dibebaonline
عزيزي العضو مرحبا بكم ... المنتدى ما زال بالف خير جدد نشاطك بمشاركاتك ®§§][][ dibebaonline][][§§®~
لا تنسى عند دخولك الصـلاة عـلى الرسـول عليه الصلاة والسلام

dibebaonline

من هنا يكون التواصل الحقيقي
 
الرئيسيةالبوابةاليوميةس .و .جبحـثالتسجيلالمجموعاتدخول
شريط التهانئ والاعلانات العاجلة والهـامـة
- كوني كشجرة الرمان في خضرتها ، طيبة في ثمرها ، جميلة في زهرها .2 ـ كوني قوية الإرادة .3 ـ خذي قراراتك الإيجابية بنفسك .4 ـ انهلي من العلم ما استطعت .5 ـ حافظي على سمعتك فإنها كالزجاجة يستحيل إصلاحها إذا ما انكسرت.6 ـ لا تغرك الكلمات المعسولة فقد تكون فخا لك .7 ـ كوني حذرة من العلاقات عبر الشبكة الإلكترونية ( الانترنت ) .8 ـ لا تركضي وراء الزواج بل اجعلي مميزاتك هي التي تهيأ لك فرص ذلك .9 ـ غذي أنوثتك بالطرق السليمة .10 ـ ابتعدي عما يشين لك ولعائلتك .11 ـ لتكن ثقتك بنفسك عالية .13 ـ لا تكثري من الشكاوى .14 ـ اهتمي بغذاء الروح والعقل .15 ـ كوني متعاونة محبة للخير .16 ـ دافعي عن وطنك .17 ـ حافظي على علاقتك بأفراد عائلتك ـ .
*لا إله إلا الله الحليم الكريم**لا اله إلا الله العلى العظيم**لا اله إلا الله رب السماوات السبع و رب العرش العظيم**اللهم إنا نسألك زيادة في الدين**وبركة في العمر**وصحة في الجسد**وسعة في الرزق**وتوبة قبل الموت**وشهادة عند الموت**ومغفرة بعد الموت**وعفوا عند الحساب**وأمانا من العذاب**ونصيبا من الجنة**وارزقنا النظر إلى وجهك الكريم**اللهم ارحم موتانا وموتى المسلمين واشفي مرضانا ومرضى المسلمين**اللهم اغفر للمسلمين والمسلمات والمؤمنين والمؤمنات الأحياء منهم والأموات*****اللهم ارزقني حسن الخاتمة**اللهم ارزقني الموت وأنا ساجد لك يا ارحم الراحمين**اللهم ثبتني عند سؤال الملكين**اللهم اجعل قبري روضة من رياض الجنة ولا تجعله حفرة من حفر النار**اللهم إني أعوذ بك من فتن الدنيا**اللهم أني أعوذ بك من فتن الدنيا**اللهم أني أعوذ بك من فتن الدنيا**اللهم قوي إيماننا ووحد كلمتنا وانصرنا على أعدائك أعداء الدين**اللهم شتت شملهم واجعل الدائرة عليهم**اللهم انصر إخواننا المسلمين في كل مكان**اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك***وبارك اللهم على سيدنا محمد صلى الله عليه وسلم*
احبتي واخواني في الدبيبة داخلها وخارجها وكل غيور على الدبيبـة ، نامل منكم أن و معاودة نشاطكم هنا في هذا المنتدى لتستمر المسيرة والتعاون بنفس الحماس من اجل الدبيبـة هيا همتكم معانا

شاطر | 
 

 مكتبة الشاعر محجوب شريف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
_
_


ذكر عدد الرسائل : 1026
العمل/الترفيه : التعارف والاطلاع والشعر واللغات
Personalized field :
اكسب مع ثلاثية روان : 0
تاريخ التسجيل : 19/02/2008

مُساهمةموضوع: مكتبة الشاعر محجوب شريف   الجمعة أبريل 25, 2008 1:02 pm

من ديوان السنبلاية

للشاعر /محجوب شريف

*****

جميلة ومستحيلة
****


يا جميلة ومستحيلة
إنت دايماً زي سحابة
الريح تعجل بي رحيلة
عيوني في الدمعات وحيلة
اسمحيلا تشوف عيونك
اسمحيلا

أنا لا الصبر قادر على
ولا عندي حيلة
يا مراسي الشوق تعالي
لا الليالي تمر بدونك هي الليالي

من ضواحي الدنيا جيت
وعلى رحالي
لي مداين في عيونك يا محالي
ريحيني
استري حالي
فرحيني

عيوني في الدمعات وحيلة
انا لا الصبر قادر على
ولا عندي حيلة

حدثت عنك نجمة جارة
ورزعت اسمك
حارة حارة

في مناديل العزارى
في مشاوير الحيارى
في لحى الأشجار كتبتو
نحتو في صم الحجارة
وبحت للشمس البتقدل
في مدارها

عيوني في الدمعات وحيلة
اسمحيلا تشوف عيونك
اسمحيلا
انا الصبر قادر على
ولا عندي حيلة

إنت منك لا بداية
عرفت لسه ولا نهاية

مرة اسرح
مرة افرح
مرى تغلبني القراية
ولمن اكتبلك وداعا
قلبي ينزف في الدواية

يا صبية
الريح ورايا
خلًلي من حضنك ضرايا
عيوني في الدمعات وحيلة
اسمحيلا
تشوف
عيونك
اسمحيلا

أنا لا الصبر قار على
ولا عندي حيلة


*****


الرجوع الى أعلى الصفحة اذهب الى الأسفل
http://dibebaonline.akbarmontada.com
المدير العام
_
_


ذكر عدد الرسائل : 1026
العمل/الترفيه : التعارف والاطلاع والشعر واللغات
Personalized field :
اكسب مع ثلاثية روان : 0
تاريخ التسجيل : 19/02/2008

مُساهمةموضوع: رد: مكتبة الشاعر محجوب شريف   الجمعة أبريل 25, 2008 1:03 pm

حـيرة .....!

محبة البينا ....
ولا صداقة ؟

ولا بداية فرقة طويلة
أهـو بنتقابل نمشي ونضحك
وياما نعـدي اماسي جميلة

وكم بتساءل
وكم بتفاءل
ومرة أكون غلبان الحيلة
واسارع واسارع
أطوي الشارع
وبرضو خطايا بشوفا تقيله

واساهر
اطرز باسمك غنية
وانوم والشمس
مسح منديلا
جبين الدنيا ولف جديله

واقول اكتبلك
انا من قلبك
يمكن تبقي الخطوة عديله
واقول اصبّر
يمكن نكبر
اكبر من تغلبانا وسيلة
وتاني الشوق يشغلني فتيلة
وافتش عنك
واهرب منك
وسيرتك دايما بمشي واجيلا

محبة البينا ...
ولا صداقة ؟
ولا بداية فرقة طويلة ؟

****
الرجوع الى أعلى الصفحة اذهب الى الأسفل
http://dibebaonline.akbarmontada.com
المدير العام
_
_


ذكر عدد الرسائل : 1026
العمل/الترفيه : التعارف والاطلاع والشعر واللغات
Personalized field :
اكسب مع ثلاثية روان : 0
تاريخ التسجيل : 19/02/2008

مُساهمةموضوع: مع السلامة   الجمعة أبريل 25, 2008 1:05 pm

مع السلامة

كنت عايزك للطويلة
وللأماني المستحيلة

وكنت محتاجلك معاي
والليلة بهرب من وسايدي
من نجيمات المسا
العنك بتسأل
ومن قصايدي

الليلة بهرب من ملامحك
حتى من فكرة اسامحك
من الدرب الجبنا بيها
واي حته مشينا ليها
ومن حنيني الكان بيحلم
لو اماسيك
واصابحك

قلبي كم حباك وياما
خلّى يرحل بالسلامة
مع السلامة
السلامة
مع السلامة


*****
الرجوع الى أعلى الصفحة اذهب الى الأسفل
http://dibebaonline.akbarmontada.com
المدير العام
_
_


ذكر عدد الرسائل : 1026
العمل/الترفيه : التعارف والاطلاع والشعر واللغات
Personalized field :
اكسب مع ثلاثية روان : 0
تاريخ التسجيل : 19/02/2008

مُساهمةموضوع: لا مخير فيكم   الجمعة أبريل 25, 2008 1:06 pm

لا مخير فيكم

لا مخير فيك ولاني
داير أبقى أنا فيك مخير
كم زمن منك بعاني
ياتو يوم جيتك مغيّر ؟

يا حناني
يا زماني
يا مكاني

يا صباي الأولاني
لا أنا فلان الفلاني
ولاني فوق ساس جاهي باني
عندي بس حبّة أماني
وحزمة ولا اثنين أغاني
بحترق قبال أواني

ولمن يضحكو لي عيونك
بشتعل من تاني تاني

لا مخير فيك ولاني
داير ابقى فيك مخير
كم زمن منّك بعاني
وياتو يوم جيتك مغيّر
باقي لسه معايا زادي
دربي منهي ولا بادي
زرعي رويان ولا صادي
ماني عارف

وحتى ما بعرف مرادي
وقلبي يتعب من شرادي
وتاكل النيران فرادي
وكم بعاني

لا مخير فيك ولان
داير ابقى انا فيك مخيّر
كم زمن منك بعاني
وياتو يوم جيتك مغيّر ؟

*****
الرجوع الى أعلى الصفحة اذهب الى الأسفل
http://dibebaonline.akbarmontada.com
المدير العام
_
_


ذكر عدد الرسائل : 1026
العمل/الترفيه : التعارف والاطلاع والشعر واللغات
Personalized field :
اكسب مع ثلاثية روان : 0
تاريخ التسجيل : 19/02/2008

مُساهمةموضوع: ليلة الميلاد   الجمعة أبريل 25, 2008 1:08 pm

ليلة الميلاد

محجوب شريف

يا مشتل فرحنا الشال ....
ويا مرسي الشراع الضال

ويا واحـة قليباً كان زمن رحّال
يفتش عن عيون إنسانه
ينسى لديها حزناً طال

ولمًا لقاك فرهد ياما
بالفرح اللي عندو مُحال
ولمًا لقاك رسلو القمر منديل
وركت نجمة ...

ضوّت في الدرب قنديل

وهشّت زهـره

كانت تبكي طول الليل

وجات من بعد طول الهجره
غنوات الحروف

وكانت
ليلة
الميلاد

أقدم نفسي ليك :
إنسان
عزاي الشعر والآمال
وطيبة القل
وحسن الفال
واحب كل العيون لمن تحب عينيك
واحب كل القلوب
لمن تعاين ليك

واحب حتى البغير
من حبي ليكي عليك

*******
الرجوع الى أعلى الصفحة اذهب الى الأسفل
http://dibebaonline.akbarmontada.com
المدير العام
_
_


ذكر عدد الرسائل : 1026
العمل/الترفيه : التعارف والاطلاع والشعر واللغات
Personalized field :
اكسب مع ثلاثية روان : 0
تاريخ التسجيل : 19/02/2008

مُساهمةموضوع: الغـائب   الجمعة أبريل 25, 2008 1:09 pm

*******

الغايب

سافر زمان
قبال سنين
لا جاب جواب لا جاب خبر

أمو تسال كل طائر
كل عايد من سفر

خيالو ما فارق عيونها ...
وطيفو ما غاب
ليهو أثر
ما زال هناك
في الركن داك
صوتو وغناهو وضحكتو
وصورو المعلقة في الجدار

جرايدو
والكتب الزمان
الليلة كاسيهم غبار

مصباحو في الركن الحزين
ومكانو ما زال في انتظار

اصحابو أنداد الطريق
قدام عيونا مشوا اخضرار

يا ماشي لي بلدا بعيد ...
قول للمخاصم أسرتو ...
قول للطالت هجرتو ..

أمك هناك هناك ما دق باب
ما عاد قطار
ووصل جواب
اسمك تهزها ذكرتو
والبيت وراك لو شفتو كيف
ضاعت مواسمو وخضرتو

يا حليلو لمن كان صغير
تلميذ بيمشي المدرسة
تشفق عليهو من الطريق
وتخاف عليهو من المسا
كيف ينسى عيديه وحنان
وكفاح سنين كيفين نسى ؟

سافر زمان
قبال سنين

لا جاب جواب
لا
جاب
خبر

*********
الرجوع الى أعلى الصفحة اذهب الى الأسفل
http://dibebaonline.akbarmontada.com
 
مكتبة الشاعر محجوب شريف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
dibebaonline :: اللغة العربية والشعر بأنواعه والوانه :: الشعر الفصيح منقول أو تاليف الاعضاء :: شاعر وديوان مكتبة الشعراء-
انتقل الى: