dibebaonline
عزيزي العضو مرحبا بكم ... المنتدى ما زال بالف خير جدد نشاطك بمشاركاتك ®§§][][ dibebaonline][][§§®~
لا تنسى عند دخولك الصـلاة عـلى الرسـول عليه الصلاة والسلام

dibebaonline

من هنا يكون التواصل الحقيقي
 
الرئيسيةالبوابةاليوميةس .و .جبحـثالتسجيلالمجموعاتدخول
شريط التهانئ والاعلانات العاجلة والهـامـة
- كوني كشجرة الرمان في خضرتها ، طيبة في ثمرها ، جميلة في زهرها .2 ـ كوني قوية الإرادة .3 ـ خذي قراراتك الإيجابية بنفسك .4 ـ انهلي من العلم ما استطعت .5 ـ حافظي على سمعتك فإنها كالزجاجة يستحيل إصلاحها إذا ما انكسرت.6 ـ لا تغرك الكلمات المعسولة فقد تكون فخا لك .7 ـ كوني حذرة من العلاقات عبر الشبكة الإلكترونية ( الانترنت ) .8 ـ لا تركضي وراء الزواج بل اجعلي مميزاتك هي التي تهيأ لك فرص ذلك .9 ـ غذي أنوثتك بالطرق السليمة .10 ـ ابتعدي عما يشين لك ولعائلتك .11 ـ لتكن ثقتك بنفسك عالية .13 ـ لا تكثري من الشكاوى .14 ـ اهتمي بغذاء الروح والعقل .15 ـ كوني متعاونة محبة للخير .16 ـ دافعي عن وطنك .17 ـ حافظي على علاقتك بأفراد عائلتك ـ .
*لا إله إلا الله الحليم الكريم**لا اله إلا الله العلى العظيم**لا اله إلا الله رب السماوات السبع و رب العرش العظيم**اللهم إنا نسألك زيادة في الدين**وبركة في العمر**وصحة في الجسد**وسعة في الرزق**وتوبة قبل الموت**وشهادة عند الموت**ومغفرة بعد الموت**وعفوا عند الحساب**وأمانا من العذاب**ونصيبا من الجنة**وارزقنا النظر إلى وجهك الكريم**اللهم ارحم موتانا وموتى المسلمين واشفي مرضانا ومرضى المسلمين**اللهم اغفر للمسلمين والمسلمات والمؤمنين والمؤمنات الأحياء منهم والأموات*****اللهم ارزقني حسن الخاتمة**اللهم ارزقني الموت وأنا ساجد لك يا ارحم الراحمين**اللهم ثبتني عند سؤال الملكين**اللهم اجعل قبري روضة من رياض الجنة ولا تجعله حفرة من حفر النار**اللهم إني أعوذ بك من فتن الدنيا**اللهم أني أعوذ بك من فتن الدنيا**اللهم أني أعوذ بك من فتن الدنيا**اللهم قوي إيماننا ووحد كلمتنا وانصرنا على أعدائك أعداء الدين**اللهم شتت شملهم واجعل الدائرة عليهم**اللهم انصر إخواننا المسلمين في كل مكان**اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك***وبارك اللهم على سيدنا محمد صلى الله عليه وسلم*
احبتي واخواني في الدبيبة داخلها وخارجها وكل غيور على الدبيبـة ، نامل منكم أن و معاودة نشاطكم هنا في هذا المنتدى لتستمر المسيرة والتعاون بنفس الحماس من اجل الدبيبـة هيا همتكم معانا

شاطر | 
 

 سلسلة حلمنتيش عمّك تنقـو جديده لنج

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
الشيخ فرح
مشرف تقنية الكمبيوتر
مشرف تقنية الكمبيوتر


ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: سلسلة حلمنتيش عمّك تنقـو جديده لنج   الخميس ديسمبر 25, 2008 8:10 pm

تذكير بمساهمة فاتح الموضوع :

عمّك تنقو شخصية عاشت فينا وعشنا معها معروفة واشتهرت أكثر في مجلة الصبيان وكنت متابع حياته وشقاوته في هذه المجلة التي استفدت منها كثيرا وانا صغير وتاثرت بكل صفحاتها وما زلت اذكر كل شخصية فيها والمؤلفين والمصممين الذين إلتقيت ببعض منهم في نفس المجال الاعلامي في صحيفة (المناهل ، ومجلة صباح ) المخصصة للاطفال .

وكانت لي محاولات متواضعـه للأسف افتقدتها كلها وكنت اقـلد فيها الكُتّاب في مجلة الصبيان متأثرا ... واليوم من جـديد أنفض الغبار وأعمل هذه السلسلة الجديده المتجدده عن شقاوته وحظـّه العاثر في الحياة ومشاكله مع العازة زوجـته ,,,,

تذكير هذه دعـوى للأخ محمد بركات ليشاركني في هذه السلسلـة .

عمّـك تنقــو وأحلام اليقظـة
تاريخ التأليف :- 25/ديسمبر/ 2008م
===============

عمّـك تنقـو بتعرفوه أكيد **** يا أخـواني ويا أحبابي
زول زول الله ساكي العيشة *** جاري وراها اساسق إدابي
همّـو الأول يربي أولاده *** يخرج جيل يفخر بيه و بالانساب
أولاد عمّـك ديل واعيين وناس راقين *** فهم وثقافة ونشاط طلابي
لمن دخلوا الجامعـة هاك يا مشاكل *** جاتم نازلة من غير اسباب
رسـوم في رسـوم معاها هِـموم *** عمّـك فكّـر بقـى سبابي
يجاري العيشـة ال ما بتتجارى *** ولا ينحرف يبقـى إرهابي
والعـازة تنقنق فوقو صباح وعشية *** ويدعـوا عليها يقرصك دابي
كره العيشـة وكره النِقـة وكره العازة ** قال ماشي ابيت الليلة مع اصحابي

****
مشـى لاصـحابة ناس ود نايرة *** يغـير جـو ودمـاهـو الفايرة
ياريت ما جاهـم أخير ليه العازة *** تنقنق وتسبسب العيشة الطايرة
غسـلو مخيخوا بي مشاريع *** كلها لف في لف في دايرة
برّم شنـبوا وحـكّ الصـلعـة *** وقال أجرب والصايرة صـايرة
لا همّـاه حرام لا غش لا خـدعـة *** كل القصـة شيكات طايرة
خليها تطير محل ما تطير *** ما كل الناس طايرة وفايرة
أول شيك سـواه مليون وكمان البعـده *** وأكبر شيك لي ود نايرة
قال صاحبي بأخـّره ليـهو *** وزول بضمنّي والارباح جاريـة
لكن العكس كان الحاصل *** خنقوا وزنقوا ومحاكم دايرة
إتبهـدل حـالوا والسمعـة إتخربت *** وبنيتو الكبيرة صبحت بايرة
ده الصحاه وصحى ضميره وأنب نفسو * كشف الحاصل مجرد حلمة صايرة
طبق نعلاتو قُبال تصبح رجع للعازة ** قام قال ليها أرحم إنت من أولاد نايرة


يعني يا شباب عمكم كان حلمان هههههههههههه




عدل سابقا من قبل الشيخ فرح في الجمعة ديسمبر 26, 2008 12:49 pm عدل 1 مرات
الرجوع الى أعلى الصفحة اذهب الى الأسفل

كاتب الموضوعرسالة
الشيخ فرح
مشرف تقنية الكمبيوتر
مشرف تقنية الكمبيوتر


ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء أغسطس 04, 2010 6:53 pm

عمك تنقو سوبر مان
بتاريخ 4اغسطس 2010
==========

عمّك تنقو اليوم فرحان
عايز يعمل سوبر مان
لبس الماسكر وطار طيران
يطير من مدنى لامدرمان
يساعد ويتنقذ كل لهفان
في اي زمان واي مكان
يحلق يغني وياكل موزة
قال يا اخوانا حليل عزوزة
شايف من اعلى صورة مهزوزة
من فوق الكبري اتقلبت روزة

***
قال يا أخوان بلاش اللمــة
خلونا ننقذهم ونقوم بمهمـة
بسـرعـة ناولوني سلبـة وعمـة
****
من وسط الموية بكل سهـولة
رفع الروزة والناس مذهـولة
قوة خارقة ما معقولة
***
كل المشهـد في التلفزيون
جواك بطل وسر مكمون
وعمك يشرب في الشامبيون

((( يعني يا شباب ده كان دعاية للمشروب وعمكم تنقو بطلها )))
دعـاية للشامبيون نطلب بدلها مقابل لدعم المجلة هههههه
تحياتي زاهر الطيب 4/اغسطس /2010
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر


ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء أغسطس 04, 2010 6:54 pm

التعليق على عمّك تنقو سوبر مات
====================

التعليقات
======


Malak Mohammed
هاهاهاهاهاهابالجد سوبرمان الصبيان ياعمك


Monti Omer
تنقو سوبر مان دي كيف دي


Abderraheem Jumaah
والله وسعتو خيالكم خالص00 بكرة حتقولو لينا بقى (بلييد) بتاع مصاصين الدماء


المعز مبارك سعد
عم تنقو ياصعب


Faris Elyas
اعمل حسابك بس ما تخش ليك في عمود كهربا ولا تشيلك شعفوفه يا عمك


Mohammed Monem
عمك تنقو يا سطلان وصلت كمان سوبر مان..واحتمال تكون بي باتمان حلمان


Maria Albahar
اسبيس توون قناة شباب المستقبل!!!!


Gesma Abdu
دا اخر ماتوصلت ليه سوبر مان عديييل ياحلييييليلك ياالعازة حقك راح


عمك تنقو
Abderraheem Jumaah والله وسعتو خيالكم خالص00 بكرة حتقولو لينا بقى (بلييد) بتاع مصاصين الدما
ء======
قسما بالله انت قريت افكاري كانت عندي فكرة اعمله مع ( بافي ) هع هع هع مصاص دماء خليها في بالك


عمك تنقو
ما اجمل التحليق في الاجواء يا شباب والتحليق بالخيال كمان


Sona Mohamed
شوف ليك شبته تلدقك عشان تبقي الرجل العنكبوت. هاهاهاها


Bakry Algwas
ما تنسى أفتار يا عمنا
هههههههههه


كلا شنكوف
والموز فى السن الكبيرة ما حلوة ما تكتر منو يا عمو


Lamia Ali
عمك تنقو بقي خطير


Esamt Salah Salah
جابت ليها طيران كمان؟؟؟؟؟؟؟؟


كلا شنكوف
عمك الا تركب ليك هبابات بتاعت ركشة تطير بيها


Salah Mohamed
والله ياعمك طرت ووقعت


Azza Mohamed Almahadi
عمك تنقو سوبر ماااان مره وحده بس اعمل حسابك في الخريف دا ماتخش ليك في صاقعه


منتصر محمدنور
لكن اي زمان واي مكان دي حلوة خالص ...


Hamada الدرادير
يا عمك البلد دي مليانه كربتون اعمل حسابك


بت مرجي ال مرجي
طيري ياطياره وطيري
شوفي تنقو هناك في الجوء ههههه


Emad Karar
عمك تنقو ياخطير....الليلة سوبر مان وبكرة سبايدر مان علشان نشوفك متشعبط فى الحيطان......


Maewa Ali
عمك تنقو اخر حاجة بقيت سوبر مان حكم والله


Tarig Hussein
هاهاهاهاهاهاهاها سوبر مان عموش هع هع هع "!"



Abdalrhman Elkateeb
ارفع راسك انت في حمي ...... عمك تنقومــــــــــان ...


Abderraheem Jumaah
خليت الموضوع في بالي ياكونت 00 بس إنت خلي بالك من منظر عمك وهو (بيمص) في دم العازة

Neeso Mahmoud
هههههههه


مهند عبدالباقي
مطراب عمك تنقو يا رائع


عز الدين عباس
كوراك تسلم هههههه الله يديك العافيه

Lubna Taha
hahaha


Enas Serag
الله معاك عمو تنقو


Enas Serag
انتبه ما تقع


Rababnona Osman
الله يديم الفرحه باتنقو


Uosrey Mohamed
ربنا ارد غربتو..........


Rnda Osman والله
يا عمك وقعت لينا فكره سوبر مان دي لكن الموز الدخلو هنا شنو ولا ده عشان يديك power ولا ساي جات مع القافيه كدي عليك الله فسر لينا


Messo Kullega
أعلق وأصفق


منزر محمد عبدالعظيم
دة سوبرمان السوداني ولة شنو

عمك تنقو
Rnda Osman لكن الموز الدخلو هنا شنو ولا ده عشان يديك power ولا ساي جات مع القافيه كدي عليك الله فسر لينا
======
عارفة ناس الشركة قالوا لي تعمل دعاية لي شامبيون بالموز هههههههه قلت ليهم ادوني موز اشيله معاي وانا طائر في الجو اذا جعت باكل عادي والموز خفيف لكن لو كان معاه الشامبيون سائل بتدفق فيني في الجو مع السرعة الهائلة اللي بكون طائر بيها تنقو ...
اضيفي لذلك قيمة الموز الغذائية فإنها تعادل وجبه كاملة صح ...
فكرة الموز بالشعير دي خلطة جديده جربوها واشكروا عمكم تنقو على ابتكارها من خياله هنا


عمك تنقو
اشكركم جميعا جملة وتفصيلا على اعجابكم بالفكرة لهذا اليوم جد انا سعيد انها تنال رضاءكم ... واترقبوا المزيد من الافكار الجديده
وكل تعليق منكم وضحكة احلى من الاخرى بدون فرز او مجاملة وانا لكم بوكم ومنكم ...


Rnda Osman
شكرا ليك انت يا عمك يارائع


حمودي آل-حمودي
ههههههههههههههههههههههه
هههههههههههههههههههههههه
هههههههههههههههههههه



Saad Awad Saad Karom
هههههههههههههههههههههه
عمك تنقو حاجة عجيييييييييبة


عمك تنقو
شفت التعب ده علشان الدعاية هههههههههههههههههههههههه خلي يجيبوا لينا زول بحلق في دقنه ويلبس في العمـة ما ليه اي علاقة بالبطولة و شراب الشامبيون هههههههههه


Mai M Saeed
عمك تنقو رجل اعلانات

ايهاب التكينه
عمك دا بتاع حركات


Nehad Seddig
خلو معاويه البرير يشوف الاعلان المجاني دا


ريم ميرغني
شامبيون شامبيون شامبيون
قصرت معاك يا عم تنقو


Eiman Bshara
دعايه لشامبيون حلوه كتير هههههههههههههههه


Maria Albahar
ما أحلاك شامبيون.. مباااالغة بالجد الجواك بطل..

قصا الهندسية ههههههههههههه
عمك بتاع جدع


Muna Issawy
شامبيووووون ............. مبااااااااااالغه !!!!!!


Mohamed Alakhdar
وبعد ماشرب الشامبيون قال اححححححححححح


Salah El Din
هههههههههههه هاهاهاها


Maria Albahar
لكن البوصل لمرحلة سوبر مان ده إلا كان شامبيون بحبة بندول...!


Salah Mohamed
جواك بطل ، جواك شامبيون ،،

Maewa Ali
طيب ياعمك تنقو وما بشرب شامبيون يعمل شنو


Lamia Ali
عمك تنقو ده دائما صاحب مروءه ربنا اديه العافيه


Abeer Khalil
يشرب شامبيون برضو


Maria Albahar
ممكن يكون صاحب مرؤه بدون ما يبقى سوبر مان وحياتك يطير في الشمس دي ساعتين يبقى سوبر مات...


Abeer Khalil
هاهاهاها

Neeso Mahmoud
هههههه


Josif Hasan
هعهههههههههههههههههههههه

Mohmed Elhadi Mohmed
إن شاءالله بس دفعو ليك كويس انا عندي النص ماتنسي^_^


Nusaiba Abdalmonem
ههههههههه حلوه والله

Rababnona Osman
مباااااااااااااااااااااااااااااااااااااااااااااااا لغه

Salah Mohamed والله
حقو ياعمك ناس البرير يدوك حاجة ان شاءالله دفار شامبيون

عوض الطيب
لكن ياابوالزوز دا ماسوبر مان دا سوبربان ياعمك.


Gesma Abdu
وانا اقول شوفتك ووين ياعمك تنقو اتاريك انت بقيت بتاع دعاياات وانا ماعارفة


Asaad Mahmod
شنو ليكم ياناس انتو عمكم ده قايلنو هين


Rimaz Mohmed Alkhar
walhe abdn mahen



Hani Yousif
مونيكا دقست عمك تنقو حيشوتا

Omer Banaga
ههههههههههه


Ali Mukhtar Ahmed
شامبيون هههههههههههه اوع تسكر يا عمك

Khalid Emad
عمك تنقو جدو كان صاحب سوبر مان ولا شنو
عجيـــــــــــــــــــــــــــــــــــــب ي تنقو


Khalid Emad
حبيبي يا تنقو هههههه
مرتك قالت شنو يا تنقو
الرجوع الى أعلى الصفحة اذهب الى الأسفل
 
سلسلة حلمنتيش عمّك تنقـو جديده لنج
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3

صلاحيات هذا المنتدى:لاتستطيع الرد على المواضيع في هذا المنتدى
dibebaonline :: اللغة العربية والشعر بأنواعه والوانه :: الشعر الفصيح منقول أو تاليف الاعضاء :: الحلمنتيـش وطرائف الشعر-
انتقل الى: