dibebaonline
عزيزي العضو مرحبا بكم ... المنتدى ما زال بالف خير جدد نشاطك بمشاركاتك ®§§][][ dibebaonline][][§§®~
لا تنسى عند دخولك الصـلاة عـلى الرسـول عليه الصلاة والسلام

dibebaonline

من هنا يكون التواصل الحقيقي
 
الرئيسيةالبوابةاليوميةس .و .جبحـثالتسجيلالمجموعاتدخول
شريط التهانئ والاعلانات العاجلة والهـامـة
- كوني كشجرة الرمان في خضرتها ، طيبة في ثمرها ، جميلة في زهرها .2 ـ كوني قوية الإرادة .3 ـ خذي قراراتك الإيجابية بنفسك .4 ـ انهلي من العلم ما استطعت .5 ـ حافظي على سمعتك فإنها كالزجاجة يستحيل إصلاحها إذا ما انكسرت.6 ـ لا تغرك الكلمات المعسولة فقد تكون فخا لك .7 ـ كوني حذرة من العلاقات عبر الشبكة الإلكترونية ( الانترنت ) .8 ـ لا تركضي وراء الزواج بل اجعلي مميزاتك هي التي تهيأ لك فرص ذلك .9 ـ غذي أنوثتك بالطرق السليمة .10 ـ ابتعدي عما يشين لك ولعائلتك .11 ـ لتكن ثقتك بنفسك عالية .13 ـ لا تكثري من الشكاوى .14 ـ اهتمي بغذاء الروح والعقل .15 ـ كوني متعاونة محبة للخير .16 ـ دافعي عن وطنك .17 ـ حافظي على علاقتك بأفراد عائلتك ـ .
*لا إله إلا الله الحليم الكريم**لا اله إلا الله العلى العظيم**لا اله إلا الله رب السماوات السبع و رب العرش العظيم**اللهم إنا نسألك زيادة في الدين**وبركة في العمر**وصحة في الجسد**وسعة في الرزق**وتوبة قبل الموت**وشهادة عند الموت**ومغفرة بعد الموت**وعفوا عند الحساب**وأمانا من العذاب**ونصيبا من الجنة**وارزقنا النظر إلى وجهك الكريم**اللهم ارحم موتانا وموتى المسلمين واشفي مرضانا ومرضى المسلمين**اللهم اغفر للمسلمين والمسلمات والمؤمنين والمؤمنات الأحياء منهم والأموات*****اللهم ارزقني حسن الخاتمة**اللهم ارزقني الموت وأنا ساجد لك يا ارحم الراحمين**اللهم ثبتني عند سؤال الملكين**اللهم اجعل قبري روضة من رياض الجنة ولا تجعله حفرة من حفر النار**اللهم إني أعوذ بك من فتن الدنيا**اللهم أني أعوذ بك من فتن الدنيا**اللهم أني أعوذ بك من فتن الدنيا**اللهم قوي إيماننا ووحد كلمتنا وانصرنا على أعدائك أعداء الدين**اللهم شتت شملهم واجعل الدائرة عليهم**اللهم انصر إخواننا المسلمين في كل مكان**اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك***وبارك اللهم على سيدنا محمد صلى الله عليه وسلم*
احبتي واخواني في الدبيبة داخلها وخارجها وكل غيور على الدبيبـة ، نامل منكم أن و معاودة نشاطكم هنا في هذا المنتدى لتستمر المسيرة والتعاون بنفس الحماس من اجل الدبيبـة هيا همتكم معانا

شاطر | 
 

 رقصة الترتار .... تأليف العم الحبر مضوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashrafbrkat
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 1551
العمل/الترفيه : Kam Air Service
Personalized field :
اكسب مع ثلاثية روان : 2
تاريخ التسجيل : 12/03/2008

مُساهمةموضوع: رقصة الترتار .... تأليف العم الحبر مضوي   السبت أبريل 11, 2009 10:51 am

القي العم الحبر مضوي هذه القصيدة بمناسبة إدعاءات أوكامبوا الظالمة وكانت قصيدة معبرة وجميلة فإليكم نص القصيدة







بسم الله الرحمن الرحيم


رقصة الترتار





كلمات : الحبر مضوي بركات " شنبو "





يا أوكامبو اللئيم الخاتي تقطة دم


قسم يمين شعبنا بالرجالة إتحذم


كتل حزامته البشير بقالك ذي عود الشم


ما بتقدر نكرفسه واليوم كتر عليك الهم


البشير يا دابي الهشيم أب جسماً مسمم سم


الدايرك كضب وشعبك حالف طلاق حرم


إحرمن بنوتنا يا أوكامبو بعينيك تشوف الغم





****
*** ****





قرارك الاتخذتو أظن مارجعت فيه وراك


كل شعوب العالم اليوم بقت معاك في عراك


أنا رأي كان ترجع لاولاد عمومتك المعاك


نشوف رايم ذي رايك ولا دا رأيك براك





****
*** ****





نحنا راينا سديد مادام شعبنا كرب الحزة


شمر سواعدو وعسكرنا أده للبنادق هزة


نسوانا كشف رؤوسن حالفات راسن إنجزه


أكان البشير دايرو يا أوكامبو رجالنا بالكتال
تتمزه


كل من فيهم يقول يمين قسم بدي المحاكم هزة





****
*** ****





نحنا ما بنخاف يا أوكامبوا من معضلات جايانا


نحن الثابتين دوام وكل الشعوب عارفانا


أدني
شوفنا يا أوكامبوا نحن في ميدان الحرب برانا





****
*** ****


بقرارك الإتخذتوا إتحدنا وتوحدنا وشدينا حزم
القدرة


نحن الرجال الصم يمين قسم بإيدينا الجبال
تنهده


نحن الثابتين دوام عند العترة وساعة الشدة


يا أوكامبوا أخيرلك بالدرب الورأ داك تتعده


ما دام نجمك أفل والسماء من فوق رأسك تنهده


ارقد اتوسد إيدك ما أظن تلقي تاني مخده


السودان ضرب نحاسه ونقره رطن جضه


اتالبت إسودو والبشير أدي حبل الصبر شدة


يا أوكامبوا الموت أخيرلك بالمشنقة ولا حكم
الرِدة





****
*** ****





أوكامبوا العميل الكرسي من تحتك ولع نار سخن


نارو هابة باقة يامتشوف في الدنيا عجب تتمحن


البكاء والنحيب ما بفيدك مادام دميعات عيونك
شحن


نارك ولعت والبشير يادووبة بدأ سخن





****
*** ****


اوكامبوا رأيك انبهل وقرارك القولتو ما في محلو


ماعرفت التسوي فيه ( نموصوا وتشربوا )
ولاتحرسوا تبلو





****
*** ****





الليلة البشير ولع ليك تقابة كبيرة من نار


مع شعبه البطل المابعرف كذب ولا هذار


عيون البشير حمراء تطاير شرار في شرار


تعال يا اوكامبوا اسمع بيت شعر ونمة من مسدار



بنوتنا في غرب البلاد يلعبن التم تم وكمان
الجرار


قالن لك تعال لو انت راجل يا أوكامبوا أدخل
الدار


قرارك السويتو وقلتو إنعرف للبعيد والجار


نحن حرقناه خلاص يا أوكامبوا ولعنا فيه النار



تعال ادن بس شوفنا نحن بتندار ولا ما بتندار





****
*** ****





نحن البنقدل ذي إسودة في غابة الأحرار


في بلدنا نشن الكوراك كايسين نجيب التار


ندوبي ونغني للبشير الفارس المغوار


أوكامبوا أحسن تتراجع ولا نرقصك رقصة الترتار









كلمات : الحبر مضوي بركات " شنبو "





18- 3 – 2009 م
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: رقصة الترتار .... تأليف العم الحبر مضوي   السبت أبريل 11, 2009 12:08 pm

ما شاااااااااااااااء الله موهبة كانت مستخباه أعرف تأثير العم حبر وشغفه لشعر الدوبيت وخاصة في علاقته الاجتماعية مع فطاحلة هذا اللون من الشعر والوالد والعم المرحوم مضوي بركات أبو شنب الذي ايضا كان مرجع في حفظ الشعر ليس من المستبعد ان يكون نهل العم حبر من معين والده ، وهذه الكلمات لاكبر دليل بتذوقه ومعرفته بهذا المجال ( المسدار والدوبيت ) حيث لم يخرج عن النص المعهود ( مربوع ، وغيره ) التزام تام وتواحد في تركيبة الكلمات وإنتقاءها لتناسب مضمون الحديث او المناسبة نرى قوة العبارات ( نارو هابة باقة يامتشوف في الدنيا عجب تتمحن ) .

انا ليس ناقضا واعتبر نفسي متذوقاً للشعر ولهذا اللون الشعبي من الشعر . لذا كان إعجابي الشديد بهذه الكلمات وهذا تعليقي ...

محيو عايز كدا تهبش هنا وهناك تجيب لينا باقي الديوان من مسودات الوالد اتوقع عنده أشعار اخرى ...

أشكرك أخي أشرف لم يكن لنا نصيب لنسجلها من التلفزيون عندما عرضت .

اها اقول ابشششششششششششر بالخير اوكامبو

ندااااااااااااااء خاص للاخوان عماد عمر ، وصلاح خضر ، ومصعب حسن ، وعبد الفتاح أحمد ، ودلـة
سي سي سي سي اجـدعا لينا نماتكم لي أوكامبو


عدل سابقا من قبل الشيخ فرح في السبت أبريل 11, 2009 8:27 pm عدل 2 مرات
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: رقصة الترتار .... تأليف العم الحبر مضوي   السبت أبريل 11, 2009 4:20 pm

بسم الله الرحمن الرحيم

التحيه والاعزاز الي الاخ حبر مضوي
والاشاده بالنخوه السودانيه الاصيله ,,والوطنيه الصادقه
التي لمسنا حرارتها في المسدار الحماسي الجميل معبره عن
موقف وشعور الشعب السوداني واستنكاره القرار الخاطئ وظالم
علي ريس البلاد عمر حسن ربان سفينه الوحده والسلام,لمسيره
تجاوزت العقدين..خطي فيها بالبلاد الي بر الامان,,محافظا علي الامن
الداخلي والخارجي,,ومطورا في المستوي المعيشي والعمراني والصحي
والتعليمي,,ومتلافيا السودان من حافه الضياع
وما غريب علي اولاد ابوفركه الولاء والتحيز للوطن
وماغريب علي ابناء الدبيبه التفرد والتميز الفني والادبي
ربنا يديك الصحه اخي حبر ودمت لنا
والشكر الي الاخ اشرف علي النقل وتزويدنا بهذا الابداع
والشكر الي الشيخ فرح علي التحليل والحماس والدعوه
الموجه الي بقيه المواهب
افتكر الاخ حبر مضوي ماخلي حاجه كتب مسدار طويل وممتع
حقايق وتاريخ وتراث واستعراض لتركيبه الرجوله السودانيه
ولكن لابد من مشاركته حتي يشعر بحلاوه ما نظم وحتي يتثني له
الهام رد او تعبير قد يجوش بخاطره
والمعروف ان المسدار خد وهات او سين وجيم
لي هنا محاوله متواضعه ليست للمنافسه ولكن لاعجابي
بما كتب شنبو
***

ابشر يا حبر الحاريها هي المقضيه


عمر البشير فارس مع اوكامبو ما نديه


القصد السودان معاهو بنجرب الزنديه


سودانا بطل بين الامم عينو قويه


عليهو البمد ايدو لابد تصد ملويه


***

السودان لهب بركان وحربو ما بندار


محروس بالصالحين ابو فركه وود حسونه الحار


رجالا يعجبوك وكم لله فيه من انصار


ديل احفاد المك نمر الطلق في الباشا النار


شوفوا سودانا في التاريخ يا ما تجيك اخبار


***

السوداني جبل الثبات كريم زي غيث المطر


امين علي حفظ السلام وياهو الموت وكت الخطر


عايشين بالحق والحق علي الباطل من الله انتصر


بنحفظ وحده السودان وتشتيتنا علي البال ماخطر


ماسمعتوا بي غردون القطعنا راسو بي سيف العشر


***


السودان وطنا بالعزه شامخ وياما فيهو رجال


مابنرضي الحقاره وغضبنا هزه الزلزال


بنصبر علي الشدايد وفي الحكمه لينا طول البال


نقضي فروضنا ونحمي عروضنا وبنطيع الاندال


طبعنا حار ونحمي الدار ونعز الجار ونحقق الامال



11|04|2009

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق


عدل سابقا من قبل della في الأحد أبريل 12, 2009 2:43 am عدل 3 مرات
الرجوع الى أعلى الصفحة اذهب الى الأسفل
مفارقة ارض النيل
عضو ممتاز
عضو ممتاز


انثى عدد الرسائل : 64
Personalized field :
اكسب مع ثلاثية روان : 3
تاريخ التسجيل : 28/03/2009

مُساهمةموضوع: رد: رقصة الترتار .... تأليف العم الحبر مضوي   السبت أبريل 11, 2009 4:49 pm

قمه الروعه والحماس والكلمات الشجاعه والمعبرة العم حبروالاخ الدله ماشاء الله عليكم ربنا يديكم العافيه,ودمتم للسودان زخرا وفخرا,وسلمت اخى اشرف فانت الاسبق دائما فى نقل الحديث والحدث الاجمل,
الرجوع الى أعلى الصفحة اذهب الى الأسفل
abazer arbab
مشرف علاقات عامة
مشرف علاقات عامة
avatar

ذكر عدد الرسائل : 1137
Personalized field :
اكسب مع ثلاثية روان : 4
تاريخ التسجيل : 28/03/2008

مُساهمةموضوع: رد: رقصة الترتار .... تأليف العم الحبر مضوي   السبت أبريل 11, 2009 5:37 pm

تسلم دائمأ ياعم شنبو والله بحق وحقيفة قصيدة جميلة ومعبرة ايوة اديتو جوة عينو يستاهل الخائن الماجور وحقأ صدقتا فى كل كلمة قلتها وايضأ قصيدة اخونا الدلة جميلة وحلوة ومعبرة تسلم وربنا يدكم العافية والصحة والعزة للسودان والوطن والله اكبر

_________________
سبحان الله وبحمدة عدد خلقه ورضا نفسه وزنة عرشه ومداد كلماته
****
هنا مواضيعي ومشاركاتي
الرجوع الى أعلى الصفحة اذهب الى الأسفل
khalifa ahmed osman
عضو ممتاز
عضو ممتاز


ذكر عدد الرسائل : 149
Personalized field :
اكسب مع ثلاثية روان : 7
تاريخ التسجيل : 09/09/2008

مُساهمةموضوع: رد: رقصة الترتار .... تأليف العم الحبر مضوي   السبت أبريل 11, 2009 6:42 pm

لست بقريب علي ال بركات وهم يملكون خيال واسع في شتي انواع الشعر عندما قال الاستاز (الهاديه راضيه) الشاعر عثمان بركات (مامصير خطاباتي) الحاجه بنت حسن يارحمن ارحم بوجودك )وعمنا الحبر الان يجسد لنا حماسه بهده الكلمات القويه يالله ياواثق طلع لينا المستخبي من عمنا الحبر ) مشكور الاخ اشرف ) الاخ دله قصيدتك ايضا معبره ودمتم
الرجوع الى أعلى الصفحة اذهب الى الأسفل
شجرة الدر
عضو ممتاز
عضو ممتاز
avatar

انثى عدد الرسائل : 170
Personalized field :
اكسب مع ثلاثية روان : 9
تاريخ التسجيل : 30/10/2008

مُساهمةموضوع: رد: رقصة الترتار .... تأليف العم الحبر مضوي   السبت أبريل 11, 2009 8:30 pm

وطنيه جياشه يا عم حبر ويا دله كلام موزون و جميل تسلمو واديكم العافيه وتسلم يا اشرف علي الطرح الجميل
الرجوع الى أعلى الصفحة اذهب الى الأسفل
احمد حسن
عضو مبـدع
عضو مبـدع
avatar

ذكر عدد الرسائل : 272
Personalized field :
اكسب مع ثلاثية روان : 3
تاريخ التسجيل : 30/03/2008

مُساهمةموضوع: رد: رقصة الترتار .... تأليف العم الحبر مضوي   السبت أبريل 11, 2009 11:18 pm

سلمت ياعم حبر وسلم فاك ويداك التى سطرت هذه الكلمات,
كلمات كلها شجاعة وحماس ربنا يحفظك للوطن,
الدلة كلماتك برضها جميلة,والشكر لاشرف
الرجوع الى أعلى الصفحة اذهب الى الأسفل
ashrafbrkat
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 1551
العمل/الترفيه : Kam Air Service
Personalized field :
اكسب مع ثلاثية روان : 2
تاريخ التسجيل : 12/03/2008

مُساهمةموضوع: رد: رقصة الترتار .... تأليف العم الحبر مضوي   الأحد أبريل 12, 2009 2:15 pm

مشكورين إخوتي علي المرور الجميل وان شاء الله يقدرنا علي أن نأتي بكل جديد من منطقتنا الدبيبة


قصيدة جميلة أخي دلة فالمعهود دائما حبك لشعر الحماسة ونقول هذا الشبل من ذاك الأسد فالوالد ( بركات ) قد غرس فينا حب الشعر الحماسي وهذا انعكس بدوره عليك فشكراً علي المرور الجميل أخي دلة
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: رقصة الترتار .... تأليف العم الحبر مضوي   الأحد أبريل 12, 2009 9:33 pm

الاخوه
مفارقه ارض النيل
اباذر
خليفه احمد عثمان
شجره الدر
احمد حسن
مشكورين علي المرور والكلمات الجميله

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: رقصة الترتار .... تأليف العم الحبر مضوي   الأحد أبريل 12, 2009 9:41 pm

الزميل اشرف
لك الود والامتنان
علي التعبير الراقي
اما عن الوالد دا كلام تاني قد يطول الخوض فيه
قريبا إن شاء الله بنزل ليك بطاقه تعريفيه مختصره عنه في شكل قصيده
من ارشيفي الخاص
وما نحن الا صدفه ملقيه علي سواحله قذفت بها الامواج
************
دايما مواضيعك تستاهل المرور
وجميع اقسام الجيش والشرطه
مره اخري تقبل مروري علي سياره النجده
ودمت

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
nazim
مشرف قسم الرياضة
مشرف قسم الرياضة
avatar

ذكر عدد الرسائل : 1836
Personalized field :
اكسب مع ثلاثية روان : 20
تاريخ التسجيل : 08/10/2008

مُساهمةموضوع: رد: رقصة الترتار .... تأليف العم الحبر مضوي   الثلاثاء مايو 26, 2009 6:49 am

يا جماعه اتارى الابداع بى جاى وانا ما جايب خبر؟
يسلم فمك يا خال وانت كمان يادله وياريت توثقوا الكلام ده وتحتفظوا بيهو للاجيال الجايه ونضمن حفظو من السرقه
الرجوع الى أعلى الصفحة اذهب الى الأسفل
eleketo
عضو ممتاز
عضو ممتاز
avatar

ذكر عدد الرسائل : 102
Personalized field :
اكسب مع ثلاثية روان : 3
تاريخ التسجيل : 08/04/2008

مُساهمةموضوع: رد: رقصة الترتار .... تأليف العم الحبر مضوي   الثلاثاء مايو 26, 2009 11:32 am

ربنا اديك العافية ياخال كلمات جد معبرة وحماسية وجميلة وان دلت على شى انما تدل على الوطنية الحقة وحب الوطن الغالى السودان حفظك الله الخال حبر وتحياتى للاخ دلة وكلماتك فى مكانة وربناا ديك العافية يادلة والشكر للاخ اشرف.
الرجوع الى أعلى الصفحة اذهب الى الأسفل
 
رقصة الترتار .... تأليف العم الحبر مضوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
dibebaonline :: اللغة العربية والشعر بأنواعه والوانه :: الشعر الفصيح منقول أو تاليف الاعضاء :: شعر المسدار والدوبيت من تأليفك-
انتقل الى: