dibebaonline
عزيزي العضو مرحبا بكم ... المنتدى ما زال بالف خير جدد نشاطك بمشاركاتك ®§§][][ dibebaonline][][§§®~
لا تنسى عند دخولك الصـلاة عـلى الرسـول عليه الصلاة والسلام

dibebaonline

من هنا يكون التواصل الحقيقي
 
الرئيسيةالبوابةاليوميةس .و .جبحـثالتسجيلالمجموعاتدخول
شريط التهانئ والاعلانات العاجلة والهـامـة
- كوني كشجرة الرمان في خضرتها ، طيبة في ثمرها ، جميلة في زهرها .2 ـ كوني قوية الإرادة .3 ـ خذي قراراتك الإيجابية بنفسك .4 ـ انهلي من العلم ما استطعت .5 ـ حافظي على سمعتك فإنها كالزجاجة يستحيل إصلاحها إذا ما انكسرت.6 ـ لا تغرك الكلمات المعسولة فقد تكون فخا لك .7 ـ كوني حذرة من العلاقات عبر الشبكة الإلكترونية ( الانترنت ) .8 ـ لا تركضي وراء الزواج بل اجعلي مميزاتك هي التي تهيأ لك فرص ذلك .9 ـ غذي أنوثتك بالطرق السليمة .10 ـ ابتعدي عما يشين لك ولعائلتك .11 ـ لتكن ثقتك بنفسك عالية .13 ـ لا تكثري من الشكاوى .14 ـ اهتمي بغذاء الروح والعقل .15 ـ كوني متعاونة محبة للخير .16 ـ دافعي عن وطنك .17 ـ حافظي على علاقتك بأفراد عائلتك ـ .
*لا إله إلا الله الحليم الكريم**لا اله إلا الله العلى العظيم**لا اله إلا الله رب السماوات السبع و رب العرش العظيم**اللهم إنا نسألك زيادة في الدين**وبركة في العمر**وصحة في الجسد**وسعة في الرزق**وتوبة قبل الموت**وشهادة عند الموت**ومغفرة بعد الموت**وعفوا عند الحساب**وأمانا من العذاب**ونصيبا من الجنة**وارزقنا النظر إلى وجهك الكريم**اللهم ارحم موتانا وموتى المسلمين واشفي مرضانا ومرضى المسلمين**اللهم اغفر للمسلمين والمسلمات والمؤمنين والمؤمنات الأحياء منهم والأموات*****اللهم ارزقني حسن الخاتمة**اللهم ارزقني الموت وأنا ساجد لك يا ارحم الراحمين**اللهم ثبتني عند سؤال الملكين**اللهم اجعل قبري روضة من رياض الجنة ولا تجعله حفرة من حفر النار**اللهم إني أعوذ بك من فتن الدنيا**اللهم أني أعوذ بك من فتن الدنيا**اللهم أني أعوذ بك من فتن الدنيا**اللهم قوي إيماننا ووحد كلمتنا وانصرنا على أعدائك أعداء الدين**اللهم شتت شملهم واجعل الدائرة عليهم**اللهم انصر إخواننا المسلمين في كل مكان**اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك***وبارك اللهم على سيدنا محمد صلى الله عليه وسلم*
احبتي واخواني في الدبيبة داخلها وخارجها وكل غيور على الدبيبـة ، نامل منكم أن و معاودة نشاطكم هنا في هذا المنتدى لتستمر المسيرة والتعاون بنفس الحماس من اجل الدبيبـة هيا همتكم معانا

شاطر | 
 

 سلسلة حلمنتيش عمّك تنقـو جديده لنج

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: سلسلة حلمنتيش عمّك تنقـو جديده لنج   الخميس ديسمبر 25, 2008 8:10 pm

تذكير بمساهمة فاتح الموضوع :

عمّك تنقو شخصية عاشت فينا وعشنا معها معروفة واشتهرت أكثر في مجلة الصبيان وكنت متابع حياته وشقاوته في هذه المجلة التي استفدت منها كثيرا وانا صغير وتاثرت بكل صفحاتها وما زلت اذكر كل شخصية فيها والمؤلفين والمصممين الذين إلتقيت ببعض منهم في نفس المجال الاعلامي في صحيفة (المناهل ، ومجلة صباح ) المخصصة للاطفال .

وكانت لي محاولات متواضعـه للأسف افتقدتها كلها وكنت اقـلد فيها الكُتّاب في مجلة الصبيان متأثرا ... واليوم من جـديد أنفض الغبار وأعمل هذه السلسلة الجديده المتجدده عن شقاوته وحظـّه العاثر في الحياة ومشاكله مع العازة زوجـته ,,,,

تذكير هذه دعـوى للأخ محمد بركات ليشاركني في هذه السلسلـة .

عمّـك تنقــو وأحلام اليقظـة
تاريخ التأليف :- 25/ديسمبر/ 2008م
===============

عمّـك تنقـو بتعرفوه أكيد **** يا أخـواني ويا أحبابي
زول زول الله ساكي العيشة *** جاري وراها اساسق إدابي
همّـو الأول يربي أولاده *** يخرج جيل يفخر بيه و بالانساب
أولاد عمّـك ديل واعيين وناس راقين *** فهم وثقافة ونشاط طلابي
لمن دخلوا الجامعـة هاك يا مشاكل *** جاتم نازلة من غير اسباب
رسـوم في رسـوم معاها هِـموم *** عمّـك فكّـر بقـى سبابي
يجاري العيشـة ال ما بتتجارى *** ولا ينحرف يبقـى إرهابي
والعـازة تنقنق فوقو صباح وعشية *** ويدعـوا عليها يقرصك دابي
كره العيشـة وكره النِقـة وكره العازة ** قال ماشي ابيت الليلة مع اصحابي

****
مشـى لاصـحابة ناس ود نايرة *** يغـير جـو ودمـاهـو الفايرة
ياريت ما جاهـم أخير ليه العازة *** تنقنق وتسبسب العيشة الطايرة
غسـلو مخيخوا بي مشاريع *** كلها لف في لف في دايرة
برّم شنـبوا وحـكّ الصـلعـة *** وقال أجرب والصايرة صـايرة
لا همّـاه حرام لا غش لا خـدعـة *** كل القصـة شيكات طايرة
خليها تطير محل ما تطير *** ما كل الناس طايرة وفايرة
أول شيك سـواه مليون وكمان البعـده *** وأكبر شيك لي ود نايرة
قال صاحبي بأخـّره ليـهو *** وزول بضمنّي والارباح جاريـة
لكن العكس كان الحاصل *** خنقوا وزنقوا ومحاكم دايرة
إتبهـدل حـالوا والسمعـة إتخربت *** وبنيتو الكبيرة صبحت بايرة
ده الصحاه وصحى ضميره وأنب نفسو * كشف الحاصل مجرد حلمة صايرة
طبق نعلاتو قُبال تصبح رجع للعازة ** قام قال ليها أرحم إنت من أولاد نايرة


يعني يا شباب عمكم كان حلمان هههههههههههه




عدل سابقا من قبل الشيخ فرح في الجمعة ديسمبر 26, 2008 12:49 pm عدل 1 مرات
الرجوع الى أعلى الصفحة اذهب الى الأسفل

كاتب الموضوعرسالة
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: سلسلة حلمنتيش عمّك تنقـو جديده لنج   السبت يناير 10, 2009 3:32 am

عمك تنقو وجدول الرحيح اليومي



عمك تنقو عيشتو ضجر *** مشاكلو تذيد كل يوم

ماعارف يلقاها من وين *** وحال الدنيا زايده هموم

العيشه مولعه نار *** عطال ومرض وفواتير بالكوم

العازه دايره ودايره *** قبل عمك يفتح عينو من النوم

عمك جاري جري الوحوش *** وجري الرزق ماليهو لزوم

لكن عاوز يقنع نفسو *** عشان العازه يجيب المافي والمعدوم

اخر اليوم يرجع هلكان *** راجياهو شقاوه غسيل عده معاها هدوم

عمك تعبان يجاهد بره وجوه *** وبرضو عذاب حالتو شقي ومحروم

بعد مايصلي يدعو يقول يا رب *** اكان ماارتحت إن شاء الله القيامه تقوم

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
ودالباشا
مشرف قسم
مشرف قسم
avatar

ذكر عدد الرسائل : 727
العمر : 34
Personalized field :
اكسب مع ثلاثية روان : 4
تاريخ التسجيل : 14/09/2008

مُساهمةموضوع: رد: سلسلة حلمنتيش عمّك تنقـو جديده لنج   السبت يناير 10, 2009 10:17 am

عمك تنقو جاري شديد ماشي اجيب حاجات العيد
لاقتو كلبه قالت هو جدع القفه وطار في الجو

_________________
[u]
اللهم صلي علي سيدنا محمد وعلي اله وصحبه وسلم
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء فبراير 04, 2009 3:04 am

عمك تنقو والتسيب
*********

عمك تنقو جوه البيت

مع العازه يومي عندو قضيه

يخت العده في الدولاب

يحشي هدومو في النمليه

مره يحرق البوتجاز

ومره يكسر الفضيه

داكي شغلو بي اهمال

طواااالي اجازه مرضيه

ماهميهو مدير لا ظابط

ولا مهتم بالافنديه

ساكي الونسه والاخبار

مركز مع شمارات علويه

العازه تذيد في النقه

حاقناهو بصوره دوريه

قوم ياراجل شوف اشغالك

قبال تجيني سكته قلبيه

عمك تنقو داقي طناش

ابييييييت ماقايم ياوليه

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء فبراير 04, 2009 7:07 am

ساكي الونسه والاخبار

مركز مع شمارات علويه


هههههههههههههههههههههههه
هههههههههههههههههههههههه

عطال كعب بدك الشغل

مبااااااااالغة

******
انتظرني بجيك بي متسيب دي
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء فبراير 04, 2009 5:47 pm

سلام يالشيخ فرح
مشتاقين كتير
عاوزين نشوف التسيب في قصايدكم كيف
نحن في انتظار عمك تنقو
وفي انتظار ابداع الشيخ فرح

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين فبراير 16, 2009 2:12 am

الحقيقه ماعندي ارتباط كبير مع السياسه والاخبار,لكن بالصدفه شاهدت عمك علي قناه الجزيره ,,بس المره دي ماقناه الجزيره القطريه؟
كان علي قناه الجزيره التي تبث من فضائيه النوبه.طبعا ما مشهوره شديد لكن في ناس كتار بعرفوها,,القصد..كان الخبر هو عمك تنقو سفير النوايا الحسنه لدي الامم المتحده,والترجمه الحرفيه من الدكشنري الامريكي تعني (سفير الهوايه الحس انا,,) يعني بالدارجي.مبررات الغزو بي رضاك او غصبا عنك..وتعني السناره الامريكيه لصيد الامم..او خوازيق قوات حفظ السلام,,او قرارات مجلس الامن الغير مقرره شرعيا او دستوريا....
نشوف عمك قال شنو في مؤتمرات او مؤامرات القوي العظمي

********

عمك تنقو دور شكله *** ربط جلابتو وكفكف ايديها

شكله قويه مولعه نار *** دايرين حجاز يقوم يطفيها

عمك حالف مايستهدي *** الا القرارات الظالمه تمام نخفيها

الهمجيه والسطحيه والاستغلال *** ومشاعر الناس ماناذيها

نحب لي غيرنا مهما كان *** ونفسي نفسي دي نخليها

لو مااتعلمنا من الايام *** وسبنا احباط كلمه عامل فيها

عمر الامه ماحاتتقدم *** وبدايه النقطه نلف ونجيها

لازم نصمد بالايمان *** واحلامنا الصغيره كمان نبنيها

تعيش امجادك يااوطان *** دمانا الحاره جميع تفديها

تسمو ارواحنا بي افراحها *** تحقق سعاده منها وبيها

يارب تلغي الامر كان *** رايه الظالم في القاع دليها

***
( الامر كان_ الامريكان )

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين فبراير 16, 2009 7:54 pm

سنة يا تنقـو ههههههههههههه

نحب لي غيرنا مهما كان *** ونفسي نفسي دي نخليها

****

عمك تنقو والجهوية *** قال الليلة عندي قضيـة
لملم وفكر سوى شعـار ** شعار ينادي بالحريـة
لازم يشهر حزبه بسرعـة *** باي طريقه يكون شعبية
مافي بنود ولا حتى أجنده *** كل القصة جوطة شوية
***
مشى لامريكا وقعد يتبكى *** وحكى ليهم قصة ود ضحوية
قام المجلس وتاني قعدوا *** يشوفوا الحاصل بتأني وروية
قام قال ليهم ود ضحوية بنهب إبلي *** وبقطع زرعي صباح وعشية
***
وكل ما يقطع تتم العازة *** تبكي معاها اوووب عليّ
هو يخلف وهي تشتم *** كورس جاهز وكضبة قوية



هههههههههه كمل الباقي يا دلة

ده خاطرة ح اسويها قصة كبيييير
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: سلسلة حلمنتيش عمّك تنقـو جديده لنج   الثلاثاء فبراير 17, 2009 1:44 am

مشى لامريكا وقعد يتبكى *** وحكى ليهم قصة ود ضحوية

عمك مشي يحكي لي الامريكان قصه الهنباته
ود ضحويه وطه الضرير
عاوز يقول ليهم انو سياستهم هنبته في هنبته
هههههههههههههههههههههههههههههههه
طلعه حلوه منك ياشيخنا
إن شاء الله بدخل معاك في الهنبته دي
يسلم الشيخ فرح

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
صلاح ابو شذي
مشرف علاقات عامة
مشرف علاقات عامة
avatar

ذكر عدد الرسائل : 814
Personalized field :
اكسب مع ثلاثية روان : 1
تاريخ التسجيل : 12/05/2008

مُساهمةموضوع: رد: سلسلة حلمنتيش عمّك تنقـو جديده لنج   الثلاثاء فبراير 17, 2009 5:14 pm

عمك تنقو قصه وهميه اخترعها الفنان التشيكلي والغناي ((شرحبل))وله منا جزيل الشكر لهذا الابداع
الرجوع الى أعلى الصفحة اذهب الى الأسفل
عدلان

avatar

ذكر عدد الرسائل : 9
العمر : 31
Personalized field :
اكسب مع ثلاثية روان : 0
تاريخ التسجيل : 04/08/2008

مُساهمةموضوع: رد: سلسلة حلمنتيش عمّك تنقـو جديده لنج   الثلاثاء فبراير 17, 2009 7:29 pm

والله ذكرتنا ايام زمان يا ديله هاك دى منى لكن بعيد عن السياسة

عمك تنقو جارى شديد***ماشى يجيب حاجات العيد
لاقتو كلبة قالت هووو***جدع القفة وطار فى الجو


إن شاء الله تكون عجبتك هههههههههههههههههههههههه
الرجوع الى أعلى الصفحة اذهب الى الأسفل
della
قسم رعاية المبدعين
قسم رعاية المبدعين
avatar

ذكر عدد الرسائل : 838
Personalized field :
اكسب مع ثلاثية روان : 13
تاريخ التسجيل : 09/04/2008

مُساهمةموضوع: رد: سلسلة حلمنتيش عمّك تنقـو جديده لنج   الخميس فبراير 19, 2009 2:39 am

دي كلامك
لازم تعجبنا يامحمد
مشكور علي مشاركتنا حكايات عمك تنقو
لكن كلبه عمك دي اظنها لمت فيك انت وعبد المطلب
وخلعتكم خلعه شديده هههههههههههه
تعيش يافقير

_________________
هنـا مواضيعي ومشاركاتي
****

دا ماالقلب البجرسو شوق
اذا مااختار سميرو بعاد***ولا القلب التبكي حبيبه لو غابت عن الميعاد
***
دا ماالقلب البجرسو شوق
الا بيبكي لما يشوف بين الخلق في خلوق
ماخده طباعا من الغابا شايلا ضميرا ماشه السوق
***
وتاني بيبكي لما يشوف ما بين الحقوق في حقوق
نزلت من سماها ذلال وطارت من تحت لي فوق
***
قلب حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خاذوق
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الجمعة نوفمبر 13, 2009 7:34 pm

الشيخ فرح كتب:
عمّك تنقو شخصية موجوده فينا جميعا طبعا معروفة واشتهرت أكثر في مجلة الصبيان وكنت متابع حياته وشقاوته في هذه المجلة التي استفدت منها كثيرا وانا صغير وتاثرت بكل صفحاتها وما زلت اذكر كل شخصية فيها والمؤلفين والمصممين الذين إلتقيت ببعض منهم في نفس المجال الاعلامي في صحيفة (المناهل ، ومجلة صباح ) المخصصة للاطفال .

وكانت لي محاولات متواضعـه للأسف افتقدتها كلها وكنت اقـلد فيها الكُتّاب في مجلة الصبيان متأثرا ... واليوم من جـديد أنفض الغبار وأعمل هذه السلسلة الجديده المتجدده عن شقاوته وحظـّه العاثر في الحياة ومشاكله مع العازة زوجـته ,,,,

تذكير هذه دعـوى للأخ محمد بركات ليشاركني في هذه السلسلـة .

عمّـك تنقــو وأحلام اليقظـة
تاريخ التأليف :- 25/ديسمبر/ 2008م
===============

عمّـك تنقـو بتعرفوه أكيد **** يا أخـواني ويا أحبابي
زول زول الله ساكي العيشة *** جاري وراها اساسق إدابي
همّـو الأول يربي أولاده *** يخرج جيل يفخر بيه و بالانساب
أولاد عمّـك ديل واعيين وناس راقين *** فهم وثقافة ونشاط طلابي
لمن دخلوا الجامعـة هاك يا مشاكل *** جاتم نازلة من غير اسباب
رسـوم في رسـوم معاها هِـموم *** عمّـك فكّـر بقـى سبابي
يجاري العيشـة ال ما بتتجارى *** ولا ينحرف يبقـى إرهابي
والعـازة تنقنق فوقو صباح وعشية *** ويدعـوا عليها يقرصك دابي
كره العيشـة وكره النِقـة وكره العازة ** قال ماشي ابيت الليلة مع اصحابي

****
مشـى لاصـحابة ناس ود نايرة *** يغـير جـو ودمـاهـو الفايرة
ياريت ما جاهـم أخير ليه العازة *** تنقنق وتسبسب العيشة الطايرة
غسـلو مخيخوا بي مشاريع *** كلها لف في لف في دايرة
برّم شنـبوا وحـكّ الصـلعـة *** وقال أجرب والصايرة صـايرة
لا همّـاه حرام لا غش لا خـدعـة *** كل القصـة شيكات طايرة
خليها تطير محل ما تطير *** ما كل الناس طايرة وفايرة
أول شيك سـواه مليون وكمان البعـده *** وأكبر شيك لي ود نايرة
قال صاحبي بأخـّره ليـهو *** وزول بضمنّي والارباح جاريـة
لكن العكس كان الحاصل *** خنقوا وزنقوا ومحاكم دايرة
إتبهـدل حـالوا والسمعـة إتخربت *** وبنيتو الكبيرة صبحت بايرة
ده الصحاه وصحى ضميره وأنب نفسو * كشف الحاصل مجرد حلمة صايرة
طبق نعلاتو قُبال تصبح رجع للعازة ** قام قال ليها أرحم إنت من أولاد نايرة


يعني يا شباب عمكم كان حلمان هههههههههههه


الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين يونيو 21, 2010 7:19 pm

عمك تنقو مشهد أكشن (مفلس)
25/02/2010
==========
عمك تنقو في لحظة أليمة:
كل امورو ما هي سليمة:
فلس فلسة عدم مليمة:
حتى وجباته من صفق النيمة:
في لحظة ضعف وفقد القيمة:
اتذكر مشهد مرة في سيما:
موته بشعة وهي جريمة:
من الطابق العاشر الفيه حليمة
: يطير طرزان ما برضى هزيمة:
لكنه اتراجع وجاته عزيمة:
شاف في الارض عملة فضة:
خلى الفكرة وعمل تخريمة:
من العاشر جاي متلب:
وكان الشافه صينية قديمة :
*********
((( زاهر الطيب)))


التعليق
====



Mohammed Khidir
ومات؟


Alaa Farajaby
هاهاهاها بس إن شاء الله في لحظاتو الأخيره ما عرف الحقيقه المؤلمه

Mohamed Kdagree
لو مامات بكون في الانعاش!!!!!


سوسن أحمد
صحي مات ورجع !!!!!!!

عمك تنقو
هع هع هع هع هع محمد خضر لا حي يرزق وقع في اسفنج

Jilani Dada
هههههههههههههههههههههههههههي
والله الصنين ديل مواسير في اي حاجة


Mohammed Alsadeg
شكلو مات الله يرحمو ويغفر ليهو


عمك تنقو Alaa مفتكر الصينية عمله فضـة قال نحصلها قبل ما الجماعـة يجوا

Ahmed Suliman
هههههههه والله عجيبه

Amal Soliman
والله ما بعيدة علي عمك واها العمله عملت فيهو وإن شاء الله تجيب راسو

Yosra Alsaid
hhhhhhhhhhhh
ياتنقو استهدي بالله ..مانعدمك الليله عازماك غداء عندنا


عمك تنقو
خلاص قبلنا العزومة لكن نمشي الدكتور اشوف الرضوخ دي النطة حارة كانت


Abuzer Ali Abdelgadir
اعملك همه واضرب عن الطعام مع الاطباء

Sara Khamis
ههههههههههههههههههههههههههههههههههههههههه

Mohammed Khidir
الحمدلله لو مات تاني بضحكنا منو؟

عمك تنقو
ما مشكلة ناكل لي اكله جامدة وبعدين اضرب معاهم

Amal Soliman
إلا دي يا ابو زر ما بقدر يتخلي عن الاكل ولو كتبوه ليه في رشته اسأل العازة قالت لى الكلام ده انا

Esraa Faisal Nouri
ياجماعه نعمل لينا صندوق لي عمك تنقو

عمك تنقو
اي يا إسراء ما بتقصري اصله انا غلباااااااااان لكن امل سليمان ما تدخلوها
معاكم في الصندوق بتدفع متاخر دائما ههههههههههههههه



Mohamed Kdagree
صندوق للعلاج ولا للفلسه !!!!!


Taghreed Eltayeb
مباااااااااااااااااااااااااااااالغة

Omeyma Tikaina حلوة شديد

Mohamed Jami
‎hahaah ha ,,,, thanks 4 u .
( - _ - ) ‎

امين ابراهيم
انت رائع

Entesar Salih
مباااااااااااااااااااااااااااااااااالغه

Sondos Sief Aldeen
رهييييييييييييبة


Rabab Salah Eldin
هههههه- سراب يا عمك تنقو

Amal Soliman
والله بدفع يا ابو الزهور يا عمنا بس بشرط الصرفة الاولى لي انا

عمك تنقو
هع هع هع سراب غشاني ههههههههه اشكركم جميعا يا اخوان واخوات سراب وغشاوة والنظر جل بتاع عمكم


Rabab Salah Eldin
شوف ليك عروس تكون مرطبة - والعازه كان ما عجبها الكلام ده - بوريك بعدين نسوي ليها شنو

Hams Alwrd
ههههههههههه خطيررررررررررررررررره

Rawia Mubarak
هههههههه والله وا تنقوبراهو كلنا فىالهواء سوا ولا الصينيةالقديمة ما شفناها أحسن عمك يعنى

Noha Salah
يارباب دايره تخربي بيت العازه خربان البيوت ماسمح الله برسل ليك زول يخرب بيتك

Rabab Salah Eldin
حرام عليك

ماقصدي اخرب بيتها -قصدي اجيب ليها بتوتة صغيرونة وظريفونة وجيبها
ملان تونسهم وتضحكهم وتصرف عليهم كمان
ولا الراي شنو

Yusria Siddig
والله خوش فكرة العروس المرطبة دى تصرفك فى اليومين السوء دول الله يعينك فيهم


Mekaveli Mohd
دي بالغ فيها لكن,الفلس ما خلاهو يفكر


Yousuf Abdeen
عمك تنفو حلاة المقلب

محمد بحر
‎help him


Waggas Diab
الناس شكاويها بقت كتيره


Mysm Alfaki
ياعمي التنقو ماكان ترسل حليمه

حمودي آل-حمودي
هههههههههههههههههههههههههههههههههههه
الفلس جريمه ههههههههههههههههههههههههههه

عمك تنقو
Mysm Alfaki ياعمي التنقو ماكان ترسل حليمه
===========
هع هع هع هع قنعانة من حليمة للدرجـة دي اعمل شنو انا الحوجـة
والطمع شل تفكيري زي ما قال اخونا Mekaveli Mohd

اخ يا رجلي عايز لي ترمس اااااااااااخ يا رجلي مردوخـه ومخـدرة من النطـة العاليـة جاكشان ما بحصلني
منذ حوالي ساعة · أعجبني ·

Mhmd Aljid
عمك تنقو عجزت و ما انجزت


MOzamil Max
هاهاها عمك تنقو دا طوالي امورو جايطه

فاطمة حسن
هههههههههههههههههههههههههه
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين يونيو 21, 2010 8:00 pm

قو مع وزير العريس على

: =====

عمك تنقو الليلة خطير
: قال لصاحبة معاك وزير:
جاب الورقة للطلبات وللتحضير:
سوى لصاحبه مشروع توفير:
اول حاجة بلاش كوفير:
دي شغلانه وصرف كتير:
تاني حاجة في التصوير:
على الكاميرة بدون تأجير:
ما تشيل هم ويحصل خير:
في مشهد تاني مع بت الخير:
العازة وزيرة شابكاه تنظير:
تحرش فيها صباح وعصير:
علشان تنقو ... يغور ويطير.

. ********

. تحياتي زاهر الطيب ( بتاريخ 16 مارس، الساعة 11:21 صباحاً ·)
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين يونيو 21, 2010 8:03 pm

مك تنقو كابتن طيران تاريخ اليوم 31/01/2010م
=============

عمك تنقو بكل مهارة ::
اصبح كابتن يسوق طيارة:
بالسيموليتر ثبات وشطارة:
عبر الشاشة لفة القارة::
وقت العملي ووقت الحارة:
قال يالجـو جاتك كارة:
جاتنا الفرصة واللحظة السارة:
سلام يا أخوانا فرصة سعيدة:
تنقو يحييكم والرحلة بعيدة:
إرتفاعنا يكون آلاف أقدام:
أربطوا حزامكم ربطة تمام:
وإن شاء الله معاي تصلوا بسلام:

*****
عمك تنقو قال نتأكد :
قبل الرحلة كمان إتفقّد :
مروحة مكنة معاها المقود
برضو وقودها وصندوقا الاسود
******
كدا تمام الحرص ضروري:
إلا الطيارة ناقصة البوري::

****
بسم الله والله معانا :
قرينا الفاتحة وشلنا دعانا :
بدت الرحلة في نفس زمانا:
وكل الناس حاجزة مكانا:
ناس فرحانة كمان طربانة
وجاري هناك يلوك في لبانة
عشان القومة وصنة اضانا
اصلو عمكم من زمنه ظريف
قام بي مهله لانه حريف
حلق في سماه وقال يا لطيف:

****
عمك تنقو خش في ورطة :
جاه ارهابي شايل شنطة :
قال لي عمك حول طنطة :
اياك تحاول تتصل بالشرطة:
عمك تنقو بحكمة وحضور :
قال له حاضر بكل سرور :
فضل عمك يلف ويدور :
هبط بالطائرة في دارفـور

عمك تنقو كابتن طيران تاريخ اليوم 31/01/2010م
=============

عمك تنقو بكل مهارة ::
اصبح كابتن يسوق طيارة:
بالسيموليتر ثبات وشطارة:
عبر الشاشة لفة القارة::
وقت العملي ووقت الحارة:
قال يالجـو جاتك كارة:
جاتنا الفرصة واللحظة السارة:
سلام يا أخوانا فرصة سعيدة:
تنقو يحييكم والرحلة بعيدة:
إرتفاعنا يكون آلاف أقدام:
أربطوا حزامكم ربطة تمام:
وإن شاء الله معاي تصلوا بسلام:

*****
عمك تنقو قال نتأكد :
قبل الرحلة كمان إتفقّد :
مروحة مكنة معاها المقود
برضو وقودها وصندوقا الاسود
******
كدا تمام الحرص ضروري:
إلا الطيارة ناقصة البوري::

****
بسم الله والله معانا :
قرينا الفاتحة وشلنا دعانا :
بدت الرحلة في نفس زمانا:
وكل الناس حاجزة مكانا:
ناس فرحانة كمان طربانة
وجاري هناك يلوك في لبانة
عشان القومة وصنة اضانا
اصلو عمكم من زمنه ظريف
قام بي مهله لانه حريف
حلق في سماه وقال يا لطيف:

****
عمك تنقو خش في ورطة :
جاه ارهابي شايل شنطة :
قال لي عمك حول طنطة :
اياك تحاول تتصل بالشرطة:
عمك تنقو بحكمة وحضور :
قال له حاضر بكل سرور :
فضل عمك يلف ويدور :
هبط بالطائرة في دارفـور

إستئناف الرحلة من جديد
:====
عمّك تنقو للركاب اتأسف
:: قال يا أخوانا عايزين نستأنف:
: ده الارهابي هنا إتخلف::
خلي الشرطة معاة تتصرف:
: عرفتو الحاصل يا أحبابنا ::
الارهابي عطلنا وحرق أعصابنا:
: كمان احرجنا مع ركابنا:
:عمك تنقو عمل حركات :
:: يعوضو زمنو الضايع وفات:
: زاد السرعـة وأكل المطبات:
:عمك تنقو القال سواق:
:في ( النافيقتر) محـدد الواق واق:
:... نهاية الرحلة هنا .



<<< هبوط إضطراري ونواصل الرحلة >>>

يتبع
: (((( زاهر الطيب ويتبع الرحلة )))
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين يونيو 21, 2010 8:07 pm

التعليق


Ali Mukhtar Ahmed اعمل حسابك يا عمك من تنظيم القاعدة جن وجن الطيارات
04 فبراير، الساعة 02:30 مساءً · · إبلاغ

عمك تنقو Abdalrhman Abu Shareiah

شي بيخزي ومقرف والله عمو تنقو ما عنده سالفة

*******************
اللي ما بعرف يقول عدس شكلك أردني ولا مصري ما بتخصصك قصص عمك تنقـو خليه للناس
اللي بعرفوه اكسب زمنك ... عمك تنقو شخصية بتخصنا نحن .. ما تصير إنسان ملقوف وحشري ... لا تدخل فيما لا يعنيك ....

====

عمك تنقو Ali Mukhtar Ahmed
اعمل حسابك يا عمك من تنظيم القاعدة جن وجن الطيارات

***************

علي مختار هههههههههههههههههههههه تنظيم القاعـدة بعد بعيد منهم هههههههههههه ما تخاف في خطأ كان في توجيه بوصلة الملاحـة الجوية بتستعدل عادي ههههههههه


Hatim Faruk
ياعمـــــــــــك بيقولو ( فاقد الشي لايعطيه) مش ملاحظ الكلام ده انطبق بالحرف
على Abdalrhman Abu Shareiah ما تهتم بسفاسف الامور و واصل و احنا معاك ادينا الجديد


عمك تنقو
أكييييييييد والما بعرفك يجهلك .... لكن كويس انه ذكرني قول الشعراء ...

لو كنت تعلم ما أقول عذرتني = أو كنت أعلم ما تقول عذلتُكا
لكن جهلت مقالتي فعذلتني = وعلمت أنك جاهل فعذرتكا
...



عمك تنقو
قال ( حاب اصبح عليكوم و اقول ليكم :* لاحظ عليكوم امشي اتعلم اللغـة وتعال قول انا عربي ... بكتبوها (عليكم .)..



Nahla Mahagoub
3la al3mom ya 3mna de a5er sfrya lena fe tyartk de..lool


عمك تنقو ههههههههههههههههه ليه يا نهـلـة ح تكون جـولة كدا ظريفـة والتذاكر مخفضـة
وفـد خـاص يزور كل دولـة في موسم سياحتها .... والواق واق دي انتو سمعتوا بيها
ودي فرصـة تشوفوها ههههههههه ومثلث برمودا كمان وسور الصين العظيم ....


Moneeb Mahmad
قوووولوا خير واتفائلوا الله قادر


Mohammed Atta Elmanan
نحن وصلنا اصلو ما بصدق هبوط معلمين قدام مبرووك ياعمك


عمك تنقو
هع هع هع هع محمد عطـا شفت الحكاية دي كيف هههههههههههههه وصلت الواق واق .....




Bshair ALnatig
انا بالمناسبه تاني حأسأل عن اسم الطيار قبل أي حاجه



Amany Atiah والله ما اكلمك تانى يا تنقو تهبط فى منطقتى وما تجيبب لى خبر
اهلى وتغادر يالله انا مخصماك



عمك تنقو Bshair Abdalla
انا بالمناسبه تاني حأسأل عن اسم الطيار قبل أي حاجه
*****************
اهاهاهاهاها كويس من حقك برضو لكن إذا لقيتي
السفرية تبعي ح تتصرفي كيف


Bshair ALnatig بلغيها بس إن شاء الله امشي بحمار ولامعاك


عمك تنقو Amany Atiah

والله ما اكلمك تانى يا تنقو تهبط فى منطقتى وما تجيبب
لى خبر اهلى وتغادر يالله انا مخصماك
************
الله لا جابب الزعـل يا أماني خلاص في الرجعـة بنمر بمنطقتكم ونكون ضيوف عندكم كمان .
....اها رائك شنـو
04 فبراير، الساعة 08:39 مساءً ·

Neeso Mahmoud مبالغة

عمك تنقو Bshair Abdalla
بلغيها بس ان شاء الله امشي بحمار ولامعاك
********

هاهاهاههاهاهاهاهاها جنس خـــوف وتحطيم معنويات



Amany Atiah
طيب يله سماح


Eman Hassan
ولا نستأنف ولا نستأنف..... دا حدي معاك ان ء الله أهبط في الصحراء
05 فبراير، الساعة 01:12 صباحاً · · إبلاغ

مساعد الركابي الطيارات دى اصلك حولقت فيها كدا الله يستر بس بكرة بنسمع قناة الجزيرة تقول لقد تم انزلاق الطايرة من المدرج مما تسببة بحريق فى الجناح الايمن مما ادا الى جروح بعض الركاب وتما احتواى الحريق من قبل الدفاع المدنى الذى باشر مكان الحادث
وتم نقل بعض المصابين الى من ضمنهم الكابتن الذى كان يقود الطائرة الى مستشفى التجانى الماحى وكانت فى الطايرة معجزة للطف...

Mahsko Almahsi
هههههههههههه حلوة msaad بس عمك تنقو خطير

Samer Alfateh Samer والله عمك تنقو ما قصر معاكم داير اوصلكم سريع
05 فبراير، الساعة 10:18 صباحاً · · إبلاغ

Mohammed Alrasheed عمك تقو قرر ارتبط قامت العازة سوت طبخة وملتها شطة
ززززززززعمك اعلن توبتو ورجع فراشو ونامت واتغطاء
05 فبراير، الساعة 12:31 مساءً · · إبلاغ

عمك تنقو Msaad Yousif الطيارات دى اصلك حولقت فيها كدا الله يستر بس
============
التجاني الماحي يا ساتر هههههههه تقرير كامل لحوادث الطائرات مع نجاة الاطفال دائما في
مثل هذه الحوادث الخطرة ...
05 فبراير، الساعة 01:48 مساءً ·

عمك تنقو Samer Alfateh Samer
والله عمك تنقو ما قصر معاكم داير اوصلكم سريع
=============
قصدي كمان افسحهم الشباب جولة لكن متخوفين شديد مني وملاوزين
07 يونيو، الساعة 10:50 مساءً‏ · امسح مشاركة

‎Marwa Musmar‎ والله ياعمو تنقو ماقصرت حتي الطيارات ما خليتا
لكن برضو نحن معاك واكيد ما حا تخييب ظننا فيك مادام طلعتنا من ورطة الارهابي
اكيد مافي مشكلة تاني
08 يونيو، الساعة 01:04 صباحاً‏ · ليست ذات صلة · إبلاغ · امسح مشاركة
إضافة رد
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين يونيو 21, 2010 8:09 pm

مـك تنقـو قـرر هسـي
لازم لازم اعـلـم نفـسـي
لغات ايطالي حتـى فرنسـي
جو مـا بيـل تنقـو اسمـي
جو لو باغل ان بو فخنسـي
فو باغلـي فخانـس ميسـو
****
نو ! ني جو باغـل أون بـو
انجضو ليكم وانجـض ابـو
****
العـازة تولـول اوب علـي
شوفوا الراجل ( سل فو بلي )



‎Waleed AbdElhafez‎ جومابيل تنقو اسمي
ههههههههه



‎Maaz Issa‎
كوما سافا مسيو تنقو جوتيـــــــــــــــم


عمك تنقو
سـافا بيا مسيو معـاذ تخـي بيا إي تـوا ؟؟؟
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين يونيو 21, 2010 10:02 pm

مسدار :

المطر التقيل بداية حبه رشـة
والمشوار البعيد مهما بعد بتمشى
المرسيدس بجي إن شاء الله قبل الركشة
ما بنقول حلم زول جعان ما اتعشى



Osman Ali
الله علييييييييييييك ياعم تنقوووووو ههههههه

Sara Mohamed
حلم الجعان عيش

Ragaalasma Alasma
ههههههههه جميله والله ياعمك

Mohammed Ibrahim
ههههه حلوة


Salih Mushawi
عجيب يا عم تنقوا مي مي مافي كلام تاني


Wael Adel
يا سلاااااام عليك ي عم تنقو بس لو اعرف بتجيب الكلام السمح دا من وين


Mohammed Hassan

‎shbab sharing sareee3 3shan 3sha 3amkom tango... gabel ma yageeb kharegia



Omeima Elmisbah

‎akeed btgi almarsedes‎


Abdalazeem Hamad
المرسيدس كسرت ترس


Esra Kafi
مسكين ماإتعشيت في امواج ياعم تنقوا



Omeima Elmisbah

‎no ma ksart tars yaabdel azeem‎


Ayman Abubaker
والليل ان طول اكيد الشمس ليها مرقه.ولو فلسنا تب عدمنا حتى الفكه
.برجع تاني القرش ونتعشا ناكل باسطه


Haboo Sorab
عشاك علي كمان كوارع ...



عمك تنقو

Esra Kafi مسكين ماإتعشيت في امواج ياعم تنقوا
=========
لااااااااااا انا اتعشيت مرة واحدة في قدورة
هههههههههههههههههههههههههههههههههه


عمك تنقو Ayman Abubaker
والليل ان طول اكيد الشمس ليها مرقه
.ولو فلسنا تب عدمنا حتى الفكه
.برجع تاني القرش ونتعشا ناكل باسطه
============== ...



عمك تنقو
Haboo Sorab عشاك علي كمان كوارع ...

==========
والله احلى عزومـة مشكووووورة على الكوراع


عمك تنقو
Abdalazeem Hamad المرسيدس كسرت ترس
======
Omeima Elmisbah no ma ksart tars yaabdel azeem
======
ترس شنو يا زول طمنا شوية خلينا نتفسح بيها اول هاهاهاهاها ...
مشاهدة المزيد



عمك تنقو
Osman Ali الله علييييييييييييك ياعم تنقوووووو ههههههه
======
اشكرك اخي عثمان على المتابعتة والنشاط في القروب


عمك تنقو
Sara Mohamed
حلم الجعان عيش
=============
صح لكن احلام اليقظة مرات بتتحقق


Amjed Abbass Badrey
أنا ممكن أعشيك فته بوش عند جوبي والمرسيدس بعد ماتنوم أحلم لي معاك هههههههه


Mohmed Motwakel
ابـــــــــداع ربنا يحقق امانيك


Amany Atiah i
هههههههههههههه ده الناقص ياعمك


علي بدرالدين تميم Tamim
والله ياعمك بنعرف انو حلم الجعان عيشو بس مارسدس دي ما ادونا ليها


محمد الهادي ههههههههههههههههههههههههه


Saad Ali
عمك تنقو زول محتال احترس الدقسه لا تعالج الضربه قاضيه وليس هنالك فرصه للتعويض خصوصا دقسه المعلمين


Saad Ali
عمك مره باع مطره تخيل


Yasir H. Idris

يا تنقو الخيال من يومو ما هو حقيقة
وان جديت شديد الركشه ماها بعيدة
لكن مارسيدس!! عاد مافي ليها طريقة
احلامك احلام زول..متعشي ليو بمديدة
ضاربو الهمبريب شبعالو شبعة شبعة شديدة...



Sara El-hadare
هههههه حلوه ياعم تنقو


عمك تنقو Yasir H.
ههههههههههههههههههههه حلوة منك ما قادر اميز بين الخيال وحقيقة ايوا شبعان مديده وضارب الهمبريب صح كلامك


Suhila Mohammed
والله دا مش حلم زول جعان
ههههههههه


Ebtisam Isam
ده حديث ضعيف يا عمو التنقو


Amal Soliman
يا عمنا حقيقة الحلم ما بقروش .. ما نحلم نعيش إن شاء الله ناكلا بوش
والمارسيدس ما صعبا تخش الحوش .. بس استعد لي اكل القراصه ونوم البروش (السجن)


Haboo Sorab
عمو التنقو زول شريف


Eman Osman
دنيا دبنقة ياعمك....


قلنزا مان ان شاء الله قبل الرشه تشرب شاي من عشه
وقبال ما تتكيف تجيك الكشة


برتاح ليك والغمام خشي


Salih Mushawi
الله عليك يا عم تنقو سيدا لكن كلامك مي مي مافي كلام تاني


Asia Soltan
رهىىىىىىىىىىىىىىىىىىبه


ابو الفوارس
يا عمنا تنقو مالك مع المواصلات؟؟؟؟؟؟؟؟؟؟؟؟


عمك تنقو قلنزا مان ان شاء الله قبل الرشه تشرب شاي من عشه
وقبال ما تتكيف تجيك الكشة
===============
هاهاهاههاهاها جنس حسـادة عندك يا قلنزا حالتي عايزن
افسحك بالمرسيدس والركشة واشربك شاي تقول لي كشـة



ابو الفوارس

يا عمي تنقو انت راسك مالا عاملا زي البطاطساية المعفوصة في قعر الشوال....هههههههههه


Esra Kafi
شكلك جعان عازماك جراد ياعمو
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الإثنين يونيو 21, 2010 10:16 pm

عمّك تنقـو فارس
========


عمـك تنقـو عقلـة اتحجـر
اصـر واجـزم يقلـد عنتـر
باع عربتـه الماركـة هنتـر
اشترى مهـر سمـاه الابجـر
فاقـع لونـه ادهــم أغــر
قال للعازة حصانـي هجيـن
مأصل نسله رزيقاوي ضعيـن
أكلـه فاخـر ماهـو عجيـن
تمر وقمح عطرون مخلوطيـن
*****
****
((( يتبع )))


Othman Abdalla‏ و Mohammad Anwar‏ و Ahmed Gasim‏ و 31‏ آخرين‏ يعجبهم هذا.

Mustafa Alsadig عمك خرف

Maewa Ali

والله ياعمك تنقو شكيت محنك وانا ذاتى ما عارفة العازة دة المصبرك معاك شنو كل يوم جايب ليها فليم جديد مرة داير تبقى ملاكم ومرة فارس ومرة ماعارفة شنو


مساعد الركابي دا كلام الهنتر لو بعتو يا دوبك تاكل ليك فية وجبة دسمة كمان تشتري بيه مهر وكمان ابيض


Faris Elyas
المره الجايه نجار ولا سواق رقشه ؛؛عم تنقو دا بقى يتعاطى حاجات ما ياها


Amal Soliman
المرة الجاية عمك بتاع حركة اصلو حركاتو دي ما ببطلا


Gogo جوجو
Gogo جوجو العطرون دا لزوم الترويض ولا شنو ؟؟


عمك تنقو
هع هع هع هع العطرون ده مع التمر على يخلي الحصان نشيط ومصحصح دائما



عمك تنقو
Amal Soliman المرة الجاية عمك بتاع حركة اصلو حركاتو دي ما ببطلا
========

عمك ده اصله بتاع مجازفات اي حاجة يخش فيها والعازة ما بتقصر قالت ليه اعمل اي حاجة بس اياك تفكر تعرس فوقي دي الوحيده ما برحمك فيها المشاريع التانية ممكن انحسك فيها بي حظي النحس على الاقل مشاركة التجربة مني هههههههه



عمك تنقو Faris Elyas المره الجايه نجار ولا سواق رقشه ؛؛عم تنقو دا بقى يتعاطى حاجات ما ياها
========
فارس علشان ما جبت غرفة النوم بتاعتك اعملها ليك انا بقيت نجار زمااااااان وح ارجعها ليكم للناس الما قروها



عمك تنقو مساعد الركابي دا كلام الهنتر لو بعتو يا دوبك تاكل ليك فية وجبة دسمة كمان تشتري بيه مهر وكمان ابيض
=========
مساعـد ما تنسـى العـازة كانت داخله في صنـدوووووووق وصرفتني معاها



Tahir Mansour
مافي كلام والله


ابو الفوارس
عمك تنقو يا كنتاكي....ههههههههه


عمك تنقو
هيا يا أبو الفوارس خش مع عمك تنقو السباق هههههههه


ابو الفوارس والله يا عمنا تنقو يشهد الله انا متابعك من ما كنت شافع ولو ما بحبك ما بشتغلك....هههههههه


Nany Shahata
عمك تنقو عايزة لي مهر زي حقك دا القاهو وين ؟


Ahmed Babiker El-Garrai
أشتري لي تنقو هنتر و بديك المهر بتاعو


Amin Ammar ياريت ياعمك تنقو تبقي لاعب كورة مع الهلال وتغلب المريخ


Nyok Akuei ‎Hi Ayuol Nyang are you on the line?‎

Hala Elhasan
عمك تنقو حكايتو عجيبه .عنتر فى زمن توم كروز رجل المهام الصعبه .. اخيرليك ياعمو تبيع حصانك دا وتتم عليهو تشترى ركشه


عمك تنقو ها ها ها ها ها هالة ليه لكن كان ابيعه واشتري لي راديو ممكن


Hala Elhasan مافكرته تبقا رئيس جمهوريه ؟؟ ولابندخلك فى حته ضيقه؟


عمك تنقو رئيس جمهورية دي صعبه خليني لمن اكتشف لي قارة تانية جديده الارض واسعـه امكن نلقى ارض فاضية اعمل فيها جمهورية تنقو الديمغراطية


Hala Elhasan خلاص انا يكون لى شرف ان اكون نائب رئيس الجمهوريه
التانى لانو العازه ماااابتريحنى لوبقيت الاول


Asia Ismail Adam عمو حيركب ماسورة


Fayad Esmael Alfakke
الغريبه يا عمك انت بتاع مجاذفات بس ليه ما جاذفته ومشيت الدهب كان تصلح وضعك وتريح العاذه دى شويه من المرمطه معاك.

عمك تنقو
يا زول الدهب مشيت ليه واشتريت الجهاز لكنه صادروه مني هههههههههههههههههههههههه دي اكبر مجازفة مبلغ الجهاز اعلى من اللي بتلقاه من حبات الذهب وزن التسالي
08 يونيو، الساعة 07:47 مساءً‏ · أعجبني ·
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأحد يوليو 18, 2010 11:12 pm

عمك تنقو حكيم
==========

عمك تنقو حكيم السوق
جاه حرامي شديد مزنوق
قال يا تنقو يا سيد الذوق
انا في ورطة انقذني ارجوك
انت يا تنقو رجل مبروك
عمّك قالة الكلام ملحوق
خش دكاني شوية و روق
كرفس نفسك في صندوق
جات الشرطة وراه تفتش
عمك سدرب شكله مطنش
سالو عمك حكيم السوق
قام أشر على الصندوق
ضربو عمّك كم دبشوق ( دبشق)
فاكر نفسك ود تكتوك

خالص تحياتي زاهر الطيب .. 18/يوليو /2010

================

التعليقات
=======



Maria Albahar
لالا تمام حلوة شديد مافي اي شخشخه..


Mohammed Fathi
هههههههههههههههههههههه


حلا عبدالمجيد
هههههههههه


عبدالباقي المكاشفي
تمام التمام@مافي الكلام


Mohamed Almubarak
مافي اي شخشخة



Anas Zain
مافي اي شخشخه

Mohannad Elhag قويه قويه

جوري gory

هع هع هع ضربو عمك دبشق دبشق خخخ انا اول ماشفت البوست ياعمو جيت جاريه برطق برطق خخخخ


عمك تنقو

اشكركم بالمناسبة تم تاليفها قبل دقائق وانتو اول ناس تطلعـوا عليها ... أشكركم والجايات اعظم .... لكن رائكم شنو في تنقو مش طبق حكمة الشيخ فرح الصدق لو ما نجاك الكذب ما بنجيك لكن مسكين الشرطة ما صدقت تنقو وخبتوه مفتكرنه بضيع ليهم في زمنهم


· Abeer Darwish
حلوه شديد , لكن مافهمت عمك التنقو بعد ما سلمهم الحرامي بذكاءه يقوموا يضربوه لييييه


Muhanad Jalal
بيجي منك احسن من كدا


عمك تنقو

اصله يا عبير الشرطة ما صدقت انه الصندوق ده فيه حرامي ضربوا تنقو فاكرنه بهظر معاهم ولا بيضيع ليهم في زمنهم ولا مخرف .. بكون عمك تنقو اخد علقه والحرامي نجـى منها ... أرجعي لي قصـة ابونا الشيخ فرح لمن جاه لص وخباه في كومه القش


Abeer Darwish
شكرا على التوضيح لكن كده خليتني عايزه اعرف قصة الشيخ فرح , اصلوا نحنا جيل القصص والحكاوي ما كان عندنا فضائيات زمان.


Amal Mohammed Abdalrhman
لا مافي كلام والله لزيزه


Noxi Foxi هاهاهاها

ننو nnoo
انت الزيك منو واي حاجه منك حلوه



Noxi Foxi
ممكن واحده تاني


Maria Albahar
يا عبير قصة فرح ود تكتوك نفس الفهم بس ديك ما فيها دق...الشرطة ما صدقتو والحرامي بقى في امان والشيخ فرح ما كذب ده كل الموضوع..


عمك تنقو

أخت عبير اشكرك وسعيد اني في رسالتي لتعريفكم بالشخصيات السودانية التي تابعنا سيرتهم وقصصهم وحكمهم الشيخ فرح رجل صالح وحكيم ... بصراحة كانت فكرتي اعمل قروب للشيخ فرح ولو افكر في تنقو إلا بعد ان وجدت شخصا ما سبقني في تأسيس قروب الشيخ فرح ثم تحولت لإن شاء قروب العم تنقو وانا من المعجبين والمتأثرين شديد بحكم الشيخ فرح ويسعدني اقدم ليكم الرابط الصديق للقروب وتستفيدوا منه ستدوا معلومات وافية عن الشيخ فرح فيه الرابط مرفق ادناه ...


http://www.facebook.com/wadtaktook?ref=ts

Muna Issawy
جااات سليمه المره دى يا عمك........المرات الجايه خلى بالك وما تعمل فيها الشيخ فرح ودتكتوك!!!!!

Siddig Aldagger
ههههه جميل يا زاهر

مروه تاج الدين

رائعه وجميله وحلوه


Abeer Darwish
شكرا كتير ليكم يا زاهر وماريا, وانا فعلا مبسوطه لاني انضميت ليكم في عمك تنقو.


Maria Albahar
العفو على شنو.. بس اوعى عشان وضحت تقومي تقولي انا قدر زاهر انا يادوبي في ريعان شبابي..

Rmaz Salah
ههههههههههه بالعكس لزيزه


Mohammed Smbay
والله جميله جدا ونترقب المزيد

Eva Abdlla
هههههههه...جااااامده


Hassan Salah
ههههههههههه حلوه منك ياعم تنقو وانت ماتألف وتعمل فيها هانز كريستيان عشان ماتاخد دبشق هاهاهاهاهاهاهاهاهاهاهاهاها

Amjad Adam
هههههههههههههههههههه يا عمك قويه

Basil Elnzeer هههههههههههههههه

عمك تنقو
Hassan Salah ههههههههههه حلوه منك ياعم تنقو وانت ماتألف وتعمل فيها هانز كريستيان عشان ماتاخد دبشق هاهاهاهاهاهاهاهاهاهاهاهاها
=========
عارف انا حاولت أألف وادلع نفسي واغنى لكن الجماعة قالوا لا عايزين اكشن اعمل استحمل الضرب والاهانة والوقعات الخطرة كله علشان اسعـدكم ,,, وبسعادتكم تكتمل سعـادتي ويا مراحب بيكم جميعا وشكرا لتعليقاتكم اللي احلى من كتاباتي

عمك تنقو هع هع هع على مختار امجـد يضحك على العسار اللي خبتو عـمـك تنقو ههههههههه عجبه الاكشن ده هع هع هع

· Mohammed Alrasheed
تدينى العنك ولا بعاتى اسوق واخرب حزن السوق


عزيز جرافه
طلب صداقه

Mohamedali Dangl
3mk ya

Awadain MishMish
انا بالجد عجبتني القصه روووعه حكايات عمو التنقو

وضاح ابوشيبه
عندك مستقبل في الشعر ولكن امشي نجوم الغد

عمك تنقو
وضاح ابوشيبه عندك مستقبل في الشعر ولكن امشي نجوم الغد
===========
نجوم الغـد انا عايز نجوم الامس
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأحد يوليو 18, 2010 11:18 pm



Wagdi Eldaw Elmahadi
والله فهلا الصح ما في زيو ... علي قول الفنان نادر خضر قول الصدق كامل ارجوك ما تجامل


Ahmed Ali
الصدق مافي الزمن ده

بكبولظه البرعى
الزمن دا غش بس اي تاجر بذات ناس المغلق


Abrar Osama
حتى لو في خطأ في الغافيه المعلومة وصلت


عمك تنقو
اشكركم احبتي على التعليق والاعجاب ومروكم يسعدني ويدعمني تسلموا جميعا .. محاولات امل ان اوق في إنتاج الجديد لكم ويرضي طموحكم ورغباتكم


Ahmed Ali
ليه ناس المغالق بزات


Mohamed Elias
عمك تنقو زول واضح -لسانو سليط لسان فاضح - قري قصه ود تكتوك ونوي يناطح- جاه الدبشق وكان سارح-عمك كورك بصوت واضح - محاوله لتقليد الاستاز الكبير شرحبيل احمد مع الاعتزار

Sapry Ali
عمك تنقو هههههههههههه واحدة من اجمل الشخصيات

عمك تنقو
محمد الياس هع هع هع هع عملت اكشن قوي لي تنقـو بتاعة تكتوك دي تاليف اليوم الساعـة 10 صباح يعني جديده كرت زي ما بقولوا وأكيد الاستاذ شرحبيل إذا كتب ورسم لابدع اكثر من محاولتي المتواضعـه وما نحن إلا نبت وبذرة افكار كل ما سبقونا ونكرر إعجابنا الشديد بيهم ونتمنى أن يكون عملنا هذا ساهم إعادة ذكراه والذكريات الجميلة ملتزمين بنفس القالب والفكرة التي تعلمناها ممن سبقونا ...

ودمتم ( زاهر الطيب )
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء يوليو 21, 2010 9:49 pm

عمك تنقو يخدع العازة ( 21/07/2010
======================

عمك تنقو ابو قلبا حار
في نص الليل ادى قرار
قال للعازة بكل إصرار
اطلبي طلباتك إن شاء الله كتار
لمن تصبح باذن ستار
انفذ ليك كل طلباتك
من اكبر حاجة لي مسمار
في صباح الباكر مع الابكار
طنش عمك بقى مكار
قال للعازة كلام الليل يمحاه نهار
****

(( محاولة الان على الطائر كدا إن شاء الله تنال رضاءكم )

التعليقات
=====


تعليقات المعجبين
==========

Maria Albahar

آه منكم يا الرجال دايما" وعدكم وعد عرقوب توعدو ولا توفو أبد..


عبد الرحيم كباشي كباشي
شاااااطر ياعمك تنقو


عمك تنقو ماريا طلبات كم ما بتنتهي وبتجي في اوقات صعب تنفيذها ههههههههه


Maria Albahar
لكن لازم تنفزوها في النهاية الحاجات دي ما ليها براها ولا شنو.!؟


الطيب فكوج
جامد والله


· Bakry Algwas
ههههههههه والله ى عمك تنقو بااااالخت داير تشوه سمعتنا ساي نحنا ناس كلمتنا واحده


· Bakry Algwas
هههههههههه يا ماريا بطلي مرازا


· Maria Albahar
اووو نهارك سعيد يا بكري قلت كلمتكم وحدة وحياتك انتو كلكم موية من تحب تبن يعني مافي اي تشويه لأنو ده اصلكم...هههههه



· Alameed Mohamaed Alsharef
الشاطر البعرف يتصرف في ساعة الزنقه ههههههههه


Maria Albahar
لكن دي ما شطارة يا سيادة العميد...


Tarig Hussein
عازة مسكت الماسورة يا حليلا تلاقيها تحسب الليل كلو و ما نامات . هههههههههههههههههه . "!"


· Alameed Mohamaed Alsharef
تعلم كيف تسكت الزوجة النقناقة {اديها ماسورة ورا ماسورة لحدي ماتتعود علي المواسير وتسكت منك} هههههه


ب · Maria Albahar
ههههههههه حلوة يا عميد لكن في نوع ما بتعود حتى لو ركبوه نافورة مش ماسوره...


· عمك تنقو شباب بالمناسبة في صفحـة القروب تبع تنقو اكبر من هذه ... تابعوا الرابط

http://www.facebook.com/3mktango?v=w...39957446021958


عمك تنقو
Tarig Hussein عازة مسكت الماسورة يا حليلا تلاقيها تحسب الليل كلو و ما نامات . هههههههههههههههههه . "!"
===========
عرفت كيف طلبات خليها ساكت شئ متذكره وشي لاء علشان كدا جليت الفكرة من اساسه ههههههههههههه


Mohammed Nuras
عملتها وااااضحة يا تنقو العازة انسانة رقيقة ومسكينة ياخي

انتا شكلك داير لك سبب بس :-)


· Bakry Algw
as هههههههههه
أيوا كدا ي تنقو .


***********

عبدالله ابوسن
يسلم فمك

عبدالله ابوسن
هلا بيك لولا


من اكبر حاجة لي مسمار
كان بدل يخش فى اللوم مع العازه ويقول كلام الليل يمحاه نهار
كان اخير يبقى على المسمار بس يغشى اقرب مغلق


عمك تنقو Lola Ahmed
في مقولا بتقول كلام الليل مدهون بالزبده يطلع عليه النهار يسيح
==========
مثل مطابق تمام للمثل اعلاه


· Gesma Abdu
هسي العازة دي لو مامسكينة عمك تنقو ماعارفاهو لعبنجي


عمك تنقو Rana Salah دا حال كل الرجال
=======
إلا انا مش كدا يا رنا ههههههههه


عمك تنقو
Amani Mohamed اسمع كلامك اصدقك اشوف عمايلك استعجب::::اممممم
========
اسمع حليفتك اصدقك أشوف اللبن في شنبك اكذبك


Riham Sallah
عمك تنقو الثعلب المكار.حلوه ياأستاذ زاهر



Hota Wawic i ياAism مسمار مضمون ولاطلبات مجهجه



عبد الرحيم كباشي كباشي اهلين بيك يا ابوسن



Emad Elbaz
كيف الكلام دا يا رنا خلي الحقاره


Lola Ahmed اهلا بيك عبد



عمك تنقو Hota Wawic

i ياAism مسمار مضمون ولاطلبات مجهجه
========
مسمار ههههههه العازة ما صدقت كبرت كوما قالت الليلة الراجل ده جاته ليلة القدر ولا شنو كان كدي دي فرصة اطلب حاجاتي كلها مرة واحدة اصلها فرصة بتجي مرة في العمر ههههههههههههه


Asim Mahmuod
انت عارف يا Hota Wawici العازة زاتها لو خيروها بين الحاجات الكتار والمسمار حتختار المسمار طبعا عشان تدقو فى الحيطة وتعلق فيهو المشلعيب


Hota Wawic
i ههههههه بس مادقسة كدا


Bakryiseid Iseid
والله ماف كلام ابداع يا زاهر وننتظر منك المزيد


Hassan Aboali
صباح الخير ياحلوين


Hassan Aboali
طيب رايكم شنوفي المقولةالبتقول ،كلام الليل يمحاه النهار!!


Asim Mahmuod
صباح النور ابو على كلام قوى جدا وحقيقى بنسمة تفوق الكمال


· ·Aya Mohammed
محاولتك تعبر عن واقع كل الرجال الحناكين لكن برضو صح لسانك



Nafisa Alzein Alamein ميه مية ياعمو تعرف عندنا زول غالي علينا مسمينو علي اسمك جيب الهدية هاهاهاها


عمك تنقو
Hassan Aboali طيب رايكم شنوفي المقولةالبتقول ،كلام الليل يمحاه النهار!!
=======
دي طبعا قصة معروفة وطوويلة حدثت حقيقة بين الشاعر أبو نواس وجارية وقيل احد الامراء والله اعلم



· Lubna Ahmed
صباح الخير عليكم ... ماشاءالله أخ زاهر دي علي الطاير أنت لو مكتب مكيف حاتعمل شنو ؟؟يديك العافية


عمك تنقو
والله يااخت لنبى خاطرة كدا سريعـة مع زحمـة الشغل حتى ما كتبتها في مسودة ورقة خارجية ربك يعين والقى وقت اكتب ليكم بطريقة اجمل من كدا اقبلوها مني وكشرا ليكم جميعا بمر تاني وارد عليكم هذا يسعدني

عمك تنقو
Nafisa Alzein Alamein ميه مية ياعمو تعرف عندنا زول غالي علينا مسمينو علي اسمك جيب الهدية هاهاهاها
=========
عارفة اخت نفسيـة تنقو في اي بيت وانا اساسا من شده أعجابي بيه وانا صغير كانوا بقولوا لي تنقـو تحياتي لي لكل تنقو


Ahmed Khairy
روعة جد,,تسلم


عمك تنقو
Bakryiseid Iseid والله ماف كلام ابداع يا زاهر وننتظر منك المزيد
=========
الله يخليك يا بكري ودي شهادة منك ومن الجميع اعتز بيها


Wagdi Eldaw Elmahadi
هههههههههههه والله عمك مفتح شديد
يحلها الف حلال للصباح


Reem Ahmed والله ليييك وحشة ياعمو تنقووو وينك من زمااان ،، اوعى العازة ادتك شاكوش وخليت الكتابة لووووووول / لكن في قصة الحلم دي بالغتا ياخ لو جبتا ليها كوباية ما كان احسن من الحلم الطاير دا !!!!! لانو المسمار زاتو كونك تمشي تفتش مكان الحداد وتجيبوا بياخد زمن فااحسن الموية لوووووووووول


Abeer Darwish انا لو منها اجيب المسمار اعلق فيهو تنقو زاته ما المشلعيب


Abeer Darwish
اتصدمت في تنقو شديد , ما كنت فاكراه من النوعيه دي , لازم تشوف حل يا زاهر



Amal Soliman بختها العازة لو يوم عمك طارت في راسة وطلقة بالليل الصباح يقول ليها متين طلقتك ....ومرحب بي ابو سن معانا


Tima Elrashid الا العازة ماها نجيضة
عرفت تنقو بدبر في مكيدة
من دغشا بدري سوتلو عصيدة ،،
دخن باللبن الحار ،،
و لما اتحكر قدام الدار ،،...


وسط أصحابو و كمين جار ،،
رسلت العصيدة مع عمار ،،
عمك سال لعابو و ما صدق ،،
شالو لقمة و قعد بتمطق،،
لهب نيران ،،
و فك الصرخة صرخة جان ،،
جابت الحاضر و الضهبان .

Yaseen Abdulla Suliman والله
كلنا كده ماعمك تنقو بس

عمر حمد ودحمد الغايه تبرر الوسيله


Amal Soliman
التسوي بي إيدك يا تنقو يجهجه أجاويدك


Nadia Nora
i بالجد كل الرجال .عندهم كلام الليل يمحوه النهار..


Mahgoub Elmah
i رائع يا أخ زاهر مزيد من التقدم لكن أنا ماعارف العازة دي المسمار تسوي بيهو شنو هي نجارة ولاشنو؟ هههههههه


أكرم حيدر
تسلم .. محاولة جميلة تستحق الإشادة وأتحفنا بالمزيد ..

Mona Aldaw
i هههههههههههههههههههه



Sara Altoom
من غشنا ليس منا يا عمو...


وئام حيدر
دوما" كما عهدناك اخ زاهر ، ودوما" في انتظار الجديد والرائع ..


Simba Abd Alseed
والله ياااااريت تكون في إصدارة لي المجلة في اقرب وقت ياتنقو ونكون عدناها سيرتها الاولي ولاشنو ياخوانا .........؟


Awadain MishMish
صح ياسيمبا ودايما متحفنا بي اعمالك ياعمو تنقو

Bibo Khabeer
والله برضو ماقصر اكيد جاجه العازه الليل داك كلو قضتو مبسوطه وبتحلم أحلام سعيد هاهاهاهاهاهاهاهاهاهاهاهاها

Mohamad Al Bakry
والله يآلعآزه الله يكون في عونك


Taha Khalid
ودا حال كل النساوين جنهن نقة .



Raja Hassan
هههههههههههه حلوة منك ياعمو تسلم


Fayad Esmael Alfakke
يا عمك مكرك مع العاذه دا لو تعملو فى السوق كان تمشى معاك باسطه.

Krm Leo
يمين الله رجعتونا الى سنين ور ايام مجلة الصبيان والناس الحنان
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: عـمك تنقـو تاجر حمـام   الأربعاء يوليو 28, 2010 6:35 pm

عمكم ومحاولة تجارة الحمام
6 نوفمبر 2009م

================

عمك تنقو عايز يعيش
اشترى حمام وشوال وعيش
قال للعازة اطحني دريش
خلي حمامنا يقوم ليو ريش

***
كبر حمامو وبقى كتير
شوية شوية اتعلم اطير
عمك روق وكتر الخير
يومي شوربة ويومي عصير
فكر يزكي يهدي بدون تقصير
والعازة واقفة اسد و غفير
اصلو العازة حرس خطييير
قامت حمبكت وكشرت جنس كشير
قالت لعمك اخيرك اخير
يا تطلقني ولا افكه يطير
**
صحى من نومه وقال اجلعه خير ....

===========

خالص تحياتي زاهر الطيب ( عمك تنقو عايز يعيش
عمك تنقو عايز يعيش


التعليقات
=====

مجاهد العاقب
الغيرة ياعمكك اعدل بين التنين العازه ماطلقه فيك الحمام يطير احسن ليك العازه دي حمرت ليك ياعمك


Morwan Wad Alkhaleefa
اللهم اجعلو خير لكن انا في رايي يطلقا ولا يفكو يطير

Muna Issawy
هههههههه.... والله يا عم تنقو بركه بقى الموضوووع حلم فى حلم لانى انا عارفاااااك ما بتقدر على فراق العازه....!!!!!

احمد قمبور
هههههه


Ayat Farouge
ههههههههههههههههه مبالغه

Abuobida Mohammed Albasheer هه
ههههههههههههههاهه
هههههههههههههههاهههه
هههههههههاا


Rnda Osman
hahahahahhaha he 6wali al3za de wagfa lek fe wa$ak ya 3mo alah ykon fe 3onk

عمك تنقو
احلى حاجة في الحلمة الشوربة والعصير اتجيهت تمام جوز جوز اكل واشرب في الشوربة


Rnda Osman
hahahaha tmam


ابوزيد عبدالرحمن
بايت حمام ولا دورات مياه


ابوزيد عبدالرحمن
بايت كمان في حمام بطير


Muna Issawy
ياااااخى كان تعزمنا معااااااك جوز حماام!!! هههه او إن شاءالله كباية عصير


عمك تنقو
دورة المياة اكرمك الله يتشديد حرف الميم ( حمّام ) ريش وشوربة وطيران وعيش كلها ما عرفته انه المقصود ( حمام ) نوع من الطيور له اجنحـة طائر اليف وكان يستخدم زمان في توصيل الرسائل ( الحمام ) الزاجل ...
هذا للعلم وشكرا للمرور


Mohnad Bheiry
hahahahahahahahahaha
hahahahahahah 3geeb


Mohamed Jammaa
الواقع زي الكابوس واحد...!!؟

Ali Mukhtar Ahmed
ههههههههه حلم بي حمام


Nosa Alasal أحسن تفك العازه ماعندها الا المشاكل والحمام مريح بالك شي شوربه و... أكل وإتغذي العازه مابتنفعل

Musab Mohammed Makki
يفك العازه ؟؟!
والبعمل ليهو الشوربه منو!


Maewa Ali
والله يعمك تنقو انت مع العازة دى عندك جنس دراما مالم ومال الحمام خلى يمشى يطير والا العازة بطيرك من البيت وبتبقى لاجى

كمال موسي سيد عثمان
يا سلام زكرتنا بمجلة الصبيان


Sara Osman
ههههههههههههههههههههههههه


Nosa Alasal
لعازه تطير ميه وحده ممكن تسوي الشوربه إحم بس هو ياخد بالو إحم إحم


Moutaz Adeil
hahahahahahahahah


Mazin Kamal
واصل يا مان


عمك تنقو
Nosa Alasal العازه تطير ميه وحده ممكن تسوي الشوربه إحم بس هو ياخد بالو إحم إحم=======
نوسا احم احم


Mohanned Hassan
ya5 enta a7la zool ya 3mO ,, (Y),,


Mohamed Alakhdar
ياعم تنقو ماهو الفرق بين الحمام والعازه

Eman Ahmed Attyeb
أها أنا العازة دي ما برضى فيها
لو طار الحمام ولا طار عم تنقو زااااااتو
وأنا عارفة عم تنقو برضو ما ح.يكون عايزها تطير ولا شنو يا عم تنقو؟؟


Tatoo Alansari
طلاق شنو ياعمك كدي نوم تاني اكيد غلطان امكن حلمن الحلم يدعدل

عمك تنقو
Mohamed Alakhdar ياعم تنقو ماهو الفرق بين الحمام والعازه
===========
الحمام بطير والعازة ابت تطير هاهاهاهاهاهاا


عمك تنقو
Eman Ahmed Attyebوأنا عارفة عم تنقو برضو ما ح.يكون عايزها تطير ولا شنو يا عم تنقو؟؟
=======
ايمان عارفك علشان داخله في صندوق وماسكاه العازة هههههههه

Mohamed Alakhdar
هاهاهاهاهاها ياعمك الفرق واضح الحمام يغذي دمك ويروق مزاجك ويخليك كووووووول والباقي انت عارفو طبعاُ بس العازه ماتاخد خبر


Mohanned Hassan
هههههههههه
ههههههههههههههه


Maged Sorkati ههههههه


Mahgoub Elmahi
قالوا والله أعلم رؤية الحمام في المنام نساء يعني يا عمنا ربنا يعينك
هههههههههههههههههه



Gogo Ali
هههههههههههههههههههه
ههههههههههههههههههههه


Mona Aldawi
فى داعى تزكى وتهدى بدون تقصير والعازة واقفة غفير


ساريتا اليسوندو
إنت شكلك ياعم تنقو بتخاف من العازة دي موت يعني حتى لماتنوم بتكون مرعوب وكوابيسا ملازماك0


Hala Elhasan
هى العزه دى فى الحلم مزرزره ...


Hadeel Ahmed
خلو الراجل يشوف أكل عيشو وكان علي المرا حوا ولادة ..


حماده كابو
فك العازة اشان نجي ناكل معاك حمام


Hadeel Ahmed
كلامك صاح يا حماده


Heba Ali
الحلم الجاي اعزمني معاك في الشوربه ماتنسى وانا بوريك الاحسن شنو



Sara Altoom
حالتك صعبة ياعمو...

ساريتا اليسوندو
ياعم تنقو مشروع الحمام دا فكرة جاااااامدة كدي أعمل لينا دراسة جدوى ورينا الأرباح والمنصرفات عشان نتكتك.....

Saadia Elsir Salih
حلوه جد

كوكي سلامه
خليك مع العازة لأنها اهم من الحمام ههههه

Reem Al Rufaii
:@ :@ :@ :@ :@ :@ :@
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء يوليو 28, 2010 6:47 pm

عمك تنقو اشترى جوال
تاريخ التأليف اليوم ( 8/11/2009)
********************

عمك تنقو أشتـرى جـوال
عايز يبقـى رجـل اعمـال
قال بربطنـي مـع العمـال
بيهـو اعـرف الاحــوال
اجرى مكالمة مع ود الخـال
شابكة ليك كيفنك زي الحال
خلى رصيده على المس كول
قـال اصلـوا مـا معقـول
****

شاف العازة هناك بتعـوس
قال اجـرب فيهـا بلتـوث
قالت ليه يا راجل يا مهوس
اقفل الكاميرة يا مطمـوس
راحت فاكاه باقـرب كـوز
رمت جواله وبقى مدهـوس

*********&*&*&*&*&

محاااااااااااااااااااااااولة تمت الان الاحد 8/11/2009 تابعـوا الجديد أول بأول

=========
التعليقات
==========


Siddiq Ali Elamin
مااا قصرت يا عمك تنقو

حمودي آل-حمودي
تستاهل ههههههههههههههههههههههههههههه
ههههههههههههههههههههههههههههه
هههههههههههههههههههههه

Sharief Khier
lo00l, i used to love 3ammak tango.. yareet lw yerja3 tani

Haytham Siddig Ahmed
قافية مبااااااالغة يا هم تنقو

Lubna Ahmed
تعيش ياتنقو أنت تعيش تقوم في الصلعه حبه ريش....

Mohammed Abdulaziz
ههههههههههههههههه
ما تروق يا تنقوا

Nadia Norai
لكن باااااااااااالغت تستااهل الحصل ليك

ساريتا اليسوندو
ياعم تنقو بس عندي سؤال عازة بتعوس في شنو؟كسرة
ولا قراصة ولا آبري ولا رقاق ولا فطير ولاشنو؟

Emtnan Abd Almonem
الله عليك جامدياعمي تنقو اخر تكنولوجيا

عبدالله الأمين
بتعوس في الدنيا الفساد
.....×خخخخ

Ŋầŋỗǿŝå ЭĻ-Ḿùßầяåк
looooooool

قصي قصي الصديق
مبالغة والمفروض انك تاخد جائزة احسن شاعر

رنده عبادي
تمام


ساريتا اليسوندو
طيب ياعبدالله عندي سؤال تاني دايرة أعرف عازة دي منو حبيبتو؟


Tota Babiker
بركه ليو هو اصلا بصورها لي عايز يقشر بيها في الفيس ولا شنو ههههه

عمك تنقو
ساريتا اليسوندو ياعم تنقو بس عندي سؤال عازة بتعوس في شنو؟
كسرة ولا قراصة ولا آبري ولا رقاق ولا فطير ولاشنو؟
==========
لكن هي خلتني كنت ح ارفع ليكم اللقطـة ( بلتوث) علشان تعرفيها
بتعوس في شنـو ....
وعلشان ما اكشف سر تاني بقول ليك هي بتعوس ...

Mona Alnemairy
تستاااااااااااااهل عشان تبطل الخفه ياعم تنقو....

سيد سوراوي
والله ابداااااااااااااع

محمد يحي
100/100انت يامك مرتاح راحه


Amany Omer
A7era amk2ngw d7l altknlwgea

عبدالله متوكل
والله نعم رجل الاعمال يا تنقو

ولاء عمر
معليش يا عم تنقو الجاتك في مالك سامحتك,إن شاءله بس تكون اكلت الكانت بتعوسوا العازة...

ساريتا اليسوندو
ياولا البتعوسو مابياكلو دا ببلو(مش بقولو الصبر الببل الآبري)بي موية يعني وبعداك بصفوه وبكون مركز وبضيفو ليهو سكر وتلج عشان يكون حلو وبارد وبعداك بشربوهو يعني بشربوهو يامنقة0

ساريتا اليسوندو
ياعم تنقو وريني عازة بتبقى ليك شنو؟حبيبتك يعني؟ عبدالله عامل فيها عارف بس لماسألتو مارد خلي بالك مايكون عبدالله بفكر فيها0

Mohammed Nuras هههههههههههههههه
هههههههههههههههههه
هههههههههههههههههههههه
هههههههههههههههههههههههههه
ه ياخي كلمة مطموس دي قوووووووية

عبدالله متوكل
يا ساريتا انتى عازه بتبقى ليك

Salma Abdallah Suhaib
ههههههههههههههههه

Eman Aljack
ابداع.ياساريتا فتشي مجلة الصبيان بتعرفي عازه دي منو

ساريتا اليسوندو
ياعبدالله مابتبقى لي بس حب إستطلاع دايرة اطمن علي عم تنقو لأنو الزمن دا..... وياإيمان بابا مابخليني أقرا أي حاجة كدا ولا بديني قروش كتيرة المصروف دوبو قدر الساندوش وبمشي وبجي بالترحيل أنا بحكي ليك دا كلو عشان دايراك إنتي
تقريها وبعداك وريني عازة دي منو يابطة0

Sanan Salah
هههههههههههههههههههه
مبااالغه ياعمو

Gesma Abdu
الصدمة عليك شديدة ياعمو ولا اتهنيت بيهو

Yosra Alsaid hhhh
ههههههههههههههه
العازه دي ماعملت فيك خير كل كل فك دربها خلاص


Hassan Salah
ههههههههههههههههههه
حلوه ياعم تنقو (اسمعني العازه عارفه انو انت عندك اكاون في الفيس ولا لأ )


Nosa Alasal
ياساريتا شكلو ريحه الابري الايام دي مجنناك


Nosa Alasal
ياجماعه ساريتا دي بتحب عمك تنقو ودايره تنطمن علي مستقبلو في داعي للاحراج معليش ياساريتا ع الفضيحه بس الفهم متأخر شكلهم دناقله


Omeyma Tikaina
والله حلوة


Nosiba Elkhidir
عمك يا أصلي تكنلوجيا وكده.


Reem Saad
تستاااااااااااااهل


ساريتا اليسوندو
يامنفة عم تنقو مابنفع معاي لأسباب كتيرة يعني إنتي يانوسة لودايراهو ودايرة تطمني من علاقتو بي نحنا زي الراجل وبت أخوهو حتى أسأليهو يعني أنا محرم مؤبد يعني إنت لو بتفكري فيهو أنا ممكن أربط ليكم ع الأقل إسم نوسة أحلى من عازة دي يابطة ولا ياجماعة رايكم شنو؟عليكم الله عمي دا مش وجيه؟والعجب لما تقوم سبيبة سبيبتين كدا في الصلعة البتلمع دي....

ادريس معلم
ليه الزعل ده يا عمى دى الدنيا ماتستهلشى الزعل ده كلو


Ahmed Emad الله
يكتر من نكاتك


Nosa Alasal ياالله
ع ذكائك ياساريتا إنتي إنشتاين كان أبوك ؟ طبعا أنا بموت في الصلعه

Ghadoya Elawad
ههههههههههههه كر عليو كر ماعجبنا ليك يا عمو التنقو


عمك تنقو
العازة لو عرفت النت كانت كسرت الساشـة هههههههههههه الجوال ما رحمته كمان النت العازة وصاحبتها حليمة
مفقودين ومعاهم جار تنقو وبنية تنقو طبعا مع الجامعـة كلكم بخلاء مافي واحد ولا واحدة قالت اتبرعوا لي تنقو
عوضوه الجوال بتاعه ههههههههههههتضحكوا علي بس شمتانين عاملين لي جوالاتكم 3310 دي هههههههههههههههه

· ·
Hala Baraka
انت من زمن الجوال الناس دخلوا العولمه

Mona Aldawi
هههههههههههههه حلوة منك يا العازة


مروه تاج الدين
رائع رائع


Reem Al Rufaii
تنقو عينك زاغت العازه صابره عليك كم سنه (راسك الذى سرج العجله ده) اوع من السراريت والنواويس بنرسل ليك البواليس وتبقى فى حيص بيص *


Abeer Darwish
العازه يمكن زعلانه ما جاب ليها واحد تقشر بيهو قدام نسوان الحله

Hassan Salah
والله ياعم تنقو انا ها أعمل اكاون لي العازه عشان تداقرك في الفيس نشوف آخرتك انت والعازه شايفك ماخد اريحيه في الفيس من حكاويك عن العازه
ههههههههه


Hanadi Ahmad
عشان كدة خليك ما مبلتز

عمك تنقو
يسلموا يا شباب تعليقاتكم كلها احلى من ما نقدمه ليكم وترقبوا الجديد والمثير

Mohammed Tic Tic
عملنا تنقوا انت دائماً ماسك مواسير ..؟

عمك تنقو Reem Al Rufai
i تنقو عينك زاغت العازه صابره عليك كم سنه=======
======= راسي ده سر وجاهتي وبعدين لو عيني زاغت كان بصور العازة ليه من جمالها يعني هههههههههه كان بصور لي اي صورة تانية ولا ما كدا ... صورتها علشان دائما تكون معاي في حلي وترحال...


ساريتا اليسوندو
ياعم تنقو صباح الخير0يعني أنا برضو ماعرفت عازة دي تبقى ليك شنو؟ حبيبتك يعني؟ههههههههاي_


Heba Osman
هاهاها عجيبه


Nosa Alasal
منوره ياساريتا إنشالله حلمتي بي عمك تنقو

جوجو كو نون
صدق دي حلوة دي هههههههههههههه

ساريتا اليسوندو
أهلين نوسة أخبارك شنو؟ والله فاقداك0

Nosa Alasal
سوري ياساريتا حاغيب ساعات خلي بالك من تنقو

Ahmed Omer Shomain
هاهاهاها والله تطور غير مسبوق يا عمنا تنقو شكلك تاني ما بترجع البلد


Maewa Ali
ياعمك فى داعى لجنس دة جبتو لروحك براك مالك ومال البلتولوث

Hmode ⎝⏠⏝⏠⎠ Nona
ههههههههههههههههههه
والله تنقو ده حكاااايه ,,,,,

Mohammed Abubakar
r hhhhhhhhhhhhhhhhhhhhhhhhhhhhhhaaaaaaaaahhhhh

Hiba Ahmed
اقوليك كلام ممكن تترابط مع العمال بالرادار!!!!.....فكرة البلوتوث قدمت

Nosa Alasal
شنو ياساريتا مالك خليتي العازه تنقو أبا يرد ليك
الرجوع الى أعلى الصفحة اذهب الى الأسفل
الشيخ فرح
مشرف تقنية الكمبيوتر
مشرف تقنية الكمبيوتر
avatar

ذكر عدد الرسائل : 2693
العمل/الترفيه : كل ما يتعلق بالكمبيوتر
Personalized field : زاهـر الطيب بركات
اكسب مع ثلاثية روان : 10
تاريخ التسجيل : 19/02/2008

مُساهمةموضوع: رد: سلسلة حلمنتيش عمّك تنقـو جديده لنج   الأربعاء يوليو 28, 2010 6:52 pm

عمّك تنقو متجرس في رمضان ( 23/ يوليو/2020
بقلم : زاهر الطيب
===============

عمك تنقو في عز رمضان
كان عطشان وكان جعان
فتش فتش في القنوات
لقى برنامج يبث الان
اطلب طلبك أيا كان
عمك اتصل وكان شفقان
قال اهدوا لي وللحبان
اول مقطع من الاذان

جرسـة شديدة قبل 18 يوم من رمضان
(
=============

التعليقات
======




Saddam Moh Gwdawa
ههههههههههه عمنا ساطله ف نص رمضان .. يا اخوي صيامك ده فوق راسك ما حيطلع اكتر منو


شمس حلفا
لا لا لا دي خطيرة مرة وحدة من اسع بدات الجرس


Namarig Kamal Abdalla Modawe
الله أكبر...الله أكبر


Altayeb Mohmmed
عمك جرسة


Fatma Almulla
هههههههههههههههه ح ـلوه شدييييييد


جوري gory
هاهاها نايس عمو جرسه شديده


Fatin Jaweesh
هههههههههههههههه



Mohamed EL-arky
hhhhhhhhhhhhhhhhhh 7lwa hhhhhhhhhhhhhhh


Sara Mohamed Elhassan Eltayeb
عم التنقو قال يا لطي
ف رمضان جاينا في عز الصيف
انا تعبان وجسمي نحيف
لازم اسكن جمب القيف

------من زكريات الطفوله


الشريف التهامي
عمك تنقو لا تفطر في رمضان وتقول عندي مصران اتعالج من الان


Abubkr Azzaki
ههههههههههههههههههههههههههههههههههههههههههههههههه


Lina Ali Satti
حلوة يا عمك تنقو


وضاح ابوشيبه
عمك دي جرسا خلاص


Mohammed Nuras
هههههههههههههههههههههههههههههههههههههههههههههههههه


Gadora Saad
ههههههههههههههه ما حلوه


Ahmed Youssef
ههههههههههه جرسه شديده داير يتخارج بدري بدري مشكور ياعمو


Samah Sameer
عمك تنقو دا شكلو حلفاوي هههههههههه


Anas Salih

عمك تنقو الجاتو الزايده
وقال الليلة الموت يا عايده
ساقتو راحت لي الدكتور
جاء الدكتور فتح المصران
طلع منو ابو الجعران


Mai Elfayyad
هههههههههههههه



متوكل دراج
انت الدنيا ذاتها


Tarig Hussein
هاهاهاهاهاهاهاهاهااااااااااااي قوية و الله ربنا يجيب شهر الخير "!"


Mousab Mohammed
ههههههههه والله انا من الحبان وهسى داير اسمع الاذان


Ahmed Babiker El-Garrai
والله يا ابو الزهور ده كلنا دايرنو
لكن كان يشوف ليهو سكري ولا حاجة ينتهي من الموضوع مره واحده


Alameed Mohamaed Alsharef
ههههههههه والله ياعمك تنقو طلعت جرسا شكلك كدا ماشي شارع الدكاترة ترخص ملاكي جوما


Esra Kafi والله
دي مشكلة ياعمو انا بقول ليك امشي صوم في القضارف


Alaa Farajaby
والله عمو تنقو دا كريم خلاص ما فطر براو فطر معاو كل السودان


Alaa Osman
جرسة شديدة عم تنقو داقي جرس الله يعينة


Hala Kamal
ياعمو بطل الجرسةرمضان السنة حيكون احلي رمضان عشان الجو الجميل دا


Maisoon Siddig
عمك تنقو الله يعينك!!!


Mohammed Solkab
ياتنقو تعال لينا في مستشفي الخرطوم وبنعفيك من الشغلانة دي - شكلك عندك سكري لانو دمك زي العسل .. ههههه - اخر حلاوة والله مافي كلام ..


Bondg Mohammed
ههههههه حلو والله


Omeyma Tikaina
حلوة حلوة قوى


Sanan Salah
ههههههههههههههههه من حسي الجرسه بدت الله يستر


Abeer Basyouni
niceeeeeeeee


Muna Issawy
والله يا عم تنقو رمضان جانا جانا غايتو نشيل الشيله وإنت ياعمو معانا!!


Mohsin Shora
hhhhhhhhhhhhhhhhhhhhhhhh 3mk ya sa3ab


Abeer Adam Alrady
عمك تنقو فى الخرطوم طالع نازل كلو هدوم


Ahmed Khairy
هههههههههههههههههههههههههههههههه قلبت فيها الهوبة يا استاذ تسلم والله يستر من رمضان الجاى


Nosa Tahir
ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها


Sarah Mohammed
عسل شديد يا عمو


Akwal Kat
هههههههههههههههههه


Mazen Altayib
هاهاهاهاهاهاهاهاهاهاهاهاهاهاوالله ياعمك تنقوالظاهر اتجرست من اول يوم


Rana Salah
سيد جرسه متصبر اكتر منك يا عمو


Rehab Ajeeb
ياااااااااااا عمك متييييييييييين رمضان جا روق المنقه ياخي


Salamonte Osman
ههههههههههههههههههههههههه عمو اهدى لسه م جا


Khlood Habash
هههههههههههه جامده


Hiba Saeed
حلوه


Sara Ibrahim
ههههههههههههههههههههههه
وكل يوم ابدر لى قدام


Yazeed Osman
الله يستر رمضان جاي

احيمر الحمري
يارمضان ماتسرع تخفف لي من اكلي تعطشني وتجوعني فاضل 18 يوم بس امسكو الخشب ورمرمو كويس

****
الرجوع الى أعلى الصفحة اذهب الى الأسفل
 
سلسلة حلمنتيش عمّك تنقـو جديده لنج
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
dibebaonline :: اللغة العربية والشعر بأنواعه والوانه :: الشعر الفصيح منقول أو تاليف الاعضاء :: الحلمنتيـش وطرائف الشعر-
انتقل الى: