dibebaonline
عزيزي العضو مرحبا بكم ... المنتدى ما زال بالف خير جدد نشاطك بمشاركاتك ®§§][][ dibebaonline][][§§®~
لا تنسى عند دخولك الصـلاة عـلى الرسـول عليه الصلاة والسلام

dibebaonline

من هنا يكون التواصل الحقيقي
 
الرئيسيةالبوابةاليوميةس .و .جبحـثالتسجيلالمجموعاتدخول
شريط التهانئ والاعلانات العاجلة والهـامـة
- كوني كشجرة الرمان في خضرتها ، طيبة في ثمرها ، جميلة في زهرها .2 ـ كوني قوية الإرادة .3 ـ خذي قراراتك الإيجابية بنفسك .4 ـ انهلي من العلم ما استطعت .5 ـ حافظي على سمعتك فإنها كالزجاجة يستحيل إصلاحها إذا ما انكسرت.6 ـ لا تغرك الكلمات المعسولة فقد تكون فخا لك .7 ـ كوني حذرة من العلاقات عبر الشبكة الإلكترونية ( الانترنت ) .8 ـ لا تركضي وراء الزواج بل اجعلي مميزاتك هي التي تهيأ لك فرص ذلك .9 ـ غذي أنوثتك بالطرق السليمة .10 ـ ابتعدي عما يشين لك ولعائلتك .11 ـ لتكن ثقتك بنفسك عالية .13 ـ لا تكثري من الشكاوى .14 ـ اهتمي بغذاء الروح والعقل .15 ـ كوني متعاونة محبة للخير .16 ـ دافعي عن وطنك .17 ـ حافظي على علاقتك بأفراد عائلتك ـ .
*لا إله إلا الله الحليم الكريم**لا اله إلا الله العلى العظيم**لا اله إلا الله رب السماوات السبع و رب العرش العظيم**اللهم إنا نسألك زيادة في الدين**وبركة في العمر**وصحة في الجسد**وسعة في الرزق**وتوبة قبل الموت**وشهادة عند الموت**ومغفرة بعد الموت**وعفوا عند الحساب**وأمانا من العذاب**ونصيبا من الجنة**وارزقنا النظر إلى وجهك الكريم**اللهم ارحم موتانا وموتى المسلمين واشفي مرضانا ومرضى المسلمين**اللهم اغفر للمسلمين والمسلمات والمؤمنين والمؤمنات الأحياء منهم والأموات*****اللهم ارزقني حسن الخاتمة**اللهم ارزقني الموت وأنا ساجد لك يا ارحم الراحمين**اللهم ثبتني عند سؤال الملكين**اللهم اجعل قبري روضة من رياض الجنة ولا تجعله حفرة من حفر النار**اللهم إني أعوذ بك من فتن الدنيا**اللهم أني أعوذ بك من فتن الدنيا**اللهم أني أعوذ بك من فتن الدنيا**اللهم قوي إيماننا ووحد كلمتنا وانصرنا على أعدائك أعداء الدين**اللهم شتت شملهم واجعل الدائرة عليهم**اللهم انصر إخواننا المسلمين في كل مكان**اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك***وبارك اللهم على سيدنا محمد صلى الله عليه وسلم*
احبتي واخواني في الدبيبة داخلها وخارجها وكل غيور على الدبيبـة ، نامل منكم أن و معاودة نشاطكم هنا في هذا المنتدى لتستمر المسيرة والتعاون بنفس الحماس من اجل الدبيبـة هيا همتكم معانا

شاطر | 
 

 اداء المرآة السودانية فى صناعة الازياء السودانية

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: اداء المرآة السودانية فى صناعة الازياء السودانية   الأحد يونيو 07, 2009 4:37 am

تذكير بمساهمة فاتح الموضوع :

هذه الورقة كتبتها الاستاذة جيرزالدا الطيب زوجة المرحوم بروفيسور عبدالله الطيب ولاهميتها التاريخية والثقافية احببت ان اشرككم فيها
..ذكر علماء الاثار ان السودان كان قد عرف صناعة المنسوجاتالقطنية منذ الاف السنين . استنادا على ما عثروا عليه فى حفرياتهم من حلقات حجرية كانت تستعمل اثقالا لسدى النسيج توضع على انوال رآسية
وليس من المعروف بعد ما كان يبلغهعرض هذه الانوال اذ لم يبق شىء من تراكيبها الخشبيه. غير انه يمكننا ان نقدر ان عرضها لم يكن يزيد على الثلاثين سنتمترا وذلك اذا نظرنا الى ضيق اخشن مادة واكثرها بدائية مما بقى فى السودان الى اليوم مما كان قد غزل ونسج يدويا وهى (القنجة) مشبهة فى هذا المنسوجات البدائية الاخرى. التى ماتزال تنسج على انوال ارضية فى غرب افريقيا الى اليوم.وليس من المعروف بعد فى تلك الازمنة الموغلة فى القدم. ما ان كانت صناعة النسيج هذا مما يزاوله الرجل او المرآة. او يزاوله كلاهما . على اننا نظن ان الرجل فى هذه الازمان ايما انشغال بالصيد. والرعى ولذلك فان اعمالا كالنسيج ونحوه مما يسند الى المرآ’ة ونحن نعلم ان شجيرات القطن البرى كانت تنبت على طول نهر النيل الابيض ثم النيل الرئيسى من بعده لان هيرودتس يذكر نجاشى الحبشة على انه الى نهر النيل ومحرق ما عليها من حقول قطن. ......نواصل
الرجوع الى أعلى الصفحة اذهب الى الأسفل

كاتب الموضوعرسالة
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   الأربعاء يونيو 24, 2009 8:16 am

رويدك ياناظم ياخى انا شكرت اللون الاصفر حيث يقول جل من قائل..
(قالوا ادع لنا ربك يبين ما لونها قال انه يقول انها بقرة صفراء فاقع لونها تسر الناظرين)
اها بعد كلام المولى جل وعلا عندك كلام.....تسر الناظرين ياخ ما حاجة كعبة
اما التوثيق للرياضة فى الدبيبة انا اقترح الاخ خالد ود الظايط وحبر الشيخ وانا بساعد معاهم
مشكور ين يا ناظم وامجد المريخاب التشطين
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   الأربعاء يونيو 24, 2009 8:32 am

..........ما بتشيل جردل على الزير
........... وما بتحش قش التناجير
.......... (الزراق) فوقا تقول حرير
........... انت ريحتك فلور دمور
.......... ولا بت السودان اصيل
.......... القمر بوبا عليك تقيل
..اين الزراق اليوم (ثوب الزراق) لقد اصبح تاريخ يحتاج لوصف لمن لم يراه هاهى الثقافة الغنائية توثق له اجمل توثيق
لم يكن ماكياج المرآة ’ السودانية سوى كحل ودق شلوفة وشلوخ على الجانبين وحفرة دخان
ولم تكن اكسسواراتها الا (شف) و(فدايات)و (وزمام) و(رشمة) زى ما قال الغناى
........الزمام غير رشمة خايل
.....فى
.......السمحة نوارة فريقنا
.....يا العسل النشفت ريقنا
لكمها كانت امرآة كاملة البهاء والبقول مافى رومانسية نمرق ليه من الغنا المخبآ الى الزهور والورد الشتلوها جوة قلبى
كما اجاد محمد عثمان وردى فى القمر بوبا
فقد عاد ومعه سيد احمد الحردلو ليرسم ملامح ملابس الشخصية النمطية لاواسط وشمال السودان والشرق كمان فقال
............يا بلدى ياحبوب
........... يا ابو جلابية وتوب
.......... وجرجار ومركوب
......... وجبة وصديرى
......... وسيف وسكين
........يا سمح يازين.....ياسمح يازين
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: العراقى-القميص السودانى   الأربعاء يونيو 24, 2009 9:03 am

بناء على طلب ناظم ننجر شوية
العراقى زى ماقال واحد جلابية مقصرة ...زهو لبس سودانى صميم اختص به السودانيون دونا عن خلق الله جميعا
وهو لبس عملى جدا
كان يوجد منه انواع
1- عراقى قصير للغاية فوق الركبة يلبس فقط تحت الجلابية بدلا عن الفنيلة
2-عراقى غالب مصنوع من قماش الدمورية مخصص للعمل -المزارعين -البنايين- الرعاة- الحمالين (العتالة)-سواقين الكارو
3-عراقى طويل يلبس مع السروال ابو تكة لوحده او تحت الجلابية
4- عراقى الهدندوة ويلبس فوقه الصديرى مع السربادوق
5- عراقى العريس للحناء والسيرة ويوم السيرة يلبس فوقه توب السرتى
...تنقسم العراريق الى مخيطة مخصوص لصاحبها واخرى سوقية والسوقية طبعا ( عدى من وشك)
اود ان اتحدث قليلا عن عبقرى من عباقرة الدبيبه فى هذا المجال
........العم محمد احمد ارباب (ود احمد)
لللاسف الجيل الجديد لم يستمتع يجلاليب وعراريق ود احمد فلقد كان هو والعم عبد الكافى يوسف احمد
كانوا ملوك السوق العربى...وترزية يشار البهم بالبنان ليس لاهل الدبيبة وشرق النيل فقط بل لاكثر سكان العاصمة
اولا كانت معاملتهم معاملة راقية للغاية ولو ما خيطت عندهم جلابية العيد ما عندك عيد
وناسنا كانوا متخصصين طوالى يقولوا ليك دى خياطة ود احمد او خياطة عبدالكافى ولو جلت من كدة اكيد جلابيتك ما حلوة
ولما كنت صغير من اكثر الاشياء البكون مبسوط ليها كسوة العيد لانو فيها مشى الخرطوم لمحلات ود احمد او عبد الكافى
بالتالى الفطور حايكون سمك بلطى( وفسحى) ياقول الشايقية....
العم ود احمد والعم عبد الكافى يمتاران بطولة بال غير عادية واول حاجة يطلبوا ليك ليمون ولا بيبسى (خدمات راقبة)
او شاى او قهوة اذكر ان عمنا ود احمد بطلب لى منقة ما عارفوا نقش كيف انا بحب عصير المنقة طبعا كنا عربسات
الشاهد فى الموضوع خياطة العراقى وهم كانوا بارعين فيها جدا لما تجى داخل دكان ود احمد تلقى العراريق مخبطة جاهزة ومعلقة
كما ذكرت انو دى يطلق عليها اسم (عراريق سوقية) للمستعجلين او فى الاعياد
شكل العراقى العام ....قصير اقصر من الجلابية...له اكمام قصيرة ايضا لتساعد فى العمل
..به جيبان بالجنبتين..وجيب ساعة وده مهم للعمال لوضع القروش فيه
يخيط من مختلف الاقمشة البيضاء اللون دمورية-دبلان-بوبلين-ساكوبيس-تترون - تو باى تو-
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: اداء المرآة السودانية فى صناعة الازياء السودانية   الخميس يونيو 25, 2009 6:36 am

يا سلااااام يابونا والله قمة الابداع وما فى كلام بعد كدة.
نحن بعد دة نربع يدينا ونسكت هسسسس ولا كلمة وانت بس التتكلم.
اهة هدى سكتة انت واصل بس من غير مقاطعة.
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 6:17 am

سلام يا ناظم انا جاييك بس اجيب النعلات ديل واجى ....ما تفوت
الرجوع الى أعلى الصفحة اذهب الى الأسفل
abazer arbab
مشرف علاقات عامة
مشرف علاقات عامة
avatar

ذكر عدد الرسائل : 1137
Personalized field :
اكسب مع ثلاثية روان : 4
تاريخ التسجيل : 28/03/2008

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 11:36 am

والله ياود الفنان انا الليلة خجلان منك وبختشى ارد عليك طوال الايام المضت كنت مشغول شوية
الواحد ماعارف اجازئك كيف ؟
صراحة انت اعظم كاتب فى هذا المنتدى وانت تسرد حكاوى قمة فى الروعة عن الوالد اطال الله عمرة وبمناسبة هو شاكرك كتير ومتذكر كل كلامك الرائع هنا ياسلام على السوق العربى الوالد كان حزين يشيلهم من السوق بقرار تعسفى للصالح ومع انة عوضوة فى السوق الشعبى 2 طبلية عشان يبقى دكان لازال الوالد يمارس نفس المهنة تفصيل الجلابية والعراقى والسروال والان ليس فى سنة يعمل كتيرا ما قلت لة بطل العمل ولكنة يحب العمل ويقول العمل عبادة وانتم دارين تكسرونىهههههههههه واقعد فى البيت كتر خير امثالك وبارك الله فيك وبعدين اواصل معاك .

_________________
سبحان الله وبحمدة عدد خلقه ورضا نفسه وزنة عرشه ومداد كلماته
****
هنا مواضيعي ومشاركاتي
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 5:49 pm

سلام يا ناظم انا جاييك بس اجيب النعلات ديل واجى ....ما تفوت


والله غلبنى السكات لانك طولت ونحن منتظرنك.
مش الاستاذ لما يغيب عن الفصل بتحصل هرجلة ومافى زول بسكت؟


عدل سابقا من قبل nazim في السبت يونيو 27, 2009 7:27 pm عدل 4 مرات
الرجوع الى أعلى الصفحة اذهب الى الأسفل
ام روان
عضو مرشح للإشراف
عضو مرشح للإشراف


انثى عدد الرسائل : 695
Personalized field :
اكسب مع ثلاثية روان : 6
تاريخ التسجيل : 13/06/2009

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 7:22 pm

كلامك صاح ياناظم خالو بطول الغيبة لكن يومية التنى ما بتريحوا اصلوا التنى دلوع امو وابو
تعال نعمل هرجلة شوية كان خالى يظهر هههههههههههههه
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 7:25 pm

والله التنى ما ليهو حق.....
عايزين مهرجلين زيادة معانا ههههه.
الرجوع الى أعلى الصفحة اذهب الى الأسفل
ام روان
عضو مرشح للإشراف
عضو مرشح للإشراف


انثى عدد الرسائل : 695
Personalized field :
اكسب مع ثلاثية روان : 6
تاريخ التسجيل : 13/06/2009

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 7:36 pm

كان بقت على المهرجلين كان كدة خالى جاء وبات عندنا فى المنتدى ولا يهمك المهم ليك فى دقيقة لكن انا ببقا الالفة
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 7:38 pm

عديلة تب.
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 7:48 pm

ها ها ها
والله مهرجلين عسل بت اختى وناظم ايه الحكاية ؟ جاييكم دقيقة بس
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: ......الاحذية........   السبت يونيو 27, 2009 8:07 pm

اها يا ام روان وناظم نجى للاحذية
...معظم الناس فى ازمان سابقة حفايا الا من احذية بدائية تصنع يدويا ....وما تزال بعض القبائل فى السودان لاتلبس الاحذية فى جنوب البلاد مثلا...
اذكر ونحن فى عمر دخول المدارس اكتر مشينا كنا حفايا (حافيو الاقدام) والكرعين مشققات والتراب والكتاحة والخرخار
اجاركم الله... وعادى جدا الواحد تنكسر ليه شوكة فى كراعو وتبدآ الجرسة لما يمرقوها
اما ضربتو قزازة شقت كراعو ....فحدث ولا حرج
انواع الاحذية على ما اذكر
......1- الشقيانة....تنطق بفتح الشين والقاف والنون وتسكين التاء المربوطة تصنع من الجلد السميك للارضية وسيرين مخلوفات
جلديان ايضا وتعيش فترات طويلة
.....2- تموت تخلى.....يصنع من لساتك العربات الارضية مع سيور متينة
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 8:14 pm

ابا ذر ياحبيب سلام يا اخى ود احمد علم من اعلام الدبيبة وزى انا ما ذكرت سابقا ان اى شخص من الدبيبة مبدع فى مجالو
فنانين ناس فنانين كلهم والفن يتسرب منهم لما حولهم من مهن واشغال وطرافة وخلافو لذلك هم دائما عسل
تحياتى
الرجوع الى أعلى الصفحة اذهب الى الأسفل
ام روان
عضو مرشح للإشراف
عضو مرشح للإشراف


انثى عدد الرسائل : 695
Personalized field :
اكسب مع ثلاثية روان : 6
تاريخ التسجيل : 13/06/2009

مُساهمةموضوع: رد: اداء المرآة السودانية فى صناعة الازياء السودانية   السبت يونيو 27, 2009 8:21 pm

عارف يا خال تموت تخلى ده كويس ينفع مع مازن وعمر ولدى القطاعين للاحذية احسن من الصينى الغزا السوق واتقطع فى يومين دائما الصناعة السودانية فى الاحذية قوية ومتينة هسى
فى سوق ام درمان فى شباشب نسائية بقولوا عليها شباشب قطع بتختار اى لون وتصميم انت عايزوا وبتعمل ليك زى ماعايز وتتراوح اسعاره ما بين عشرين وخمسة وعشرين الف وفى مح
محلات كثيرة بتاعت قطع منتشرة فى الخرطوم
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   الأحد يونيو 28, 2009 5:42 am

تعرفى يا ام عمر القطع دة لو بلقى ماس ماهرين احسن منو مافى الجاهز دائما فيه خلل ... لانو بكونوا محصلين بيه السوق
اللهم الا الماركات العالمية المشهورة لانها غالية وبكونوا خايفين على اسمهم
نواصل فى الاحذية
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: .....تابع الاحذية.....   الأحد يونيو 28, 2009 6:01 am

..-3- الكركب وقاعدة هذا الحذاء من الخشب مية فى المية وبى سيور جلديه متعارضة وانتهت موضتو زمان تحضرنى طرفة لذيذة
......واحدة قالت لولدها عاوزة شبشب (دكتور شول) وهو ماركة عالمية مشهورة هى سامعة انو دكتور شول(الشبشب)
بشفى من الرطوبة كل مرة تقول للولد هى ياولدى دكتور شول وينو
دكتور شول كان يستورد من لندن المهم الولد وصى احد الاصدقاء جاب ليه شبشب دكتور شول
شالو وجابو فرحان ....اها يا والدة هاك دكتور شول
امو عاينت للشبشب بى جاى وبى جاى قالت ليه دة شنو دة......ما تقول لى كركب......
....4-البوت حذاء ضخم يستخدم غالبا لاصحاب الاعمال الشاقة
....5-الشدة....بكسر الشين وتشديد الدال حذاء بلاستيكى يشبه الشبط ....طالع موضة الايام دى فى امريكا
... 6 - الكابدلك اشبه بالبوت بس امتن شويه
...7-الباتا- حذاء من القماش يشبه الجزمة ام رباط القاعدة بلاستيك
...8-العروسة ..تشبه الشدة الا انها نسائية
...9-زيزى..اسم اخر للعروسه
...10-الكبك يشبه الاسنيكر الحاليه الا انه اكبر
...11-الشباشب الجلديه الحديثة
...12-الجزم الجلديه الحديثة بآنواعه
...13- المراكيب..الفاشرى..الاصلة ..النمر وهو ارقاها واغلاها
...14-الشباطه الجلدية الحديثة بآنواعها
...15 الشباشب المنزلية...السفنجات وتوابعها
يللا العندو اضافة للمعلومات دى يجى يقول ودمتم
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: اداء المرآة السودانية فى صناعة الازياء السودانية   الأحد يونيو 28, 2009 6:19 am

انا كن عارف انو دة الهدؤ البسبق العاصفة.
والله امتاع لابعد الحدود, لكن يابونا عمنا ابوالدفاع ما كان بلم فيكم ولا شنو؟ والله نحنا لو كنا لابسين نعلات وشفناهو بنخاف منو.
اها واصل.
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   الأحد يونيو 28, 2009 6:29 am

والله يا ناظم الحفى .... او الحفا كان عادى ما بدقو فيه انا قايل الزول بدقو كان لقو لابس النعلات يقولو ليه ماتقطعن سريع
الحياة كانت ابسط من ان تحتاج لشبط ولا جزمة
اليوم كلو لعب شى لساتك شى لوارى من صنع قسم الله وسى خلف الله يرحمهم شى طاب شى عوم فى الحفاير واخيرا دافورى
ما فيه كدارات زى حقت العجب
الله غالب
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: اداء المرآة السودانية فى صناعة الازياء السودانية   الأحد يونيو 28, 2009 6:35 am

ههههههه.طيب عمنا ابوالدفاع كان قاطع قلبنا مالو؟
والله انا من هنا برسل ليهو اعظم سلام وتقدير فهو كان يفعل ذلك لمصلحتنا وجزاه الله كل خير.
الرجوع الى أعلى الصفحة اذهب الى الأسفل
bint abofirka
مشرفة قسم الاطفال
مشرفة قسم الاطفال
avatar

انثى عدد الرسائل : 283
Personalized field :
اكسب مع ثلاثية روان : 5
تاريخ التسجيل : 23/10/2008

مُساهمةموضوع: رد: اداء المرآة السودانية فى صناعة الازياء السودانية   الأحد يونيو 28, 2009 7:03 am

موسوعة المنتدى شيخ الحبر كل ما ذكرت من معلومات كانت لنا اضافة ومعرفة لقد حركت في دواخلنا ذكريات طيبة كنا نسمع عنها ومما أثار شجوننا وادهشنا ذاك التوثيق المحكم والوصف الدقيق الذي حكته تلك الجيرازلدا الخواجية العجمية التي نهلت من معين الآنسايكلوبدية البروف عبد الله الطيب وليتك تعرضت اليه ولو قليلا
ولقد تجلت وحكت ونسجت جيرازلدا بما تشربت به من حب لتلك الديار لارضها لنيلها لعرسها لزيها وكيف يصنع وعاشت بينهم ومعهم و أكلت كسرتهم وعاشت بساطتهم وسهولة حياتهم ولم تجرفها رفاهية التكنلوجيا وتعقيداتها وكتبت عن هذا الفلكلور السوداني في حديث سلس متسلسل جذاب لا تمل قراته ولنا عودة

_________________
لا تجادل الأحمق , فقد يخطئ الناس في التفريق بينكما.
الرجوع الى أعلى الصفحة اذهب الى الأسفل
abazer arbab
مشرف علاقات عامة
مشرف علاقات عامة
avatar

ذكر عدد الرسائل : 1137
Personalized field :
اكسب مع ثلاثية روان : 4
تاريخ التسجيل : 28/03/2008

مُساهمةموضوع: رد: اداء المرآة السودانية فى صناعة الازياء السودانية   الأحد يونيو 28, 2009 10:25 am

هدية بسيطة لود الفنان


رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى

ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟


رباطابى عنده لورى مسافر بيه وفى الطريق اللورى اتقلب قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب قام الرباطابى قال ليهو لا أنا متاكيهو عشان أقعد فى ضله

رباطابي خنق فى الاكل قال لبنتة ادينى موية قالت ليه شراب يا ابوي؟ قال ليها لا كبسولات

واحد رباطابى رسلو ليهو جزمه جميله هديه قام سافر بيها الخرطوم وهناك انشرطت وداها لبتاع الجزم يخيطهاوقال ليهو مستعجل صاحبنا قال بعشرين الف جنيه قام الرباطابى قال ليهو ليه أ صلو بتخيطا بى بنج؟

رباطابي راكب حافلة 00جا ينزل طقطق للكمساري00الكمساري قال ليه داير تنزل الرباطابي قال ليه :لا بدور أجاوب

واحد رباطابي لابس نظارة لاقاهو شافع في الشارع قاليهو :يا أبنظارة نظارتك دي نظر قاليهو لأ!!!شم

واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء داء صاحبو قال لية ياخى العشاء ما بطلع الا الكهرباء تجى... الرباطابى قال لى اصلو عشاء ولا شريط فديو

واحد رباطابي ركب قطر كريمة من الخرطوم للشمالية ، قام أعطي الكمساري ورقة فئة عشرة جنيه عشان الكمساري يرجع ليهو باقي التذكرة ، والكمساري كان ما عندو فكة ، ويمشي ويجي والرباطابي يراقبو وشفقان جدا علي باقي قروشو ، وكلما الكمساري يمر من عنده الرباطابي ينبهو :- ياخوي الباقي ....ياأخينا باقي العشرة جنيه .... ياأبن العم باقي قريشاتي ماتاكلني فيهن ....وكل مرة الكمسارى يقول ليهو : ياأخي أصبر لحدي ما نلقي فكة .... والرباطابي مصر على النبيح وملاحقة الكمسارى ، وفي منتصف المسافة ركب في القطر مفتش ، وكان لافي مع الكمسارى ولاحظ إلحاح الرباطابى ، فقام المفتش قال للرباطابي عشان يطمنو :- يا أخي ماتخاف علي باقيك ..... الزول داواصل معاك لآخر محطة، وهو راجل ثقة وأمين ومضمون جدا ، فرد عليهو الرباطابي :- طيب مادام هو راجل أمين وثقة ومضمون جدا .... إنت المركبك معاهو شنو ؟؟؟؟؟

بت رباطابية قالت لأبوها ابوى ابوى شوف الفار رد عليها يابت انا كديس ردت عليهو نان انا قت لك اوكلو





أناســودانى

_________________
سبحان الله وبحمدة عدد خلقه ورضا نفسه وزنة عرشه ومداد كلماته
****
هنا مواضيعي ومشاركاتي
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: اداء المرآة السودانية فى صناعة الازياء السودانية   الأحد يونيو 28, 2009 5:48 pm

حلوة منك يا اباذر وليك وحشة والله واعمل حسابك يوم ١٨ قرب.
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   الإثنين يونيو 29, 2009 10:32 pm

بت ابوفركة ياغالية سلام جاك وللغالى علاء
شكرا لرؤيتك المتميزة دائما ومشاركاتك الحلوة وياريت لو كان حسيتى لينا كم اسم من اسماء الثياب النسائية زى ناس الجبير وشنو داك ما عارف
والموضات التى طرآت على ملبس النساء تكملوا بيها ما بدآته عمتكم جيريزالدا
اما الدكتور البروف عبد الله الطيب يا ريت نلقى وقت نكتب عنه ولو قليل
شكر بالكوم
الرجوع الى أعلى الصفحة اذهب الى الأسفل
alhiber khalafalla hamad
مشرف المعلومات والتراث
مشرف المعلومات والتراث


ذكر عدد الرسائل : 499
Personalized field :
اكسب مع ثلاثية روان : 2
تاريخ التسجيل : 19/11/2008

مُساهمةموضوع: رد: اداء المرآة السودانية فى صناعة الازياء السودانية   الإثنين يونيو 29, 2009 10:35 pm

ابا ذر ياراقى والله ضحكتنى بارك الله فيك
وزى ما قال عمنا سيد خليفة الله يرحمو
هدية من ايدك مقبولة....معناها انى على بالك
انت جمبل والجابك لى ملاك وجميل
ليك الاف الشكر
الرجوع الى أعلى الصفحة اذهب الى الأسفل
 
اداء المرآة السودانية فى صناعة الازياء السودانية
استعرض الموضوع السابق استعرض الموضوع التالي الرجوع الى أعلى الصفحة 
صفحة 4 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
dibebaonline :: المنتديات العامه :: قسم الاسرة-
انتقل الى: