من ومن من ومن

موضوع: رد: من ومن من ومن الأحد يونيو 08, 2008 3:03 pm

اولا السلام عليكم جميعا انا عارفه سؤال واحد القطع الشجرة ام عكن هو احمد الشيخ ادريس

كويس معلومة يا أم خالد لكن صلاح عاوز يعرف التاريخ سنة كم

لانه ما حضرها كان حضرها كان بشيل ليه غصن يحتفظ بيه تذكار

ولو في باقي منها كل واحد ليه ذكريات مع الشجرة مستعد يشتري فرع او جزء من الفرع ، ليعاوده الحنين بماضي السنين .... و

ولا رايكـ شنـو يا أبو شذى ، والاخ عمـاد ... تشتروا مزاد علني ... تخليدا لذكرى الشجرة ( أم عكن )
_________________

انا داير عليف بضم العين عشان ازرعو في بيتنا

الاخ صلاح "ابو شذى"السلام عليكم .انا برضو فى اسماء كتيره جدا محيرانى يعنى ماعارف مناسبتها او سببها وارجو من له علم ان يفيدنا والاسماء اصحابها منهم من قضى نحبه ومنهن من ينتظرواسل الله ان يتقبل الموتى قبول حسن وان يجعل البركه فى الاحياء منهم والاسماء هى اب قصيصه ود ناجى ابو عرب كدلابس دفاس ادرع الاحمر الضيب القور المدير دقاش الفوالى الحوت القرج مكتول الصينى اب شنب اب دقن فله ود المكناوى الفيليله التليب الظائط الحنان ابو دليق ود ابوعلى كباس وغيرها من الاسماء الشائعه فى القريه .ابو حسن.

انا عارف ((كتلابس)) كلمه يونانيه تعني ((هل انت فاهم)) وعمنا احمد عبد الله اكان شقال معاهوم
اما ((ودناجي)) اسال منها حسبو لانو جدو
((الحنان)) بتصل اليوم بي شذي اشوف الحاصل شنو
((الصيني)) اسال الجنبك دي

الوالد او الجد احمد محمد الحاج (ودناجي)لقب بهذا الاسم تيمنا بسيدي الشيخ العارف بالله احمد الناجي
والله اعلم cheers

_________________

[[/embed-flash]
http://www.your-domain.com/index.htm

اتصلت السودان قالو اسم الحنان جا نتيجه ان امه كانت تحبه حب ما عادي وكل مسا تطبطب عليه وتقول له ياالحنان يعني الحنيه الشديده ولما كبر عمنا احمد سموهو الحنان

سلام ياصلاح كيف اخبارك ,وانا كمان سالت الوالد وقال لي اسم الصينى جاء من انو كان زمان بجدع بي صحا نة الصينى ومشى فية الاسم .(ام حسن)

موضوع: رد: من ومن من ومن السبت يونيو 21, 2008 7:48 am

الكلام كمل ولا شنو ?

نكش ارح نكت لينا مصايب خلي الجماعه بتحركو حبتين
صحصحو شويه يا نايمين
احكو لينا عن المناسبات
سؤال مطروح للجميع.....
اول دكان في القريه اكان بتاع منو ?واكان ببيع شنو ?
_________________

[[/embed-flash]
http://www.your-domain.com/index.htm

والله ياشباب حاجه روعه وظريفه شديد وممتعه للغايه ومفيده في نفس الوقت..يعني الواحد ممكن يعرف كميه بتاعه تراث وتاريخ واسماء وحكايات مسليه جدا واساسيه في اكتمال حيثيات الجنسيه والمواطنه والتعميق في قلب وجزور الدبيبه,,,وتحيه خاصه الي الاخ عماد عمر وصلاح خضر وابو الزهور و ودالحسين وبقيه الاخوان والي السكرتيره المتجنسه بتفوق....ودمتم

الاخ الاصغر Della تحية طيبة

ونحييك عبر المسافات الطويلة ونشكر تفاعلك مع كافة مواضيع المنتدي وحقيقة لم نك نعرف أن هناك دماء حارة وشابة من ابناء القرية المعطاء ( الدبيبة ) الا بعد أن تم اعداد المنتدى ومناقشة مشاكل القرية والرقي بالخدمات وما شابه ذلك .. واعجبني اسلوبك المميز عبر مشاركاتك فنسأل الله لكم التوفيق ولكافة شباب القرية ودمتم ذخراً للدبيبة

أخوكم // عماد

الله يكرمك اخي عماد علي انسياب الدرر من المعلومات والحكايات والقصص المخزونه بالزاكره والتي تحمل بطاقه تعريفيه عن الدبيبه في السنين التي خلت وفي الايام الحاضره وانسجام الاجيال,,وهزا الانسجام يؤدي الي تفاعل كافه العناصر بمختلف الاعمار الي التقارب الفكري والادبي والاجتماعي وزلك قطعا يقودنا الي عالم المعرفه والالمام بالتاريخ والثقافه العامه بشكل سهل وسلس....كتر خيرك اخي عماد ايضا علي حفاوه الترحيب والمطايبه,,تحياتي لك و الي الاسره والي ان نلتقي في مساحه اخري اخوك محمد بركات دله

تسلوا جميعا من كل عيب ما دام انتم هنا مافي عوجه
وعندي سوال لي عماد اسم سرار جا من وين ؟
يلا يا عماد انثر لنا دررا لكي نحبو بحبوكوم .
صلاح ابو شذي

أخونا أبو شذا التحية العطره لكم وللاسرة الكريمة

طبعا سرار هو الجد الخامس لنا: يعنى عماد عمر محمد علي سرار وبالبحث عن هذا الاسم وجدت أنه بالمملكة العربية السعودية موجود لاسر كثيرة وكذلك فى فلسطين والمغرب العربي وأعتقد أنه في اللغة العربية يجئ من كلمة سر يسر فهو سرار ..... مثل كر يكر فهو كرار وفي السودان عائلة تسمي سرار توجد فى توتي غير عائلة سرار بالعسيلات ومن أحد افرادها الاستاذ / مضوي عمر سرار كان قد درسنا فى مدرسة العسيلات الاولية 1967م اما اسم القرية ( ودسرار ) فقد سميت باسم جدنا محمد ودعلى ودسرار لما قام به فى سنة 1906 سنة المجاعة من فتح المطامير( مخازن الغلال ) التى يمتلكها لكافة سكان المنطقة للتزود بما يخرجهم من تلك السنة وقد سميت السنة باسمــــــــه ( سنة ودسرار ) وكانت القبائل المجاورة تذكر ذلك فتقول ماشين حلة ودسرار حيث بزغ اسمه عاليا بتلك المكارم ونسأل الله أن يجعل ما قام به جدنا (محمد) في ميزان حسناته وهكذا كان سلفنا لم يجمع المال بل بذله فى اوجه الخير ومساعدة الاخرين وكما قال شاعر جاهلي قديم يخطاب زوجته ( آماوي) والتى كان فيها من البخل ما جعله يردد:
أماوي أن المال غاد ورائح *** ويبقى من المال الاحاديث والذكر
وهكذا ذهبت أموال ودسرار وبقيت ذكراه عطره وسيبقى اسمه حاضراً ما بقيت هذه الفانية .

ويلا خلينا نعرف معني البنبوناب ومن أين أتى الاسم عشان نزيد معلومات ؟؟

تحياتي

عماد سرار

طبعا يا شباب نسيتو حاجه زمان جزارة عمنا بركات ود ادم متي تاسست وجزارة عمنا رملي

ماشين حلة ودسرار حيث بزغ اسمه عاليا بتلك المكارم ونسأل الله أن يجعل ما قام به جدنا (محمد) في ميزان حسنات

الاخ الاكبر عماد نشكرك على المعلومة

ربنا يرحمه ويجعل ما قام به في ميزان حسناته

بجيكم صاااااااااااد
_________________