قدر

والله أحكام يا مسافة ويا سفر

***

وانت لما بتسيبنى وتسافر

خت فى إعتبارك ،

انو دنياى فى مدارك

وجد- لفافات الصبر دخنتها

وكل المقاطع فى غناى طوعتها

وغريبة غنت ،

فرحة ... لا ... لا

غربة ..لا....لا

تقصد شنو ما عرفتها

وأهى تجربة .....

خطيرة – جد – وأجتزتها

ولسة واحشنى

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الإثنين يوليو 27, 2009 9:24 pm

حبايبنا

حبايبنا

قرايبنا .. وتخاصمونا

وخصامكم لما زاد طول

ولمن أنتو فى الأول جرحتونا

قلنا أقلو نتلاقى

تعاتبونا...

تلومونا....

وفى الأخر تصالحونا .. حبايبنا

تغلطوا انتو ونسامح

ما بنقدر نخاصمكم

ما اصلو الهوى الجامح

بينسينا الخصام كلو

ويهون ظلم الهوى وذلو

والضقناهو من مرو

لما عيونك الحلوين تصابحنا

نرجع نحن مجبورين

نسامحكم ..... حبايبنا

ولمن زاد خصامكم لينا فات حدو

والقايلنو ببقى هظار

أسفر لينا عن جدو

بحر ريدكم وانتو بعاد

يوماتى بيزيد حدو

ولما عيونك الحلوين تصابحنا

نرجع نحن مجبورين ،

نسامحكم .... حبايبنا

وقرايبنا ،

وتخاصمونا

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الإثنين يوليو 27, 2009 9:28 pm



تباريح الهوى


ده الجانى منك ومن تباريح الهوى ،

وصفو بصعب يا جميل

وبعدت عنك ، ولما طال بى النوى ،

بقى لى أسيبك مستحيل ،

تبقى سيرتك هى الكلام

وتبقى صورتك هى الرؤى الحلوة البعيشها

فى صحوتى ، او حتى فى عز المنام

ويبقى اسمك هو الغنا

هو البجفف لى عذابات الضنى

ما الشفتو منك يا منى الروح يا أنا ،

وصفو بصعب يا جميل ....

وبعدت عنك .... ولما طال بى النوى

بقى لى أسيبك مستحيل

***

بشكى ليكم يا مظاليم الهوى

أصلى مجروح مرتين ،

يمكن القى الزيى فيكم

ضاق جراح الحب ومتعذب سنين

ويمكن القى وصفة تنفع ..

ولا يمكن القى حاجة تخفف الجرح القديم ..

حاجة تشفع ..

**

ده الجاني منك ومن تباريح الهوى

وصفو بصعب يا جميل

وبعدت عنك ، ولما طال بي النوى

بقى لى أسيبك مستحيل

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الإثنين يوليو 27, 2009 9:31 pm



أغنية للاطفال


طفل بصرخ فى البوادى

دابو فى سن الفطام

طفل عز الليل ينادى

يلا نديهو الطعام

***

وقبلما نديهو لقمة

نفتح الاحضان نضمو

شان يحس طعم الأمان

شان نعوضو فقد أمو

وكل بيت نفتح لى بابو

وكل واحد يبقى عمو

وترجع الضحكة لعيونو

وينسى حزنو وينسى همو

قيمة الأوطان أصيلة

فينا من زمنا قبيل

محنة بتعدى وتزول

مافى أبدا مستحيل

وبالعزيمة تهون صعاب

والعسير يصبح يسير

ويرجعو الغايبين سنين

تانى للبيت الكبير


_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الإثنين يوليو 27, 2009 9:38 pm



قصر الشوق

باب الريدة وانسد

وقصر الشوق وأتهد

تمر أيام وتتعدى

ونقعد نحسب فى المدة

ومهما أجرب النسيان

الأقى الشوق بيمتده

****

وحات عمرا قضيتو معاك ،

محال عن ريدك أرتد

وراجى العين تلاقى العين

وأحضن أيدك البضة

وأهى الأيام بتتعدى

ونتعاتب ونرجع تانى لابد



***

يا قصر الشوق لو هداك حبيك

ومرة ليك صد

ببنيك بغلاوة الريد ..

محال أنا قصرى ينهد

واهى الايام بتتعدى

ونتعاتب ونرجع تانى لابد

****

أقول أصبر على الحرمان

أقول أنساك لابد

أشوف بس طرفك النعسان

تخونى القوة والشدة

وأصبر قلبى .. على الهجران

يثور ماضينا ويتحدى

وأهى الأيام بتتعدى ونرجع تانى لابد

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الإثنين يوليو 27, 2009 9:41 pm



الياسمين

معزورين ، ولو عارفين حكايتى معاهو ،

تعزرونى لانو الما سقا الياسمين

ما بعرف غلاوة الند

ولا بعرف نداوة خد

ولا بعرف كلام العين .. ومعزورين

أريتكم مرة مرة شفتونى

وبينى وبينو بس خطوات

زى عابد وقف بيأدى فى صلوات ..

وزى والد همس لى جناهو بى دعوات

قولو على لو قايلين ..

معزورين ، وما عارفين

لانو الماسقا الياسمين

ما بعرف غلاوة الند

ولا بعرف نداوة خد

وما بعرف كلام العين .. معزورين

منو الفيكم بساهر الليل

يبارى سحابة لما تشيل

ويتبع نجمة ضواية مداها بعيد بعيد بلحيل

وقولو على لو قايلين

معزورين وما عارفين

لانو الما سقا الياسمين ،

ما بعرف نداوة خد

وما بعرف غلاوة الند

ولا يعرف كلام العي

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
nazim
مشرف قسم الرياضة
مشرف قسم الرياضة


ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: روائع التجاني حاج موسى   الثلاثاء يوليو 28, 2009 4:00 am

شى جميل يا الحبوب, واصل.
الرجوع الى أعلى الصفحة اذهب الى الأسفل
ودأبوعركي
إدارة القسم الاسلامي
إدارة القسم الاسلامي


ذكر عدد الرسائل : 1071
العمر : 51
Personalized field :
اكسب مع ثلاثية روان : -1
تاريخ التسجيل : 20/05/2008

مُساهمةموضوع: رد: روائع التجاني حاج موسى   الثلاثاء يوليو 28, 2009 8:43 am

يا سلام عليك يا عبد الفتاح يا راقي احساسك فعلا اشعار التجاني حاج موسي قوية وصادقة ومعبرة وخاصة رائعته امي الله يسلمك يا ريت تنزلها لينا في هذا البوست الراقي
الرجوع الى أعلى الصفحة اذهب الى الأسفل
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الثلاثاء يوليو 28, 2009 5:50 pm

مشكورين اخوتي .. ناظم والمبدع ودابوعركي .. على المرور .. وبالنسبة لطلبك يا عاشق الخيل غالي والطلب رخيص

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الثلاثاء يوليو 28, 2009 5:55 pm


اهداء للاخ ود ابوعركي

أمي الله يسلمك


أمى الله يسلمك
ويديكى لى طول العمر.
وفى الدنيا يوم ما يألمك
امى الله يسلمك..
أمى يا دار السلام
يا حصنى لو جار الزمان
ختيتى فى قلبى اليقين
يا مطمنانى بطمنك
أمى الله يسلمك..
خيرك على بالحيل كتير
يا مرضعانى الطيبة بالصبر الجميل
سا سعد أيامى وهناى
لو درتى قلبى أسلمك
أمى الله يسلمك ..
أنا مهما أفصح عن مشاعرى
برضو بيخونى الكلام
وقولة بحبك
ما بتكفى وكل كلمات الغرام
يا منتهى الريد ومبتداه
يا الليا الله يسلمك
ويديكى لى طول العمر
وفى الدنيا يوم ما يألمك
أمى الله يسلمك ..

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
ودأبوعركي
إدارة القسم الاسلامي
إدارة القسم الاسلامي


ذكر عدد الرسائل : 1071
العمر : 51
Personalized field :
اكسب مع ثلاثية روان : -1
تاريخ التسجيل : 20/05/2008

مُساهمةموضوع: رد: روائع التجاني حاج موسى   الثلاثاء يوليو 28, 2009 8:32 pm

تسلم اخي الرائع عبد الفتاح على الاهداء الجميل والله يسلمك
الرجوع الى أعلى الصفحة اذهب الى الأسفل
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الثلاثاء يوليو 28, 2009 9:14 pm

ودأبوعركي كتب:
تسلم اخي الرائع عبد الفتاح على الاهداء الجميل والله يسلمك

الله يسلم الجميع .. ويرحم والديّ .. ويطول في اعمار الامهات

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
الشيخ فرح
مشرف تقنية الكمبيوتر
مشرف تقنية الكمبيوتر


ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: روائع التجاني حاج موسى   الثلاثاء يوليو 28, 2009 11:56 pm

وقبلما نديهو لقمة

نفتح الاحضان نضمو

شان يحس طعم الأمان

شان نعوضو فقد أمو

وكل بيت نفتح لى بابو

وكل واحد يبقى عمو

وترجع الضحكة لعيونو

وينسى حزنو وينسى همو


حاجة روعة ان نغني للاطفال وخاصة الايتام ليسعدوا ونخفف عنهم الم فقد الابوين كلاهما او أحدهما نشاركهم ونرجع ليهم الضحكـة .....

رائع الاختيار يا الحبوب والتجاني ايضا ابدع وعايزين المزيد من الاشعـار
الرجوع الى أعلى الصفحة اذهب الى الأسفل
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الأربعاء يوليو 29, 2009 4:20 pm

الشيخ فرح كتب:

حاجة روعة ان نغني للاطفال وخاصة الايتام ليسعدوا ونخفف عنهم الم فقد الابوين كلاهما او أحدهما نشاركهم ونرجع ليهم الضحكـة .....

رائع الاختيار يا الحبوب والتجاني ايضا ابدع وعايزين المزيد من الاشعـار

الروعة كلها عندك .. ياشيخنا ومديرنا تسلم وارجو المساهمة معي في هذا البوست

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الأربعاء يوليو 29, 2009 4:38 pm


الدنيا الجميلة


شـوفـو دنيتـنـا الجميـلـه
بوديانها وصحاريها ونخيلهـا
بانهارها وباشجـارا الظليلـه
****
مـاهـى دنيتـنـا الجميـلـه

*****
الشمـس كـل يـوم بتطلـع
اصلو مـا اتأخـر شروقهـا
فى العشيـه تسيبنـا تغـرب
روعـه سبحانـو البسوقـهـا

*****
مـاهـى دنيتـنـا الجميـلـه
*****
اربعـه فصـول فـى السنـه
بـمـرو عـبـر الازمـنـه
الشتا والصيف ، ربيع وخريف
وده بيـحـصـل كــيــف
******
مـاهـى دنيتـنـا الجميـلـه

******

اي واحد فينا لو فكـر وقـدر
عظمـه الخـالـق بتظـهـر
يبـقـى واجبـنـا العليـنـا
نبتـهـل نـرفـع ايـديـنـا
ونعمـل المفـروض عليـنـا
الله بــقـــبـــل ......

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الأربعاء يوليو 29, 2009 4:41 pm



طلع الصباح

أطرد النوم من عيونـك
ما خلاص طلع الصباح
خلـى بالـك للبخونـك
يلا حي علـى الفـلاح

***

وأبدأ اول خطوه أمشـى
الطريـق لسـه طويـل
لسـه قدامـك مسـافـه
الف فرسخ والف ميـل
وانت يا سـودان قيافـه
فيك تراب راويهو نيـل
وانت يا سـودان ثقافـه
من زمن دقنـه وخليـل
نادى اولادك واصـرخ
غربتـم طالـت سنيـن
وافتح احضانك وافـرح
وضمهم بس بى حنيـن
واوعى تطلع كلمه تجرح
وتانـى نرجـع للانيـن
والزمن يسرقنا يسـرح
وتانـى يسلبنـا اليقيـن
***
خلـى بالـك للمـدارس
خلى بالك حصه حصـه
وللكراريس ابقى دارس
والدرس نقراهـو هسـه
للفصول خليك حـارص
ما تضيـع فيهـا قشـه
وللتلاميذ ابقى حـارس
همه طينه ولسـه هشـه
الصبـر هـد الجبـال
وانت صبرك ما اعتيادى
وخلى ضرعاتك طـوال
توصل القرى والبـوادى
لمهـم لـمـة رجــال
وطوف بلاد الدنيا نادى
وعلمهم كيـف النضـال
وافتخر قول ديل ولادى

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الأربعاء يوليو 29, 2009 4:44 pm




السودان الجديد



يا جمالك يـا بـلادى جيـت اغنيلـك نشيـد
ما خلاص نادى المنادى اتولد سـودان جديـد
***
لو عذابك طال كتيـر وبالسنيـن مستحملاهـو
وضقتى ويلات السعير وشفتى من الويل شقاهو
الشـروق ساطـع منيـر والارض مستنياهـو
يبقى كل الجاي خير يمسـح القبلـو ووراهـو
***
وانت يا شعبى النبيل فيك ملمـح مـا بتـزول
انت من اصلك اصيل خاتى كلماته وخاتى قول
انت يا الدغرى وعديل انت يا العارف الاصول
يشهد التاريـخ قبيـل فيهـو مثلـت الفصـول
***
نحن لو كان يوم سهينا مره فى عمـر الزمـان
نحن عهدك ما نسينا ولمـا حـان يـوم الاوان
جينا من غربتنا جينا وتانى لى نفـس المكـان
اتحدنا وبـى ايدينـا بنغسـل الـذل والهـوان
***

وابدأ افرح بيك وأغازل
يا وطن بالعزه حافـل
وأزرعك ورد وسنابـل
يا وطن عارفك مناضل
والبخونك يبقى هـازل
يبقى مكتول وأبقى كاتل
***
وانظم الافـراح نشيـد
ما خلاص نادى المنادى
اتولـد سـودان جديـد
اتولـد سـودان جديـد

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
عبد الفتاح احمد
مشرف تقنية الكمبيوتر
مشرف تقنية الكمبيوتر


ذكر عدد الرسائل : 771
العمل/الترفيه : الكومبيوتر
Personalized field :
اكسب مع ثلاثية روان : 0
تاريخ التسجيل : 31/03/2008

مُساهمةموضوع: رد: روائع التجاني حاج موسى   الأربعاء يوليو 29, 2009 4:47 pm

انا كدا ما قصرت الباقي عليكم انتو

_________________

مشيناها خطى كتبت علينا
ومن كتبت عليه خطى مشاها
ومن كانت منيته بأرض
فليس يموت في أرض سواها

....... الحبّـــوب .......


ــــــــــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
http://dibeba.akbarmontada.com
 
روائع التجاني حاج موسى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
dibebaonline ::  ::  :: -
انتقل الى: