dibebaonline

عثر علي احد الهاربين المرتزقة المعتدين علي الوطن في المنطقة في" الخلوة" بالخصوص ليلة امس وتم القبض عليه وسلم الي السلطات بأم ضوبان,كما عثر علي عدد اخر في منطقة العسيلات وتم القبض عليهم.اها كرت ولا قددددددددددددددديمة

خشوووووووووع انا سمعت ديل عمال هههههههه قالوا ( أمنه ) بنت الكــدوة شافت ليها عمال شايلين ( كواريك ومعاول حفر ) قامت جارية من غير ما تتأكد وقالت شافت ليها هاربين شايلين سلااااااااااح ....

وصولوا ام ضواباان معقووووووووووول يا ساتر

جاري التأكد من الخبر يا خشوووووع

وخليكي مراسل فوري للمنتدى

مدونة الدبيبة أون لاين

معناها الناس كلها عامله حسابا دي حاجه كويسه احسن ما نخلي اي حاجه للحكومه

هااا زووووووووووول البركه القبضو دا ما كان دخل بيتنا عدييييل

الاخت خشوع شمارك قوى جدآ وارجو منك تفاصيل دقيقة القبضو منو والحصل ليو شنو ودخل كيف الدبيبة افيدينا افادكى الله[ وليد]

هلا وليد,زي ماقلتة شمار يعنى سمع اضان ,طبعا انت عارف الخلوة يتردد عليها بعض الاغراب عن القرية ,اها قالوا واحد من الناس شبة مستقر في الخلوة شاف الوش قريب, وخبر الجماعة ديل كان فاري اها براحة كدا لم لية كم نفر وقبض علية ودوة ام ضوبان,وسلم للسلطات ,دا السمعنابية والشمار اخي وليد قابل للصدق او الكذب,عشان ماتقولو خشوع قالت,"بري ابرة من القوالة والصواتة".وياشيخ فرح حقت امنة بت العكوده دي واحدة تانية

طبعا يا خشوع نحن بهمنا سلامة اهلنا وسلامة الوطن الحبيب وخاصة الدبيبة ما تصوري بنستقبل اخبارها كيف بشوق ولهفة شديدة ونرجو منك ان متابعة كل الاخبار فى الساحة التى تخص الدبيبة بصفة خاصة والسودان بصفة عامة وتكونى قدمتى خدمة طيبة لاخوانك بالخارج وتقبلى شكرى اخوك[وليد] cyclops

لا هو قبضو في خلوة الدبيبة ولا ام ضوبان يا خشوع لاني طاشي شويه لوووووول

عموش
انا كمان سالتا وقالو مافي كلام زي دا
خشوع شمارك تعبان

شمارك فشنك
مافي اي كلام بشكل دا بس شكو في زول

الشرق امان
_________________

مالك ياخشوع خوفتينا الشمار ده صحي

يا جماعه
وييييين الاخت خشوع ?افتقدناها وافتقدنا مشاركاتها .في زووول عندو خبر منها
اتمني ان تكون بخير .
اتبنوا لينا شوفوا مالا

تسلم ياود الحسين ومايفقدوك في شينة ,قلنا نغيب شوية نشوف معزتنا عندكم,وانا بخير وعال العال ورجعتة تانى للمنتدي ولي اهلي الطيبين واللة بالجد وحشتونى

خشوع

من باب

إذا رمت أن تعـلوا فزد متواترا *** وإن شئت أن تزداد حبا فزر غِبّـا

المهم طننينا عنك يا خشوع وخبر الوفاة للمرحومة ستنا ما حصلتي

أحسن ،،،، عاوزنك تجيبي لينا الخبر الزين وتأخري الشين ....
_________________

أخير ليك الشاكوش ولا تتكفت كــدا

ما للدرجة دي ياشيخ فرح ان شاء الله ما حا تسمعوا تانى الا اخبار زييينه

alklaam da gad ya 7agaa da ma ganna 3adeel kedaa

بعد الغياب بعد الليالي المره في حضن العذاب
اهلين خشوع والله خفنا ماترجعي تاني
يللا ورينا جديدك

_________________

[[/embed-flash]
http://www.your-domain.com/index.htm

تحياتى خشوع انا جيت فى اخر الشمار بس عايزه افهم الهارب دا
وصل لحد هناك كيف شكيتو على الله
بس شمارك داير ليه قهوه عشان اصحصح
كدا واتخيل الموقف واتأكد منو تسلمى ياستى
وعايزين الاكيده مابتلقى راحه معانا تمى الشمااااااااااااار
تقبلى مرورى وتقديرى

انا السيد من السودان احب اطمن كل الاهل الفي الغربه واقول ليهم البلد امان ومافي كلام ذي دا بس دي اشاعات

مشكور ياود الحسين علي الصوره دي عليك الله كتر منها