dibebaonline
عزيزي العضو مرحبا بكم ... المنتدى ما زال بالف خير جدد نشاطك بمشاركاتك ®§§][][ dibebaonline][][§§®~
لا تنسى عند دخولك الصـلاة عـلى الرسـول عليه الصلاة والسلام

dibebaonline

من هنا يكون التواصل الحقيقي
 
الرئيسيةالبوابةاليوميةس .و .جبحـثالتسجيلالمجموعاتدخول
شريط التهانئ والاعلانات العاجلة والهـامـة
- كوني كشجرة الرمان في خضرتها ، طيبة في ثمرها ، جميلة في زهرها .2 ـ كوني قوية الإرادة .3 ـ خذي قراراتك الإيجابية بنفسك .4 ـ انهلي من العلم ما استطعت .5 ـ حافظي على سمعتك فإنها كالزجاجة يستحيل إصلاحها إذا ما انكسرت.6 ـ لا تغرك الكلمات المعسولة فقد تكون فخا لك .7 ـ كوني حذرة من العلاقات عبر الشبكة الإلكترونية ( الانترنت ) .8 ـ لا تركضي وراء الزواج بل اجعلي مميزاتك هي التي تهيأ لك فرص ذلك .9 ـ غذي أنوثتك بالطرق السليمة .10 ـ ابتعدي عما يشين لك ولعائلتك .11 ـ لتكن ثقتك بنفسك عالية .13 ـ لا تكثري من الشكاوى .14 ـ اهتمي بغذاء الروح والعقل .15 ـ كوني متعاونة محبة للخير .16 ـ دافعي عن وطنك .17 ـ حافظي على علاقتك بأفراد عائلتك ـ .
*لا إله إلا الله الحليم الكريم**لا اله إلا الله العلى العظيم**لا اله إلا الله رب السماوات السبع و رب العرش العظيم**اللهم إنا نسألك زيادة في الدين**وبركة في العمر**وصحة في الجسد**وسعة في الرزق**وتوبة قبل الموت**وشهادة عند الموت**ومغفرة بعد الموت**وعفوا عند الحساب**وأمانا من العذاب**ونصيبا من الجنة**وارزقنا النظر إلى وجهك الكريم**اللهم ارحم موتانا وموتى المسلمين واشفي مرضانا ومرضى المسلمين**اللهم اغفر للمسلمين والمسلمات والمؤمنين والمؤمنات الأحياء منهم والأموات*****اللهم ارزقني حسن الخاتمة**اللهم ارزقني الموت وأنا ساجد لك يا ارحم الراحمين**اللهم ثبتني عند سؤال الملكين**اللهم اجعل قبري روضة من رياض الجنة ولا تجعله حفرة من حفر النار**اللهم إني أعوذ بك من فتن الدنيا**اللهم أني أعوذ بك من فتن الدنيا**اللهم أني أعوذ بك من فتن الدنيا**اللهم قوي إيماننا ووحد كلمتنا وانصرنا على أعدائك أعداء الدين**اللهم شتت شملهم واجعل الدائرة عليهم**اللهم انصر إخواننا المسلمين في كل مكان**اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك***وبارك اللهم على سيدنا محمد صلى الله عليه وسلم*
احبتي واخواني في الدبيبة داخلها وخارجها وكل غيور على الدبيبـة ، نامل منكم أن و معاودة نشاطكم هنا في هذا المنتدى لتستمر المسيرة والتعاون بنفس الحماس من اجل الدبيبـة هيا همتكم معانا

شاطر | 
 

 القسمة ما معروفة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام اشرف
عضو مرشح للإشراف
عضو مرشح للإشراف
avatar

انثى عدد الرسائل : 921
العمل/الترفيه : حب التعارف والسفر
Personalized field :
اكسب مع ثلاثية روان : 0
تاريخ التسجيل : 26/06/2009

مُساهمةموضوع: القسمة ما معروفة   الجمعة يوليو 10, 2009 3:10 pm

من غير مقدمات طبعا كلكم بتعرفوا مصطلح الشاكوش وهو إنهاء العلاقة العاطفية بالدارجى كده (محبة فرتق ) – والشواكيش أنواع فى منها الخفيف وده البيكون فى بداية العلاقة يعنى يادابك كده كبايتين عصير على ساندوتش بيرقر ما اكتر وده ضربته ما موجعة وخفيفة على الرأس هينة على القلب .
فى شاكوش وسط – يعنى وجعته بس فى لحظته بس يوم يومين ولا كأنه حصل شئ من أساسه وده بيكون من الأول انبهار بالشخصية وعند سبر اغوارالشخصية عن قرب ، تكون بين نارين ، نار البقاء ونار الفكاك ومع أول فرصة للزوغان سواء كان تقدم عريس جاهز لزولتك أو اهلها ضغطوك عشان تتلحلح – تقول ليهم والله أنا عايز سعادتها والبيحب عمره ما بيكره وتمرق بجلدك وتقول (بركة الجات منك يا جون)
فى شاكوش صعب خلاص يمرضك وييجننك ويبقيك عوير ويضعفك تبقى حنقوقة بس – راس وماشى يخليك تكره البنات ليوم الدين – وده اسألوا منه اخونا فواز من باب (اسأل مجرب وما تسأل طبيب) وهو خير من يفتيكم فيه . فالنوع ده من الشواكيش حار خلاص وبعد تكون صرفت دم قلبك وقددت كافتريات السوق العربى كافتريا كافتريا ، لا خليت منتزه لا خليت سوق ولا خليت حديقة تقزقز فى الترمس وتلحس الآيسكريم وبالليل تجيب ليك اسكراتشش تنضم بيه تلاتة ساعات لمن لسانك يوجعك من الكلام – وفى النهاية يجى واحد مقندل ومريش كف يخطفها منك . عاد يا لزمت الصبر وشعرك بقى قطنة ، يا سكنت التيجانى الماحى .
بعدين ملاحظين معاى انه الغناء فى الشاكوش كله قالوه الرجال ما البنات؟ ده معناه شنو انهم جرسة ساى وقلبهم رهيف وما بيتحملوا الصدمات العاطفية – ولو تظاهروا بعدم ذلك ، لو ما كده الغناء لزومه شنو بعد العلاقة انتهت ما كل حى راح لحاله .
كدى نشوف الغنايين بيكابروا وقالوا شنو نظام ما تعرسى كان عرستى ولا همانا
زيدان إبراهيم : فى الليلة ديك لاهان على ارضى واسامحك ولا هان على اعتب عليك
محمد احمد عوض : والله القسمة ما معروفة لى وليك كانت خافية يدوم سعدك مع غيرى تملا شبابك العافية
مجزوب أونسة : أقدار يا نور عينى يا الكنت فاكرك لى
أما عثمان حسين ولا دساها قالها عديل : فى حياتى قبلك انت عشت قصة حب قاسية لسه ما زالت فى قلبى زكرياتها المرة باقية
حاله حال هاشم ميرغنى ولا كضب وقال : عشان أهلك بخليك واشيل فى جرحى ماضيك احاول برضى ما قادر عشان انسى وانسيك
الرجوع الى أعلى الصفحة اذهب الى الأسفل
الشيخ منقة
عضو ممتاز
عضو ممتاز
avatar

ذكر عدد الرسائل : 130
Personalized field :
اكسب مع ثلاثية روان : 0
تاريخ التسجيل : 07/02/2009

مُساهمةموضوع: رد: القسمة ما معروفة   الجمعة يوليو 10, 2009 4:59 pm

( ده معناه شنو انهم جرسة ساى وقلبهم رهيف وما بيتحملوا الصدمات العاطفية )



عاد يا اختي اووب والرووب ما بتنفع والراجل اكان وقع ترة البتابت عييييييييييييييييييب ونحن لينا الله
الرجوع الى أعلى الصفحة اذهب الى الأسفل
mleka
فــfawazـواز
فــfawazـواز
avatar

ذكر عدد الرسائل : 325
Personalized field :
اكسب مع ثلاثية روان : 4
تاريخ التسجيل : 09/02/2009

مُساهمةموضوع: رد: القسمة ما معروفة   الجمعة يوليو 10, 2009 7:46 pm

ام اشرف قلبت ياجماعه بقت استاذا بتشرح في الشاكوش هههههه شكلك شوكشتي ناس كتار عشان كدا الليله اديتينا حصه ههههه لكن منك نستفيت علي المعلومات الطيبا دي نحن يادوب في اول الطريق
الرجوع الى أعلى الصفحة اذهب الى الأسفل
ام روان
عضو مرشح للإشراف
عضو مرشح للإشراف


انثى عدد الرسائل : 695
Personalized field :
اكسب مع ثلاثية روان : 6
تاريخ التسجيل : 13/06/2009

مُساهمةموضوع: رد: القسمة ما معروفة   الجمعة يوليو 10, 2009 7:52 pm

ميزتينى يا حبيبة الضلمة هو فواز مشوكش يعنى البسوى فيو ده مغصة ما قلنا ليك النسوان ديل ما بنقدرن روق فى علبك
الرجوع الى أعلى الصفحة اذهب الى الأسفل
ام اشرف
عضو مرشح للإشراف
عضو مرشح للإشراف
avatar

انثى عدد الرسائل : 921
العمل/الترفيه : حب التعارف والسفر
Personalized field :
اكسب مع ثلاثية روان : 0
تاريخ التسجيل : 26/06/2009

مُساهمةموضوع: رد: القسمة ما معروفة   الجمعة يوليو 10, 2009 8:10 pm

مشكورين على المرورالشيخ منقة ، ام روان ، وفواز المشوكش تسلموا
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: القسمة ما معروفة   السبت يوليو 11, 2009 12:19 am

ما زمان قبال اسافر قولتى لى اوعك تطول. هاشم ميرغنى.
انت خونى زمانى كلو الا اوعك يوم تخونها. هاشم ميرغنى.
يوم فى يوم غريب. سيد خليفة.
طار قلبى منى وقال ماهو عايد جاغريو واحمد المصطفى.
شفتى الشواكيش كيف تتطاقش؟
اهادة حال الرجال كدة. انتن حالكن كيف؟
حبى ليك كان زادى بتوصف حالكن بكل وضوح وبتبكى شديد والله.
الرجوع الى أعلى الصفحة اذهب الى الأسفل
karber
مشرف التسجيل بالمنتدى
مشرف التسجيل بالمنتدى
avatar

ذكر عدد الرسائل : 1665
Personalized field :
اكسب مع ثلاثية روان : 9
تاريخ التسجيل : 12/03/2008

مُساهمةموضوع: رد: القسمة ما معروفة   السبت يوليو 11, 2009 11:24 am

هااااازول الليله ام اشرف تمام, اي كلمي فواز دا

_________________
karber
******

هنا مواضيعي ومشاركاتي
الرجوع الى أعلى الصفحة اذهب الى الأسفل
abazer arbab
مشرف علاقات عامة
مشرف علاقات عامة
avatar

ذكر عدد الرسائل : 1137
Personalized field :
اكسب مع ثلاثية روان : 4
تاريخ التسجيل : 28/03/2008

مُساهمةموضوع: رد: القسمة ما معروفة   السبت يوليو 11, 2009 11:49 am

والله كلام ياود دكام الحمد للة الله مرقنا من ال
هوووووووووووووووي ياناس
سلام وتاني سلام
اجمعو سريع سريع
والله عندنا حالات مستعجلة خلاص
ناس في مستشفيات ناس مزهللين - ناس مصدومين ناس في الشوارع لافة لا حولا ولاقوه الا بالله
ولأنو أخوكم تفتيحة وكدا وشايل هم جميع ناس مغلوبيين وما قدرو يتعاملو مع الهجمه المرتده الكويس فيكم تب والعندو اعصاب بكلم روحو
غايتو جنس حالة
نحاول بقدر الامكان نعالج ما تجود به افكارنا ولو غلبنا نحولا لى مكان تانى بعد ما نشوف
شنو السبب ياجماعة ليه الحالات دي؟
وانتو تورونا الاسباب !وعلى حسب علمى
قالو اكبر سبب هو الشواكيش
دا غير الاسباب الأخرى الجانبية
اها
ياجماعة ونسبة لأنو اخوكم قلبوا رهيف وكدا<ولومامصدقين اسألوا ناس
التجانى الماحى قسم الامراض العصبيه والانزلاق الوجدانى دا تخصصنا>
ونسبة
لنجاح تجربتي مع الأخ ( الطفشان بى عدلو> في اعادة البسمة لشفاهه
التعبة بعد رفع معنوياته ولو بالكذب (كذبة بيضا ذات هدف نبيل)
فا
أحيانا أخبره ان فلانة الحلوة ديك ياخي تسال منه وتاني اقول ليه ياخي
مامشكلة ما برضو ابواحمد داك اخذ شاكوش زي شاكوشك (مع انه شاكوشه حار جدا)
المهم شوية شوية لمن ترجع ليه البسمة
قررت انا وبقية الاعضاء تكوين دار تحت اسم ( الموااساة وتخفيف أضرار الشاكوش )
هذا
ولأهمية الموضوع قررت اللجنة اجتماع عاجل فيالفيس بوك وتسجيل كافة
المشوكشين والتسجيل سري للغاية وعمل دراسة لكل حالة واعطائها الجرعة
اللازمة من رفع المعنويات
مثلا واحدة مشوكشة جديد ممكن نقول ليها (
والله وشك قريب وش هيفاء وهبي لكن الشوكشك ما بشوف بس ) وابو الشباب
المشوكش نقو ليه القروش ماكل حاجة هي البتندم حد لاقي راجل اليومين ديل
أها اجمعوا كلكم - مشوكشين -شمشارين - بايرين بايرات - الخ وخلونا نكون الدار دي
ولانو انا ماشمشار ولا مشوكش ببقىرئيس وملاحظ عام
ومن هسه وانا متاكدا فى واحد بسجل هنا
عمر كبير بجي بورينا انو الشاكوش مابأثر والواحد بعرس وبجيب اولاد كمان
وفي ناس كده محيرني بقروا في جامعات مامختلطه ومشوكشين...اها ياهناي دي كيييييييف؟؟؟
انحنا بنقترح انو الدار دي نضمها للجمعيات الخيريه لدعم المرضي والحالات المستعصيه نحولها التجاني الماحي

_________________
سبحان الله وبحمدة عدد خلقه ورضا نفسه وزنة عرشه ومداد كلماته
****
هنا مواضيعي ومشاركاتي
الرجوع الى أعلى الصفحة اذهب الى الأسفل
abazer arbab
مشرف علاقات عامة
مشرف علاقات عامة
avatar

ذكر عدد الرسائل : 1137
Personalized field :
اكسب مع ثلاثية روان : 4
تاريخ التسجيل : 28/03/2008

مُساهمةموضوع: رد: القسمة ما معروفة   السبت يوليو 11, 2009 12:01 pm

اهة يابت امى رايك شنو
البنــات مخلوقــات عجيبــة


لو قبلتها , تكون رجلاً غير محتــرم


ولو لم تقبلها, تكون لست رجلاً


إذا مدحتهــا تعتقــد أنـــك كـــــذاب


وإذا لم تمدحهـــا تعتقد بأنك لا تصلــح لشيء


إذا وافقتها على كل ما تريد تعتقد أنك بلا شخصيـــة


وإذا لم توافقهـــا أنت رجـــل لا يفهــم شيئاً


إذا زرتهــا كثيراً تعتقد أنــك رجــل غثيــث


وإذا لم تزرهـــا فـــأنت شخص لا مبالي


إذا كــنـــت مهتماً بمظهرك وشياكتك فأنت رجـــل لعـــوب


وإذا لم تلبــس جيداً فأنـــت رجـــل تحرق الأعصـــاب


إذا كـنــت رجلاً غيوراً فـــأنت سيء الطبـــاع


وإذا لم تظهــر لك غيرتهـــا فإنهــا تعتقــد أنـــك لا تحبهـــا


إذا تأخرت عليها دقيقــة فإنها تشتكي وتتذمر وتقول : ما أصعب الانتظار !


وإذا كنت تزور أحــد أصدقائــك فإنها تقول : بأنك رجــــل فاضي !


إذا لم تتوقف لهـــا حتى تقطع الشارع فأنت رجـــل عديـــم الأخلاق


أمـــا إذا وقفــت فإنها تعتقــد بأنك واقف حتى تتفـــرج عليهـــا


إذا كنت تراقــب أحد النساء فإنك رجل تغــازل وعيونك زايغـــة !


أمـــا إذا نظر إليها أحـــد الرجـــال فإنه أحـــد المعجبيـــن !


إذا تكلمــــت فإنهـــا تريـــدك أن تــســتــمع


وإذا سمعـــت فإنهـــا تريـــدك أن تــتـــكلم !

وباختصـــار


بسيطـــــــــــــــات ومعقــــدات


ضعيفات, لكنهن قويات


متناقضات ومنطقيـــــات


لا تستطيــــــــــــــع العيــش معهم

_________________
سبحان الله وبحمدة عدد خلقه ورضا نفسه وزنة عرشه ومداد كلماته
****
هنا مواضيعي ومشاركاتي
الرجوع الى أعلى الصفحة اذهب الى الأسفل
mleka
فــfawazـواز
فــfawazـواز
avatar

ذكر عدد الرسائل : 325
Personalized field :
اكسب مع ثلاثية روان : 4
تاريخ التسجيل : 09/02/2009

مُساهمةموضوع: رد: القسمة ما معروفة   السبت يوليو 11, 2009 4:38 pm


انت زي الناس بتكبر
وللا فاير يا الكظرظر
يا الدريهمة السابقة عمرك
ونحن شوشو فينا جمرك
واصلو ريدك لو فينا شبك
وكان فكيناه ما بفك
يا ام صديرك قام محنبك
٭٭٭
انتي فايرة والتياب ديل كبروكِ
ونحن خايفين يختفوكِ
وقلنا احسن نحن نمشي ونخطبك من ناس ابوكِ
الا خايفين من ابوكِ
قالوا صعب
وقالوا كعب
وقالوا قُبّال تدخل الحوش
تلقاهو رافع الشاكوش
ومابنقدر علي الشاكوش
واشجّع واتجدّع
وامشي علي بويتكم داك
واحلف اني ما ارجع
وادق الباب
يجيني ابوكي زي الحاجة
والشنبات تقول جبادة
وما بنقدر نقول ليهو حاجة
واتفضّل علي الديوان
واطقطق في اصابع ايديّا
وزي ما بيفعل الضيفان
ولما طلتا في سكوتي
بديت يا انتي اتنحنح
واكرّب في حبال صوتي
و ابوكي كمان عرف قصدي
وحقّق ليّ ودقّق ليّ
عمرك كم
ووزن كم
ودخلك كم
وكم في كم
وكمكمني وبقيت في التخارجني
اتاريك انتي اصلو ملاك
ابوكي كوجاك
دا قال ليّ كلمة مابتتلاك
وراح ضاربنا ضربة باك
تقول خشينا بالشباك

الرجوع الى أعلى الصفحة اذهب الى الأسفل
mleka
فــfawazـواز
فــfawazـواز
avatar

ذكر عدد الرسائل : 325
Personalized field :
اكسب مع ثلاثية روان : 4
تاريخ التسجيل : 09/02/2009

مُساهمةموضوع: رد: القسمة ما معروفة   السبت يوليو 11, 2009 4:48 pm

اه رايك شنو في الشاكوش دا جامد صاح
الرجوع الى أعلى الصفحة اذهب الى الأسفل
ام اشرف
عضو مرشح للإشراف
عضو مرشح للإشراف
avatar

انثى عدد الرسائل : 921
العمل/الترفيه : حب التعارف والسفر
Personalized field :
اكسب مع ثلاثية روان : 0
تاريخ التسجيل : 26/06/2009

مُساهمةموضوع: رد: القسمة ما معروفة   السبت يوليو 11, 2009 6:13 pm

مشكورين والله كلكم على المرور و تميتوا الناقص فى الموضوع تسلموات
اها يا فواز كلامى ما طلع بالصح وظنى فيك ما خاب
الرجوع الى أعلى الصفحة اذهب الى الأسفل
 
القسمة ما معروفة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
dibebaonline :: اللغة العربية والشعر بأنواعه والوانه :: تعلمت من الحياة :: أضحك من جووووووة قلبك-
انتقل الى: