أخوكم محمد ابوعركي بابكر عمر

السلام عليكم يا شباب الدبيبة يا راقين أخوكم جديد لنج من الكرتونة ممكن تقبلوني عضو فى منتداكم العامر الدبيبة او لاين تلك القرية الوادعة المتطورة درة الريف والحضر بلد الفن والادب والعلم والاصالة والكرم والحديث عنها يطول وأحيي ربان هذا الموقع المشرف الرائع الاخ زاهر الطيب بركات واركان حربه دون فرز وأهديكم رائعة الشاعر الشعبي المعروف الجد احمد محمد الشيخ الشهير بالجاغريو ( فى الدبيبة)
الدبيبة بلدة مجدنا الاصلية
ناسا عموم أماجد وروحها سامية علية
مدينة منسقة بكل خير مملية
شبابا رؤسها عالية بالعلوم مملية

نحن الشعب خاصه الحاضرين الليلة
وأرابيب الطرب والسامعين تهليله
وين خلف الله حمد قائد الطرب ودليله
بشباب الاتحاد لاشك ليله جليله

حفله ظريفه بحضور الجميع إتجلت
وجمعت من أنواع الجمال ما خلت
ناس زحفت قلوبه وناس عقوله إختلت
وانظروا الى النجوم الفى الكراسى إدلت

نجم الحفلة يضوى جبينه ونوره وسمره
خلا العاشقين بتفلو فى نار جمره
كل الحاضر احتار وارتبك فى أمره
والماشاف مناظر الحفله ضاع نصف عمره

ودمتم إخوتي --- أخوكم محمد ابوعركي بابكر عمر--- ابوظبي

هلااااااااااااا مرحباااااااااااااااات الاخ الذي احتل مكانه من اول مشاركة مكانه في قلوبنا وفي المنتدى جميلة جدا تلكمو الكلمات التي عرفتنا بها .

وحباب حفيد الجاغريو ( احمد محمد الشيخ الجاغريو )

حبااابك الف وزيد القول ولِف لو ما شالك المنتدى نشيلك فوق رؤسنا

نورت يا غالي وأنت أكيد إضافة حقيقية بجد للمنتدى ـ وسعيد جدا بأن أتعرف عليك من خلال هذه الشبكة العنكبوتية والدبيبة تجمعنا هنا ...

ودعـوه خاصة نوجهها لك بتشريفكم لزيارة قسم الشعر لتزودنا عن جدكم الراحل ( الجاغريو ) وتواصل مع الاخ مصعب حسن

أقول نزلت أهــــــــــــــــــــــــلاً وحللت سهــــــــــــــــــــــــــــــلاً

ومقامك فوق العين وتعجز عنه كلماتنا
_________________

الاخ محمد ابوعركي مرحبا بك وسط اخوتك فى منتداكم العامر باعضائه دائما وانت نعتبرك اضافة حقيقة لهذا المنتدى الذي يفخر بأمثالك .. وبداية طيبة بشعر جميل من شاعرنا الكبير رحمة الله عليه ( أحمد محمد الشيخ - الجاغريو) ونتمنى ان تحدثنا عن هذا الشاعر الكبير وانت باعتبارك من الاقربين جدا للشاعر وتكون قد سمعت من الحبوبات الكثير من القصص التى ترجمت شعرا فنتمنى ان تكون مشاركاتك متواصلة ..
سلامنا لكل الاخوان بابوظبى وخاصة الاخ ابو عبيدة ونكرر القول منتدانا نور والله نور بود ابوعركي

عماد عمر

مرحبا بناس غياثي ومرحبا بناس السلع ونورتنا وشرفتنا وتحياتي للابناء

تحياتي ودالضيب

مرحب بي ود الجاغريو شرفت في ديارك العامره بك

مرحباً محمد ابوعركي نورت طبعاً يااخوان محمد موسوعة في الرياضة وبالذات ( سباقات الخيول)والشعر بالذات شعر الجاغريو فلاتبخل علينا بالمعلومات تحياتي للأولاد

حضور مميز لشباب الامارات شدوا حيلكم يا ناس أوروبا

منتظرينك يا محمـد أبو عركي نشوووف الابداعات ومن أولها إكتشفنا فيك موهبة غير الشعر ( الخيول والفروسية )
والخيل معقود في نواصيها الخير إلى يوم القيامة .....

من خلال ترحيب الناس بيك أكيد راح اتعرف بيك أكثر وكأننا تقابلنا سنين ....

وبيجكم صاد
_________________

اخى وعزيزي مشرفنا العام زاهر لك مني الشكر الجزيل لترحيبك الحار بى مع الاطراء تسلم يا رائع واتمني ان اكون عند حسن ظنكم بي وسوف اتواصل معاكم بأ ستمرار ويديك العافية على ما تبذله من مجهود فى منتدانا العامر حتي يكون فى المقدمة دوما

كيف صحتك اخى عماد عمر انشاء تكون ملكت الصحة والعافية دائما بسأل عليك وفعلا منتدي الدبيبة حاجة روعة وشباب زي الورد ربنا يحفظهم وابوعبيدة واسرته بسلموا عليك كثير السلام ويديك العافية ونسمع عنك كل خير .

كيف الحال والاحوال أخى محمد أحمد دفع الله الشهير بود الضيب والله الشوق ليك بحر انت رجل ما ساهل افتقدناك كثيرا فى ابو ظبي وان شاء الله يوم شكرك ما اجى وكيف الاولاد عا ملين وتقبل سلام اسرتي الصغيرة وسلام الاخوان بلال وكمال ونزار وطارق توفيق ومنتدي الدبيبة حاجة تمام لأنه جمعنا بيك وتسلم يا راقي